الاثنين، 19 أبريل، 2010

سيابه




اليوم: الخميس الفائت

الزمن: قبل الساعة التاسعة صباحا بدقائق

كل هؤلاء الصبية والذي من الواضح أنهم تلاميذ في مدرسة ما ينتظرون محل الـ games network  ليفتح أبوابه

في الصورة الأولى يبدو بعضهم منتبها للكاميرا

في الثانية اثنان يتخذان وضعية خاصة للكاميرا في تحد

في النهاية يفتح المحل أبوابه فيدخلون جميعا فيما ينتظر الوافدون الجدد دورهم

كل هذا في الساعة التاسعة صباحا، والمفترض أن هذا هو وقت المدرسة!!

هناك 34 تعليقًا:

فتاه من الصعيد يقول...

عيال عايزه شويه حسم اكيد

تحياتي

مياسي يقول...

مروة

أكيد مزبوط كلامك بس وين الحزم يا ترى؟!

sozan يقول...

مرحبا ميسو:)
والله لازمهم عصاه !!وبيحكولك ليش العنف منتشر وبيلوموا المعلم لما بيرفش ببطن واحد منهم ماهو من فلاحتهم

راجى يقول...

كمان فى الاردن؟ بدأت اصدق نظرية المؤامرةالتى تحاك ضد العرب والمسلمين

Amjad Wadiِ يقول...

المشكلة مش بس بالالعاب و تضييع الوقت .. المشكلة بالبيئة تبعت هاي المحلات و بالاشياء اللي راح يتعلموهابدءا من الدخان وانتهاء باشياء ما بتتسمى

والله يا أخ راجي ولا مؤامرة ولا اشي
عند الاجانب محلات للألعاب قد اربد موول

Dr.Mohammed يقول...

له له له يا مياسي هيك راح نزعل من بعض P: هاد محل ايليت باربد !!! لا ما بصير تيجي فيه بالمرة ، هاد كان الملاذ الامن و مكان الراحة النفسية الي ايام الجامعه !! هو و المحل اللي تحتو عند الدرج لتاجيير الافلام و في على الجنب مكتبة البيان !!

بس بصراحة صحيح اني كنت اروح عليه بس ما كنت اروح الصبح فما عمري انتبهت على انو في طلاب مدارس بيجو عليه من الصبح ، المفروض صاحب المحل ما يستقبلهم من الاصل.

اه رجعتيلي ذكريات الزمن الغابر

Naryat يقول...

هدول مستقبل البلد :-)

و نيالك يا بلد بهالمستقبل...

Whisper يقول...

هاي مش سيابه حبيبتي :)

هاي تياسه بعيد عنك

المشكله ان الشباب اللي بالصورة واضح انهم مش صغار و المفروض بعرفو مصلحتهم, ولنفرض انه انعمى على قلبهم وين دور المدرسه و وين دور الاهالي؟؟؟

ما في استاذ يراعي ربنا بشغله و يلملمهم يضبهم بالمدرسه, ما في متابعه اهل؟؟

زكرتيني بقصه
اخوي الكبير كان من اللي بحب يهرب من المدرسه :) هيك نوع من انواع المغامره بابا كان يشتغل بمادبا وقتها, نزل اخوي من السور لف وجهو لقى بابا قدامه :)
سأله بابا وين رايح, بحكيلو اخوي بدي اروح افطر, حكاله بابا اوك اركب, جابه عالبيت و طلب من ماما تحضر فطور و افطرو ورجعو للمدرسه :)
من يومها اخوي بس يحكولو صحابو تعال نهرب, بحكيلهم لاااا انا اذا رحت عالمريخ بلاقي بابا هناك :)

واضح اني من زمان مش كاتبه بالمدونه و عندي حكي كتير :")

أشرف محيي الدين يقول...

