صباح الخير عليكم جميعا
اليوم بنقدملكم القاعده الثانيه
قاعدة المقصقص و الطيار
بيقولولك: اتسلى بالمقصقص تا يجيك الطيار (وفي روايات أخرى: إلعب بدل اتسلى)
طيب شو يعني؟ وشو هو المقصقص أصلا؟
المقصقص هو العصفور اللي ما الو جنحان؛ يعني اللي جناحاتو مقصوصه أو مقصقصه
القاعده هاي بنستخدمها للإشي اللي بتضيع وقتك فيه لحد ما الله يفرجها
مثلا: بنت بتتسلى بشب "ما حيلتوش القضا" (المقصقص) ؛ وحبيبي حياتي عيني وبعدين أنا خطبت!! مين خطبتي؟ الطيار طبعا (العريس المقرش = العصفور الطيار أكيد)
ما بعرف إذا ممكن نعكس الآية بالنسبة للشباب؛ في عصفورات مقصقصات وعصفورات طيارات يا ترى؟ بس لأنو هاد المثال بالنسبة للصبايا مر علي كثير؛ يعني بعرف وحده خطبت الطيار وتركته بمجرد ما المقصقص (الحبيب الأولي) صار طيار هو كمان؛ بعد ما طلعت من الطيار الأولاني بشوية مصاري كويسين.
صارت طياره هي أيضا.
كمان بالنسبة للشغل؛ دورلك على شغلة هامله وسلي وقتك فيها ( كاشير؛ اشتغلك بمطعم محل اكسسوارات الخ الخ) تا الله يفرجها عليك ويجي الطيّار
شو كمان شو كمان؟ مش عم يطلع معي شي تاني بس إلي بيطلع معاه يخبرني
يلا روحوا "شوفولكم قط وملصوا آذانو"
هناك 17 تعليقًا:
ههههههههههههه
قاعده الطيار والحمار دي :)
حرام اعتقد
احنا بنسميه الركن ع الرف
تحياتي
يعني يا مياسي صرلنا بنلعب بالمقصقص من أول ما انولدنا ولهلا هالطيار مو راضي يجي ):
بس عفكره ملاحظة كتير مهمة اللي نبهتي الشباب عليها عشان لما بدو الشب يتعرف على بنت من اليوم وطالع لازم يسألها أول إذا هو المقصص ولى الطيار عشان ماينصدم بعدين :)
شكرا مياسي على القاعدة رقم 2 وأرجوكي لا تبخلي علينا بالمزيد من هادي القواعد اللي عن جد ع الوجع :)
مروه
هههههه حلوه الحمار هاي :)
الركن عالرف؟ ممكن بس بذمتك مش تاعتنا حلوه؟
أهلا وسهلا
أشرف
أي نعم شكلو حنضل مع المقصقص عمر الله يستر
يعني برأيك الشب لازم يتشجع ويسأل؟ طيب انا جاي على بالي احكي للبنات بسألو مع اني ظني هلأ معظم البنات مقصقصين وبالاخر مدلة ماما بتمشي
ولا يهمك كل ما اتذكر وحده رح احطها:)
I think men are into this game more than the ladies..women still fear the consequences of playing such a dangerous game because it can lead to grim future down the road.
well, couldn't find any other example beside the ones you mentioned. I tried to remember the "Beiruti" term for
المقصقص و الطيار
but could not remember. I am going to ask mom and come back to you..
Miss you ammoura :)
لا انتي في حدا مسلطك علي هاليومين يعني مو هيك
على العموم انا الي 5 سنين بشغل ( مقصقص ) ايمتى رح اشتغل شغل الطيار ؟؟؟
خفي علينا
كمان بقولوا امسك بي المقصقس تا يجيك الطيار
وصايا مياسي العشرة بالادراة
اي نعم اربط الحمار وين بدو صاحبو والعب بالمقصقص ليجي الطيار
بس برضو يعني خلي الحمار يرعي شوي عشان حرام خلي شوية اكشن بالحياة
شكله كلنا ماسكين بهالمقصص :$ و بنستنا
بس هالمثل بتعارض مع المثل اللي المعظم ماشي عليه
ارضى بالمنحوس ليجيك الانحس منه :)
طلع ممكن يجي الطيار مش الانحس وانا مش عارفه :)
Noura
well maybe it is a dangerous game for ladies but it fits them more
it is bcoz men have the lead while ladies are more tricky u got what i mean
ok i will wait 4 ur mom
miss u too u are not around here much lateley
;)
jafra
مسلط على مين؟ والله ده انا غلبان
ياختي ولا يهمك طلع نص الشعب مقصقص وضعه وانا اولهم
ايش رايك اشيل البوستات؟
hemedi
شكرا عالمعلومه
واهلا فيك مره تانيه هون
بكتيري
يا الله شو بتحب تناكف!!
