الخميس، 4 فبراير، 2010

أنا ... وعاصي


على الرغم من مللي الشديد وعدم رغبتي بالتدوين أجد نفسي مجبرة على الاعتراف بأني من متابعي الدراما التركية المعنونة بعـاصي

حاولت كل من أختي وخالتي وصديقتي معرفة ما يشدني لمتابعة هذا المسلسل وفشلن جميعا في تحديد السبب. صديقتي تابعت إحدى الحلقات خصيصا حتى تستكشف: "شو اللي عاجبني بهالمسلسل؟" على حد قولها ولم تستطع. أختي تقول أن المسلسل قمة في التفاهة ولا تستطيع احتمال 5 دقائق منه فيما لا تسمح لي خالتي وأنا في ضيافتها بمتابعته "إلا بعد 100 ترجايه وترجايه"؛" إيه شو بدك فيه؟ مشان الله لا تنقطيني؛ هاذا المسلسل بيجلط". خالتي من تتحدث وليس أنا طبعا.

ببساطة متناهية، تجتمع في المسلسل عوامل مهمة وهي: الماء والخضراء والوجه الحسن. يعني الميه والخضار ما شالله عفق على قولة الشباب. عاصي ما شالله وأمير بيعجبني جدا، النوع الذي أفضل تحديدا. صورة المسلسل ممتازة جدا ومتعوب عليها مقارنة بمسلسل الغريب مثلا-تركي أيضا بالمناسبة بس صورته هبله وقصته أهبل، يوناني مسيحي بيحب تركية مسلمة والمفروض أن أتقبل الفكرة بسلاسة شديدة. المناظر غاية في الجمال خصوصا أن معظم المسلسل تجري أحداثه شتاء. الموسيقا التركية عامل مهم أيضا.

أقر بأن الحوار في المسلسلات التركية تافه جدا إلى حد كبير باستثناء أول مسلسل افتتح هذه الدراما وهو إكليل الورد . يجري مثلا حوار بين ممثلين في مسلسل عاصي كالآتي:

-إحنا جايين ناخد أمير عالحبس

-لازم تاخدوه يعني؟

-مافينا لازم ناخده

-يعني ما في مجال غير تاخدوه؟

طبعا الحوار السابق تتخلله فترات من الصمت مما يطيل زمن الحوار أكثر ويصيب المشاهد بملل أعظم. عداك أيضا عن التطويل في الأحداث لدرجة أننا ننسى بداية المسلسل ( مين وليد هاد؟ اليوم سألت نفسي في حيرة متى ظهرت هذه الشخصية في المسلسل؟). اللامنطقية عيب آخر وحوارات محفوظة تتكرر في كل مسلسل من مثل:

- لازم نتحمل.. هاد قدرنا

- ياربي ليش عم يصير معنا هيك؟

- وطيتي راسنا وخليتي اسم عيلتنا بالتراب ( في كل مسلسل هالعيله مدحوشه بالنص بلا فايده)

بالنسبة إلي يبدأ المسلسل التركي بداية جميلة لا بأس بها؛ إلى أن يلتقي الحبيبان ويعترفان لبعضهما بمشاعرهما وهنا تبدأ السخافة- على فكرة في معظم الأفلام أكره مرحلة الصفاء، بحب مرحلة "الخناق والملاوعة أكتر" غريبة أعلم- سخافة الحب والغرام. ثم تبدأ رحلة المط والتطويل ودائما هناك طلاق-معظم الأبطال ولايستثنى البطلان الرئيسيان الذان يشكلان محور الأحداث- ينفصلون بالطلاق ومن ثم يعودون لبعضهم مجددا مع ملاحظة أن تغيير الشريك موضوع غير وارد بتاتا.

طيب، هايني عارفه كل "مآسي التركي وعيوبه" ليش ماسكه بهالمسلسل لعاد؟

كما قلت لجميع من سألني؛ السبب غاية في البساطة: تفريغ.