المشكلة يا مياسي انو الوضع ماعم بتغير مع أجيال الشباب خلال العشرين أو الثلاثين سنة الماضية كل المراهقين عم بعيدو قصص الاجيال اللي سبقتهم سواء بقضية الهروب من المدرسة أو التدخين أو الطوش وعشان هيك الحل بدو تغيير جذري أولا لعقول الأهل في كيفية التعامل مع أولادهم وتخصيص أوقات أطول إلهم عشان يفهموا مشاكلهم وينصحوهم ويوجهوهم للطريق الصحيح .

نهارك سعيد

eNAS يقول...

والله مشروع ناجح :)

مياسي يقول...

sozan

والله مش عارفه عن العنف بس عارفه انو في شباب كتير رايح وقته هيك عالفاضي وبعدين بيفرغه غلط وبيحكولك ليش العنف بالجامعات؟!!!


راجي

وين ما رحت بعالمنا العربي مش بس بالاردن
وموضوع المؤامرة ما بحب أرمي عليه كل شي:) ما شالله مكفيين وموفيين

مياسي يقول...

أمجد

فعلا صح؛ مش الألعاب بس التطور اللي بعدها هو المشكله والعنف والأشياء اللي المراهقين بيعلموها لبعض

أتوقع لازم تحكي انو محلات الاجانب قد سيتي ستارز:)


محمد

هو في حد اجى بالمحل؟! بحكيلك هاد الحكي الساعه 9 الصبح يعني يا دوب الناس تفتح عيونها!!
وليش ما يستقبلهم؟ هادول اللي بتلاقيهم مكسبين المحل؛ ما شفت قد ايه كتار ما شالله؟ وعلى فكره للساعه 12 ولسا ما طلعوا والحسابه بتحسب!!

ابسط عالذكريات ببلاش :)


Naryat

والله الحاضر مش ولا بد! كيف رح يكون المستقبل؟ الله يستر !

مياسي يقول...

ويسبر

لووول:)

حلوه قصه اخوكي بس حياتي شكلو بيستحي لانو هسه لا في حيا ولا ما يحزنون

وبعدين الادوار اللي ببتساءلي عنها كل واحد بيحملها للتاني

يعني الأهل بيحكوا المدرسه هي السبب والمدرسه بتحكي الاهالي ما بتربي وهكذا

احكي ياختي على حسابك :)


أشرف

أي نعم القصص هي نفسها بس النوعيه صايره تختلف
هلأ صار في نت وفضائيات وعولمه
مرات بحزن عالمراهقين، اهالي مش عم تواكب العصر وفجوه كبيره بين الاجيال مش عمريا بس فكريا

التربيه مسؤوليه كبيره وعمليه مش سهله نهائي

نهارك أسعد :)

ُeNAS

فوق ما بتتخيلي ناجح:)
هلا فيكي بعد غياب نورتي :)

Rula A. يقول...

إذا لم تستحي فاصنع ماشئت,, وهدول المجموعه شكلهم بايعينها..

مياسي يقول...

Rula A

هيك شكله
ما شفتي الاتنين بالصوره التانيه كيف واقفين بدهم يتصوروا؟

Sh3rawi يقول...

دايما بحطوا الحق على جيلنا,الجيل الجديد الهامل,السرسري,المش عارف شو مالو ...
ماشي جيلنا هامل و سرسري,طيب الاهل شو بعملوا ؟ و المدرسة شو بتعمل ؟ المجتمع شو بعمل ؟
لو مدرسته للأخ بتسأل فيه,وبتروح بتحكي لابوه اللي بيصير,وابوه بيعمل اي اشي علشان يحل المشكلة ما كان صار هيك,لو المجتمع بيهتم ما كان صار هيك !
الكل برمي الحق على التاني,والنتيجة ضياع جيلنا :)
وللأخ راجي,نظرية المؤامرة ؟
الأب اللي بهتمش بتربية ابنه جزء من المؤامرة ؟,والام الّي بتخلي ولادها يحضروا 90210 جزء من المؤامرة؟والمدرسة المش منيحة جزء من المؤامرة ؟
انا بديت اشك انه بنت جيراننا الحلوة برضو جزء من المؤامرة على الاسلام والعرب والمسلمين !
اي وبعدين مع نظرية المؤامرة هاي !!

