الأربعاء، 15 سبتمبر 2010

تاج ثقافي


تاج ثقافي من إيمان، يرحم يا إيمان ما في داعي للبهدلة هيك على رؤوس الأشهاد!!

من أرسل الدعوة؟ 
77Math

ما هي كتب الطفولة التي بقيت عالقة في ذاكرتك؟
مجلة ماجد، المكتبة الخضراء، زهرة الخليج وكل الأسرة، المغامرين الخمسة، الموسوعة العالمية -أي نعم قرأتها في سن صغيرة جدا- وروايات مصرية للجيب عرّفتني إليها بنت مصرية عرفتها جارة لنا منذ زمن بعيد.
مجلة العربي الكويتية كذلك إضافة إلى روايات أغاثا كريستي-ما زلت أحبها للآن.
من أهم الكتاب الذين قرأت لهم؟
أحمد خالد توفيق، سميحة خريس، باولو كويلو، الطيب صالح، رضوى عاشور،  أمين معلوف، اليزابيث الليندي، جورج أمادو عبد الرحم منيف وأكيد في غيرهم بس ناسيه.

من هو الكاتب الذي قررت أن لا تقرأ له مجددا؟
د. نبيل فاروق-زودها بصراحة- والمنفلوطي-أكره الكتابة المزخرفة والمنمقة كثيرا- وأحلام مستغماني لم أستطع إكمال أي شيء يخصها بخلاف ثلاثيتها الشهيرة.

من هو الكاتب الذي لم تقرأ له أبدا وتتمنى قراءة كتبه؟

الروائي الروسي دويستوفسكي، الروائي الأردني غالب هلسا ود. عبد الوهاب المسيري رحمه الله.

ما هي قائمة كتبك المفضلة؟
الفردوس اليباب - ليلى الجهني
الآخرون – صبا الحرز
ثلاثية غرناطة – رضوى عاشور
الأردن إلى أين؟ - وهيب الشاعر (كتاب ممتاز جدا لمن يحتاج أن يفهم الهوية الأردنية بعمق)
مقدمة ابن خلدون – ابن خلدون
شجرة الفهود –سميحة خريس
دفاتر الطوفان-سميحة خريس
تاريخ الطب - لا أذكر المؤلف ولكنه فرنسي على ما أذكر

والقائمة تطول طبعا

الكتب التي تقرؤها حاليا؟

لا يوجد، أعتقد أني سأبدأ بموسوعة الصهيونية لد. عبد الوهاب المسيري-مشروع مؤجل منذ بداية الصيف- بصراحة أظن الانترنت أفسد عادات القراء الجيدة، لم يعد لي جلد عليها مثل زمان للأسف!

في صحراء قاحلة أي الكتب تحمل معك؟
القرآن الكريم لأني ما زلت أكتشف في هذه الكتاب أشياء جديدة في كل مرة.

إرسال الدعوة إلى أربع مدونين:
جفرا
كيّالة
ويسبر
هيثم

واللي على بالو لا يحرم حالو:)

 ملاحظة: الصور في الأعلى مأخوذة من غوغل بمناسبة ذكرى ميلاد الكاتبة الإنجليزية الشهيرة أغاثا كريستي

هناك 19 تعليقًا:

Em Ommar يقول...

هوه شكله مش بس تاج (tag)
لا هوه شكله تاج ع راسك يا صبيه (^_^)
بهنيكي بهالكم الهائل من الكتب اللي حبيتهم وقرأتيهم

Whisper يقول...

يااااي
شكرا عالتاج ...دسم هالمرّه :)

حبيت التنوع اللي في الكتب اللي قرأتيها :)

انا نفس الشي بالنسبة لاحلام مستغانمي ...و الكل بستغرب هالشي فكتير مبسوطه انه في حد مثلي :)

قريبا جدا بعمل الواجب

77Math. يقول...

:)

في كتب حلوة قرأتيها.. أحسدك لأنك قرأتِ ابن خلدون، ما قدرت أكمل فيه كام صفحة!!

أحلام مستغانمي أنا معك تمامًا!

الكيل بمكيالين يقول...

شكرا عالتاج:)
بس راح آخد شوية وقت لاكتبه لانه صعب وبده تفكير!

Rasha يقول...