ليس عاصي إلا وسيلة للتفريغ فقط، حوارات غبية لا تحتاج إلى تدقيق ومتابعة؛ وشخصيات الممثلين –كمعظم المسلسلات التركية- مسطحة وأحادية الجانب يمكن التنبؤ بتصرفاتها- الطيب طيب على طول الخط والشرير لا يشذ عن هذه القاعدة أيضا ومن الممكن أن يتحول ليصير من "حزب الأخيار" بسهولة.

وأنا أشاهد عاصي لا أجهد عقلي المجهد أصلا في "مليون شغلة"؛ أضحك من أعماق قلبي على مشهد كيدي تدبره والدة عاصي؛ "وبحشش" على مقاهرة بناتها إلها. عاصي من البساطة بمكان بحيث يوفر لي متنفسا ممتازا خارج الزمن لأربعين دقيقة تقريبا. يمكن أن أقول بصراحة أني تابعت عددا كبيرا من الحلقات ولم أمل إلا مرة واحدة على ما أظن.

من الممكن أن أعتبر عاصي " كمخدر أو مسكن وضعي"، الآن أتساءل عن الكآبة التي ستحل بي عندما تنتهي حلقات المسلسل المضاعفة-وذلك لأن الحلقات الأصلية بالتركية يبلغ عددها 70 حلقة.

إذا بدكم تريح راسك ساعة زمن؛ بنصحكم تحضرو عاصي.


هناك 24 تعليقًا:

jafra يقول...

ما بعرف ليش ضحكت و انا عم اقرا البوست
اول شي امبارح عرفت انو عاصي هي بنت مش الولد :)
طبعا انا بحب اشوف لقطات من المسلسلات التركية مشان الطبيعة و الموسيقى و كمان لو صدف و نادوني ليذكروني بمكان كنا فيه خاصة الارتكوي لاني بعشقوا كتير
اما متابعة المسلسل صعبة لاني مو من عشاق التلفزيون كتير
مش لانو المسلسلات التركية تافهة بتذكر انو من فترة كان ينعرض مسلسل على mbc
زمن الحب و الحرب هيك شي و حضرتوا لانو كان عليه خلاف تاريخي كبير في العيلة و نقاشات و ابحاث على الاخ جوجل و غير
انو الممثل انا بحبو
هادا اللي كان يحب وحدة و ماتت وحب اخت واحد و قصة في مسلسل اغنيتوا مشهورة ( مش متذكرة ايا اشي منهم :)))

و زي ما قلتي فشة خلق

كاني طولت كتير بالحكي ؟؟

مياسي يقول...

ههههه

ضحكتيني جد جفرا

قصدك عن يحيى شكله في سنوات الضياع؛ مش عارفه اسم المسلسل يا جفرا له هاد طبل الدنيا طبل وعلى فكره الاغنيه اللي بتحكي عنها بكرهها من كتر ما دوشونا فيها

على فكره هلأ اجت اختي من بره وبتحكي لي انو اخت مرة عمي بتحضر عاصي كمان:) حتى اولاد عمي الصغار بيحضروه


على فكره اخواني كمان كانو مستغربين انو اسم البطله اسم شب
لا طولتي ولا شي بالعكس بنبسط لما حد يعلق ويطول بالحكي:)

فتاه من الصعيد يقول...

يا طوله بالك يا بنتي

ده يجيب الملل موش يبعده :)

للناس فيما يعشقون مذاهب :)

تحياتي

وينكى يقول...

يالهوي على الملل
يابنتى اكيد فيه عشرين وسيلة تانيه ممكن تفضي راسك فيها لمدة 40 دقيقة غير الشلل الرعاش ده

انتى فكرتيني بامى اللى من اشد واكبر متابعى مسلسل نور ومهند التركي
دى لعنة ابدية
تتفرج عليه المساء وتتفرج على نفس الحلقة المعادة صباحا وبتقضى الوقت مابينهم فى الفرجة على نفس الحلقة تانى مسجله على الكمبيوتر
يالهوييييييييييييي

ربنا يدينى الصبر
المهم انتى شو اخبارك
ليكي وحشه بجد :)

سارة نجاتى يقول...