فتاه من الصعيد يقول...

الحسم بالبيت والمدرسه اللي تعاقب اللي يغيب وتبلغ اسرته :)

تحياتي

صاحب المضيفة يقول...

والغريبة انه باب الريان

لا حول ولا قوة الا بالله

سارة نجاتى يقول...

ده انتى مصيبة يا ميسو ههههههه
بس تصدقى عندك حق
عندنا برده تلاقى بنات المدرسة اللى جنبنا بيتمشوا فى الشارع الساعة عشرة الصبح لا مش واحدة و لا اتنين ده كتير أوى
كأن نص المدرسة بره
الأدهى بقى أنه ع الساعة اتناشر تلاقى العيال كلها طلعت المدرسة بتكون طلعتهم عشان تخلص منهم ..وضع التعليم فى المنطقة العربية كلها بقى خطير

ابقى تعالى عندى .. ليكى عندى موضوع ح يفكرك بأيام زمان لما كنتى بتكتبى عن الافلام و كده

Bassel يقول...

isnt this in irbid ... LOL
reminds of a lot of things
:)

jafra يقول...

يعني هادا المكان اذا ذاكرتي اسعفتني كان سكن بنات بالزمنات
بس الوضع ما تغير
طيب هم في المدارس ما بياخدوا حضور و غياب ووين الشرطة عنهم المروض المحافظ يعمل شي
يعني هلا بهيك محلات و الله يعلم شو ممكن يصير بكرا وين ؟؟؟

سراج الماضي يقول...

مياسي زمان عنك :)
صور ممتازة لي لو مافي شبك حديد
موضوع الالعاب الشبكية والله مشكلة عالمية على فكرة، العالم بشكل عام مهووس على هذا الموضوع ...
وأكبر دليل شوفي البطولات الألكترونية في كل الألعاب ... والجوائز المرعبة فيها ...

والله الكل صار يهرب من المدرسة على أهون الأسباب ... جيل أخر زمن

Haitham هيثم Al-Sheeshany الشيشاني يقول...

من أنجح المشاريع في الأردن؛ محل ألعاب إلكترونية + خدمة إنترنت أو مطعم باسم غريب و مأكولات عادية بس بمسمّيات عجيبة :)
الوضع نفسه نفسه و صعب يتغيّر لأنّو عوامل تغييره غير موجودة!

قط البكتريا يقول...

عادي اصلا لازم يعملو حصة بلاي ستيشن بالمدارس ...
المشكله ما في نشاطات بالمدارس يعني بضلو يحشو براس الولد مواد جامدة غصبن عنو بدو يقرف ويبتعد اساليب للهرب .
تاني اشي مش حل تمنع محلات الالعاب
لازم تلاقي اسلوب تحبب الطالب بالمدرسة مش طفشو وتصير وين الو متنفس تسكرلو اياه

عفكرة الالعاب مش عاطلة ممكن تكون اسلوب مميز لتعليم اللغات للطلاب وممكن تكون لو استغلت صح وسيلة للتعليم

Amjad Wadiِ يقول...

انا كنت ساكن ببناية مقابل محل ألعاب زي هيك

بدك الحق .. أكثر ناس مهووسين بهاي الأشياء الصينيين .. :)

مياسي يقول...

Sh3rawi

طيب شوي شوي على حالك معصب كتير:)

هلأ معك حق وانا حكيت في ردي هون انا الكل بيخلي مسؤوليه

الأهل بيرموا مسؤوليه على المدرسه والعكس بالعكس غير الفجوة اللي بتكبر يوم عن يوم بين الأهل والأولاد

وبالنسبه لـ 90210 انا حضرت النسخه الاصليه زمان وبأكدلك انو الجديدة "أنظف بمراحل" بس انا معك انو هيك اشياء تأثيرها سيء عالصغار وكتر خير ستار اكاديمي!