مش عللى كيفه الحمار لاني مش جاي على بالي اتهاوش بالعربي
:)
ويسبر
ههههههههههههههههه
تعرفي اني كنت ناسيه مثل المنحوس هاد؟
لا جد مالكم كلكم مقصقصين؟ عن جد نكشة مخ طلعوا هالقواعد
هينا بنستنا الطيار احنا كمان :)
اشك انك بتتبعى اى قاعده من القواعد اللى بتحكى عنها...
مش كده؟؟
شوفي يا ستّي في حالات معلش .. و في حالات مش معلش!
يعني اذا الواحد عنده شغل نص-نص! يضلّوا مع المقصقص (يتعلم، ياخذ خبرة) لحتى ييجي الشغل المناسب
امّا بالنسبة للعلاقات الإنسانية فحرام جدّا ان الواحد "يتسلّى" شيء غير مقبول ابدا! لكن للأسف، بعرف ناس كتيييييييييييير هيك
mohra
بالنسبه للشغل يعني؛ آه بتبع مرات بتمرد بس برجع مثل التوتو
بس بالنسبه للعلاقات لأ؛ بحاول قدر الامكان ما اتسلى بحد
سؤالك قوي على فكره؛ خلاني أفكر مره تانيه
أهلا بيكي:)
قويدر بـاشا
هو هيك؛ الشغل ماشي الحال بتمشيها
بس التسلايه بالناس وقاعدة "السبيرات" وبحط 3- 4 عالاحتياط
مو حرام هيك؟ بس هيك حكيت؛ كتير ناس من هالنوع ما بتتزكر تدوينتك Mr Backup and Mr Backup Backup?
زمان عنك هون:)
والله يا مياسي
في قاعدة للعلاّمة جورج وسوف تقول "أرضى بالنصيب ترتاح مع الحبيب " :)
والله هذا زمن القواعد .. للأسف في ناس هيك ، و أنا شوفت بعيني ناس من هذول ، بعرف واحدة كانت بتحب واحد وبتموت فيه ، ولما مر واحد تاني أحسن منه بشوي في حياته رمت هذاك على طول بس بدون ما تخسره نهائي ، المهم الاتنين عرفوا انها بتلعب عليهم الأثنين فخسرت الطرفين :)
دنيا أخر وقت ، الإخلاص و الصدق صار عملة نادرة جدا جدا للإسف
شكرا على القواعد الجميلة و الواقعية
سراج
قاعده مرتبه والله:)
يلا خليها على ربنا الواحد بيعيش وبيسمع
ههههههههه
حلو المثال ده
وعايز ادور على حاجه شبيه ليه عندنا مش فاكر دلوقتي
اقولك عندنا كتير قوي موضوع البنت اللي تتسلى بواحد لحد ما يجي الطيار لكن في رايي انهم مش بيتسلوا بقصد وانهم بيكونوا عايزينه فعلا زوج ليهم لكن هي مش عايزاه يبقى خيبه برده هي عايزاه هو لكن عايزاه يبقى مقرش على رايك
يعني عايزين الحاجتين مع بعض عايزه يحبها ويبقى حبيبها النحنوح وفي نفس الوقت يكون متريش وغني ويكفيها
نقول ده طمع لا اقول ان هي دي سنة الحياه ان الست مسؤله من جوزها بالتالي مينفعش تتسند على حيطه مايله وفي نفس الوقت هي محتاجه حبه وحنانه جدا بالتالي هي محتاجه الحاجتين حبه وفلوسه
مظنش ده فيه مشكله يعني
سلااااااااام
اخوكي ايهاب
شنكوتي
حلوه وجهة النظر التانيه عن موضوع البنات والشب المقرش
ما بنكر انو في زي ما انت حكيت
بس في كمان اللي بحطولهم 5-6 على جنب على أمل واحد فيهم يزبط
هادول اللي انا قصدي عليهم؛ جماعة عريس والسلام
إرسال تعليق