فعلا يا ميسو
انتى جبتى حالة حقيقية أوى
و هو ان ساعات الواحد يشوف حاجة هو حاسسها هبلة جدا
بس يتابع برده بشدة
أنا أخويا بيتخانق معايا عشان بترج على
bold and the beautiful
هو مسلسل غبى برده
هههههههه
بس زيك برده معرفش ليه متابعاه

تحياتى

Whisper يقول...

لااااااااا ما تقولي ...بتحبي المسلسلات التركيه :(

بس بيني و بينك, في عندك وجهه نظر, انا كتير بحب احضر افلام خفيفه و حاضرتها من قبل لاني بس بدي انبسط بدون ما اجهد تفكيري باي شي, يعني الاحداث بكون حافظتها و برضه بكون مبسوطه بالفيلم :)

مياسي يقول...

مروه

يا ستي والله الملل بيجيب ملل صدقي:) قليل من السخافه لا يضر


وينكي

صدقي اذا حكيت لك انو ما في وسيله متل عاصي؟ مخدر كامل هيك بره الزمن زي ما بيحكو

هههههه لا جد أمك رايقه؛ بس تعرفي اشي هي المسلسلات التركيه بتعمل للواحد زي إدمان شكلها

once u start it, u can never leave it :D
أخباري منيحه ولله الحمد مشتاقه:)

مياسي يقول...

ساره

الحمدلله في حد متلي الله يسعدك

فعلا مش عارفه وين السر انو المسلسلات الغبيه بتعمل للواحد حالة ادمان عليها
انا كنت مدمنه بزماناتي على الجريء والجميله بس فيكي تحكي طبت هلأ:)

أهلا ساره


ويسبر

ما بحبها ما بحبها ما بحبها!!
بس بفضي بالي والله؛ ما تنكري فيهم شي بيشد مرات المسلسلات التركيه ما بتوجع راسك:)

أشرف محيي الدين يقول...

مرحبا مياسي

بصراحه أنا لا أنكر تحيزي للأتراك بسبب أن جدتي منهم ولكن ما لفت انتباهي في الفترة الاخيرة أن هنالك عدد كبير من النساء على اختلاف أعمارهن معجبين جدا ببطل مسلسل عاصي ( أمير) ولكن لم أعرف ما هو سر ذلك الاعجاب الكبير فلربما أجد جوابا على تساؤلي عندك بما أنك من متابعين ذلك المسلسل .

أنا أتابع بصراحه مسلسل عليا لانني أجد أن قصته تشدني أكثر ولكن اتفق معكي تماما على قضية الالحان والموسيقى التركية فهي فعلا رائعة جدا بالاضافة إلى ميزة مشاهدة مناظر معشوقتي (اسطنبول) لؤلؤة البسفور وربما هذا ايضا من الاسباب التي لا تشجعني على متابعة عاصي لانني أعتقد أنه تم تصويره في (انطاكيا واسكندرونه فقط ) وقد شاهدت في الاسبوع الماضي ان أمير ذهب إلى مدينة حلب لا انكر أنني تابعت تلك الحلقات لمشاهدة مدينة حلب فهي أيضا مدينة جميلة جدا .

تحية .

قط البكتريا يقول...

زمان ما مريت بمنطقتكو

هو حلو الواحد مرات يتابع برامج سخفية او خفيفة او اي شي ما يشغل واحد مخو فيه

عشان هيك انا من المتابعين العنيفين لسميسون وفاميلي جاي وكل هل شله من روائع السينما العالمية

بس بيني وبينك ... بزهقو بقصصهم

مياسي يقول...

أشرف

السبب بالنسبه الي انو امير شكله شائع مش خارق ويعتبر وسيم الى حد مـا

يعني لا تفكر الشب الخارق متعب نفسيا للبنت اجمالا

يمكن تستغرب أشرف بس انا حبيت انطاكيا جدا؛ يمكن لانو المساحات الخضرا بلا عمار كبيره لدرجة اني مستغربه كيف سوريا سمحت لتركيا تاخدها؟

مياسي يقول...

بكتيري

مين اللي بيزهق بالزبط؟ التركي ولا الروائع العالميه؟

بس على فكره سيمبسون مش سخيف؛ سيمبسون كلو عباره عن رسائل موجهه كتير بحبه انـا

هلا بيك في المنطقه:)

أشرف محيي الدين يقول...