بالمناسبه قديه عمرك؟!



فتاة من الصعيد



تماما معك حق، بس هاتي عاللي ينفذ!

مياسي يقول...

صاحب المضيفة

محل الالعاب اسمه ايليت
باب الريان هو السوبر ماركت اللي جنبو :)

أهلا وسهلا فيك كمان مره بالمدونه نورت:)



سارة

والله تسيب البنات لسا ما وصلنا، البركه بالشباب

على قولتك ما حد بدو يتحمل مسؤوليه غير انو الوضع المادي والقانوني للمعلمين ما بيشجع حد يعطي

انا رحت وعلقت ولا يهمك:)

مياسي يقول...

Bassel

yes it is indeed :) welcome

jafra

صح معلوماتك دقيقه 100 % هاد كان سكن بنات فعلا وهلأ صار سكن شباب

ول! كل هادول بدك ياهم يتدخلوا لانقاذ العمليه التعليميه؟ مش كتير شوي؟ لشو هالغلبه!

بندهش قديش لسا محتفظه بذكريات قويه عن الاماكن في اربد! ما شالله:)

مياسي يقول...

سراج

هلأ الشبك هاد الو قصه!

اجيت اصور بلا شبك كان في وحده امورة بتحكي تلفون عالـ9 الصبح شكلها والله اعلم بتحب حبه اللي تكتها ما كان تتزحزح

فبشبك ولا بلاها بالمره!!

هلأ مش مشكله الالعاب كل الناس عندها ادمان من نوع ما بس مش في وقت المدرسه و 9 الصبح يعني!!


هيثم

تماما!! فعلا أي شي تضييع وقت سوقه ماشي بالهبل!

والعوامل معروفه ومبينه بس هات حد يتحرك !!

أهلا فيك

مياسي يقول...

قط البكتيريا

فعلا المناهج كتير جامده
حتى الاهالي ما بيشجعوا اي نشاط زياده اجمالا الا فيما ندر

شو بدك بالفن والرياضه والموسيقى؟ المهم تجيب معدل يفوتك عالجامعه وخلاص كانو الحياه بس انك تكون مهندس او دكتور

ويا ريت بتلاقي طلاب مثقفه حتى!!

فكره جديده فكرتك:)


أمجد

الصينين من زمان بحبوا الالعاب:) طيب العرب وين مكانهم؟

قط البكتريا يقول...

مهو هاي الازمة عنا بفصلو الثقافة عن التعليم عشان هيك وصلنا لمرحلة من الفراغ الي بتوصلنا للانحطاط ونترك ركب الحضارة للناس الثانية
اذا ولد كان بقراء روايه او بكتب شعر او بقراء تاريخ او اي شي بتصير امو تبهدول لانو تارك الدراسه وداير ورا القصص الفارطه

اه مبدع انا :D

Sh3rawi يقول...

:)
صدقيني انا ما كنت معصب,بس مش معقول اللي بيصير ...
هلا بالنسبة لـ90210 انا ما بحضروا,انا اصلا بحضرش اشي على التلفزيون غير اكم مباراة كرة عليهم العين ...
انا كان قصدي المنظومة الاعلامية و المسلسلات اللي بتنبث عنا و احنا مبسوطين عليها و منحضرها ...
محسوبك توجيهي علمي :)

Zika يقول...

الصوره دي انها افتكرتها في مصر
نفس الوضع تقريبا باشوفه في الايام اللي بانزل فيها الصبح

Husam يقول...

هذا المحل كنت مدمن عليه لما كنت بالصف العاشر، بس ما كنت أهرب :) ، كنت أقضيها كاونتر سترايك وريد أليرت، بس هسا عقلت وكبرت :) ، على حد علمي قلب محله بلاي ستيشن بس، والله زمان ،،، وبالمرة انا بحلق بالصالون يلي تحته بالضبط :p

انا لما كنت اهرب من المدرسة كنت اروح ع البيت عشان اكمل نوم، مش اهرب عشان اروح العب