الأربعاء، 30 يونيو، 2010

تباديل ... توافيق

الحياة عموما والعلاقات خصوصا بحسها محصورة في:

الطرف الأول بدو والطرف الثاني ما بدهوش

الطرف الأول ما بدو والطرف الثاني بدو

الطرفين ما بدهم

الطرفين – وهاي أصعب وحده- بدهم



يا ترى شو أكثر وحده فيهم مرت عليك؟

ملاحظة: العنوان مأخوذ من قواعد التباديل والتوافيق في الإحصاء
 

هناك 18 تعليقًا:

allouh يقول...

اكثر واحدة هي الاولى او الثانية مش عارف بالزبط.
لسه الاعطل لما الطرفين بدهم و يكون في اسباب مش سامحيتلهم

jafra يقول...

انتي مش جايبتيها البر يا بنت
مالك مدققة على الفضايح

احلا شي لما الطرفين ما بدهم بس مستحيين او في قيود على التعبير لانو العيلة ممكن تفكك

Whisper يقول...

وفي حالة اللي بفكر حالو بدو

و الحاله اللئم الكبيره...اللي بعمل حالو بدو

مياسي يقول...

@allouh

صح، لما يكون الاتنين بدهم وما تزبط فعلا صعبه

@جفرا
ما هو بتعرفي، قلة الشغل بتعلم التطريز شو ورانا:) الفضاوه يختي:)

وبرضو هاي فكره تانيه، الحيا الاهبل:)

@ويسبر
اوبس عالوجع!!
بتعرفي عن جد قويه هاي! أفحمتيني!

فتاه من الصعيد يقول...

الطرفين بدهم ايه بالظبط :) ؟؟

عموما انا اعتقد اني بشوف الاتنين بدهم والناس مو بدهم :)

تحياتي

مياسي يقول...

فتاة من الصعيد

متفقه مع علّوه شكلك :)

ميسم يقول...

انه حلوه هاي توافيق وتباديل قضناها احنمالات :)))
ممممممممم كل الحالات صعبه كل بضحك عاكلواا

مياسي يقول...

ميسم

له له ليك هيك فاقده الثقه يا بنت؟ :)

شو اخبارك؟ شو كيف بعد التخرج؟

قط البكتريا يقول...

طيب يا انسة احصاء
واذا الطرفين مش عارفين شو بدهم
او طرف مش عارف شو بدو
او طرف بدو وهو من جوا مش عارف شو بدو
شو بدنا بالاحصاء

مياسي يقول...

قط البكتيريا

له له الاحصاء علم مهم يا باشـا:)

Haitham هيثم Al-Sheeshany الشيشاني يقول...

حاسس إنك مخربطة هاللأسبوعين يا مياسي!
:[

جرعة التشاؤم زايدة عندك ، و مو إني بلومك لأنو الوضع من كافة النواحي لا يطاق بس برضو روقي شوي :)

جد حبيت "الإسقاط" الإحصائي اللي عملتيه :)

جفرا + ويسبر ما خلولي حكي لأنو نفس الفكرتين بتعليقهما إجو ببالي.

الله يريح بالك إن شاء الله.

مياسي يقول...

هيثم

والله كنت عم بمر بمرحله صعبه شوي!!

بس هسه الحمدلله احسن

كمان قلة الشغل بتعلم التدوين، خلينا نكتب قبل ما نرجع ننشغل

الحقيقه في اجابات هون كانت كتير جديده علي وواقعيه :)

Haitham هيثم Al-Sheeshany الشيشاني يقول...

الحمد لله على كل حال.
بس ما تقطعينا و اللا بندعي عليكي تيجيك ظروف "مخففة" كل فترة و فترة
:]

مياسي يقول...

هيثم

:) مش دعوه بصراحه:)

Noura يقول...

Mar7aba ya ammoura ! how are you? Miss you and miss your e-mails. I hope life is treating well.

That is a nice post. I went through all what you mentioned and all of them are difficult....it seems when ma fee naseeb nothing works.

Big hug :)

مياسي يقول...

Noura my dear!!! how r u ya bent? wen gha6sanaeh?

wallah i miss emailing you too, it is was a rush time lately, now everything seems to be doing good some how

well, u have been through all? i guess that is makes u some kind of an expert!!

yea lama ma yekon fe naseeb, nothing seems to b working!!

hugs back:)

Rula A. يقول...

--الطرف الأول بدو والطرف الثاني ما بدهوش
هاي شفتها كتير بفترة الجامعه

--الطرفين ما بدهم
هاي لقيتها بالشغل

--الطرفين بدهم
لسه ما مرقت علي

:)

مياسي يقول...

Rula

حلوه ما مرت علي :)