فعلا مياسي الجنوب التركي الممتد من الحدود السورية التركية وحتى سلسلة جبال طوروس تمتاز بخضرتها وخصوبتها وهنالك مرتفعات (بلين) الواقعة بين انطاكيا واسكندرونا رائعه جدا بمشاهدها الخلابه حيث تستطيعين رؤية البحر في الاسفل والاستمتاع بالغابات الخضراء الرائعه في الاعلى .

وبالمناسبة ففي انطاكيا نسبة كبيرة من الاتراك الذين يتحدثون اللغة العربية بطلاقة لانهم في الاساس من أصول عربية ولكن بعد الحرب العالمية الثانية والتقسيمات الحدودية أصبحت المنطقة الممتدة من انطاكيا وحتى اسكندرونا تحت السيادة التركية ولا اعتقد أن سوريا في ذلك الوقت كانت لديها القدرة في مقاومة تلك التقسيمات .

تركيا بلاد جميلة جدا وهي بحق كما يطلق عليها ( جنة الارض) .

Naryat يقول...

Ya maaaan... enta elli fahemni!!

I know 7alet el tafree3' hai!! and btw kteer marrat bamares had el no3 men el tafree3' :-D

Fi musalsalat turkeyyeh 7elweh kteer, o fi menha eshi mumel o feyo tanaQodat fazee3a bel 27dath... bs ana bsara7a yalli ma ab7ebbo el dablajeh!! (>.<)

Mo3zamha men shellet had 2eedak o el7a2ni! Mshan hek betshufi el 7ewarat el tafha hadi...

B3deen fi sha3'leh byebde3u fiha el mumaseleen el sureyeen bs ydableju musalsal turkey, 3endhom qodrah raheebeh 3ala ennhom ytall3u el bani adam "ajdab"!! Esma3i kef be7ku? LoL

Eli kteer 2arayeb be Turkeya, teta men jehat baba Allah yer7amha Turkeyyeh, o ne7na hon "2aQaleyyeh" 7atta juwa mujtama3na ( ;-) ) la2anno kol 2arayebna w2t el tahjeer estaQarru be Turkeyya ma 3ada jeddi el kbeer Allah yer7amo....

O salamtek :-)

leeno يقول...

انا ضغطي ما بتحمل تركي

:D

مياسي يقول...

أشرف

شكرا جدا عالمعلومات القيمه :) معي حق لكان استمتع بالمناظر :)
زكرتني بخالتي بس تحكي انو حتى الخضره في تركيا غير

Naryat

ما شالله:) تاريخ حافل!! مالها تركيا؟ ما كانت عاجبه جدك الله يرحمه!!

بالنسبه للدبلجه على فكره انا انتبهت لهالنقطه من كم شهر بس
في حد كان معلق عاليوتيوب انو الممثله اللي بتحكي صوت عاصي انفعالاتها وحده على طول الخط

بعد ما اتفرجت على شوية حلقات بالتركي اكتشفت انو كلامه مزبوط كتير

لو ضل تركي اشرف بمراحل


لينو

سلامة ضغطك ما تحضريه :)

زمان عن هالطله:)

Naryat يقول...

والله يا ميسو جد ما بعرف شو يللي ما كان عاجبو هناك!! بس اظن اشي الو دخل بأنهم كانوا يفضلو يكونو ببلاد الشام مشنها ارض مباركة (بالمناسبة انتي عمرك سمعتي قصة انو الشركس وقت التهجير لما عرفوا انهم ببلاد الشام و حولين القدس شلحو من اجرهم ودخلو بلاد الشام حافيين؟ مشان حرمة الأرض :-) )
يا اما شغلة سياسة! جدي الكبير الله يرحمو كان مقاوم بس الصراحة تاريخ هديك الفترة مش واضح كتير! و المعظم ما بيعرفوا شو كان وضع جدودهم كتير بالذات انو جدي الله يرحمو مو من هون... و على فكرة كان الله يرحمو ماكل شظية بدقنو تاركة فتحة، فكان لما يشرب اي اشي يسكر الفتحة بايدو مشان اللي شربو ما ينزل منها :-)

كانوا ناس الهم تاريخ، ناس الهم لون و طعم و ريحة... مش متلنا!