نبيل فاروق مزودها من اول ما بدأ :)
واحلام مستغانمى تصيبنى بالاعياء الشديد :):)

لبنــــــــــى يقول...

شكرا يا قمر و رح اعملوا للواجب عن قريب
او هلا بالاصح
بصراحة حبيتو للتاج لانو بدلك على كتب و اراء و هيك قصص
شكرا لانك تذكرتيني

dr.lecter يقول...

لازم تقري لديستوفيكسي وجابريل جارسيا ماركيز

دول لو قريتي لهم هتعرفي ان الاباقيين مالهمش لازمه باستثناء احمد خالد لاني من عشاقه

رضوي عاشور حبيتها في روايه اطياف وناوي ادور علي ثلاثيه غرناطه

الكيل بمكيالين يقول...

مرحبا مياسي
فيه مقال بموقع مرصد مدونات الاردن
(http://jordan-blogs.blogspot.com)
للمدون محمد عمر بيحكي فيه عن مدونته وعن اعجابه بمدونات المرأة الاردنية ومن ضمنها مدونتك.
وهاي اللينك للمقال:
http://jordan-blogs.blogspot.com/2010/08/blog-post.html

غير معرف يقول...

إختياراتك حلوه أوي للكتب

والتاج ده عاجبني يا ريت الكل يحله :)

تحياتي

Rula A. يقول...

كتب الطفولة التي بقيت عالقة في ذاكرتك;
ييي زيي :) أنا برضو كنت أقرأ ماجد وباسم والمكتبه الخضراء ومنت أقراء ميكي جيب :)

أكتر مؤلف قرأتلو هوه شكسبير بحكم دراستي الجامعيه :)

sheeshany يقول...

أنا مانيش مطنش يا مياسي...
بس صبرك عليّ شويّ

في شوية مشاكل شبه تقنية عندي ... بمقهى إنترنت الآن لأنو بالبيت ما عم بقدر أفتح مدوناتكم! :(

marwa joe يقول...

heeeeeeey ya 3asal :) how r u ?
its me marwa , back again as a blogger , missed u guys , c u around

Unknown يقول...

Um Omar

جد أحرجتيني:) سمايلي خدودو حمر عالآخر:)

ويسبر

يحيا التنوع:) شفت الإجابات هندك عالبلوج، وأنا متلك مش مغرمة كتير بأحلام ولا بغادة السمان

Unknown يقول...

إيمان

ما بعرف ليش الناس مستصعبة مقدمة ابن خلدون مع أنها كتير حلوة ولغتها مش كتير معقدة:)

كمان حد ضد أحلام:)


كيّالة
أهلا أهلا

أخدتي وقتك ورديتي وأنا جايه بعد الهنا بسنه أرد عالعالم:)

Unknown يقول...

رشا

من أول ما بدأ يمكن!! بس الواحد كان صغير شوي وهلأ كبر:)

كمان حد ضد أحلام!! شو القصه يا جماعه؟!


جفرا

لا شكر ع واجب ولو:)

Unknown يقول...

dr. lecter

الغريب اني بحب جابرييل جارسيا ماركيز كتير بس نسيتو تماما !!

بنصحك تقرأ ثلاثية رضوى عن جد رائعه جدا
أهلا فيك هون، بتمنى تضل تيجي ع طول:)


كيّالة

شكرا على اللينك:) قرأت هاي المقالة قبل هيك كانت منشورة على عين نيوز بس رجعت قرأتها مرة تانيه كرمالك:) يسلمو جد

Unknown يقول...

فتاة من الصعيد

كتبك الحلوه:)عشان تمشي مع التاغ يعني:) هو تاغ صعب شوي بصراحه:)

رولا

كويس الطفولة وحده

شكسبير انسي!! بحياتي ما حبيت مسرحياته مقروءة بس اني اتفرج عليهم ممكن:)

Unknown يقول...

الشيشاني

شكرا لأنو التطنيش ما طول، وحمدلله ع سلامة النت عندك:)

مروة:)

وينك يا بنت اختفيتي وحكيتي عدولي؟ جد انو وين هالغيبه؟ ع فكره رحت ع مدونتك وحاولت أعلق هناك وما زبط

بتمنى المشكلة تكون انحلت وحمدلله عالسلامه:)

sheeshany يقول...

هلا عمتي
:]]]