شو دخل هاد بالحكي؟

المهم... ادعي ابوي يشد حيلو و يتشجع مشان يقدم على جواز تركي لأنو بصحلو... لأنو أمو الله يرحمها جنسيتها تركية، و جواز سفرها لسّا عنا :-)

وسلميلي على عاصي :-)

sozan يقول...

مرحبا ميسو :)
والله انا ما بخبي عليكي لما كنت اتابع المسلسلات المكسيكيه اللي كانت في التسعينات صرعه متلها متل التركيه هلا كنت احب اتابع العذابات اللي بتصبر بين الحبيب والحبيبه كمان من شان الممثل ومسلسل ERمن شان جورج كلوني بس لا تحكي لزوجي:)

غير معرف يقول...

3 fekra mesoo momk ma ykon el moslsl 3'bi bs el dblaje 3'bye o ma elha ai d5l fi eli bser o ma fi enf3alat klo nfs el she z3lan mbsot myt klo nfs el t3beer.. eza bdk t3rfi hal 7ki saro yjibo 3 mbc max aflam btjnen!! mtl god father o brave heart bs 2al shooo mdblj!! bt7si el film 3'biii bs lma el wa7d ysm3o bel english yaa a5i wla 3'eeeeer!! b3den 3asi benet??!!!!!

مياسي يقول...

Naryat

لا والله ما كنت اعرف! بس قصه كتير حلوه الصراحه!! والله جدك الو تاريخ معتبر لازم تكتبيه قبل ما يطير زي كل شي بأيامنا هاي!!


ضلك ورا ابوكي تا تصيرو اتراك وشوفيلك شي مسلسل بلا دراسه بلا هم؛ والحزينه عاصي اتطلقت امبارح لوول :)


سوزان

أهلا أهلا زمان عن هالطله
اختي امبارح كانت بتحكيلي ليه الناس معترضين عالتركي ايام كاساندرا كانت احسن؟ بذمتك مش الملاوعه احلى بالمسلسل؟

ER لسا بحضرو لحد هلأ عشان كلوني فما تخافي سرك في بير :)

غير معرف

ma3ak 7ag, dablajet el mbc max baykhah jedan o ba7es hek el dablajeh munfa9leh 3n el enfa3alt!! o la elha khas 3n jad
3asi bent ma kunt 3aref ? :D

سراج الماضي يقول...

أكثر شيء عجبني في هذه التدوينة هو الصراحة ... فقد يستسخف البعض فكرة أن تتابعي مسلسل تركي ... أدام الله المدونات كمساحة حرة للتعبير عن النفس :)

للناس في ما يعشقون مذاهب ... وكل واحد حر فيما يتابع ...

مياسي يقول...

سراج

ما يبدو سخيفا للبعض قد يكون كنزا لآخرين:) علينا فقط أن نتمسك بسخافتنا الخاصه:)

الشنكوتي الكبير يقول...

وانا بحب العب على الكمبيوتر العاب كلها ضرب نار ومسابقات سرعه برغم اني بكره قيادة السيارات في الواقع لكني مدمنها في الألعاب وضرب النار والقتل والعنف في الألعاب كله ده تفريغ

زوجتي تحب افلام توم وجيري بصوره مدهشه لاحظتها حتى لما كانت تعبانه جدا وبتئن من الوجع على الكرسي ممده جنبي نقلت الى قناة الكرتون لقينا توم وجيري ولقيتها تتابعه وهي مش قادره تنطق وعماله تتبسم ونسيت شويه التعب

الظاهر ان كل واحد فينا بيدور على حته يهرب فيها ويحس انه شخص تاني

تحياتي


سلااااااااااااام
اخوكي ايهاب

مياسي يقول...

الشنكوتي

ذكرتني بالشب اللي معي بالمكتب
بس يزهق بيصير يلعب كمبيوتر جيمز
الظاهر انها شغله مشتركه عند كل الشباب
:)

هو التفريغ فعلا
بيكون بأشياء تافهه مرات بس بتنفع
سلامي للمدام