الثلاثاء، 28 سبتمبر 2010

شوية إعلانات من مجلة العربي-1972


لونار كان مرة حط إعلانات قديمة جدا (وبالمناسبة ما لقيت البوست مع إني دورت عليه) على كل هاي مجلة عربي قديمممممة من سنة 1972 مع شوية إعلانات 

 

الغلاف، كان التحقيق عن اليمن الديمقراطي يرحم!!


بنك لومبارد (بعدو شغال على فكره)



ستيريو من شركة أكاي -حد لاحظ كم الحكي في الإعلان؟!! الناس زمان كاين عندها وقت كثير جدا شكلو!!



وهاذا كنت دخان البنت



بنك برضك بعدو شغال!!



داتسون!! الله يرحم، في شركة تانية اشترتها ألا وهي شركة نيسان
قال ساعدوا عبدالله قال!! 


 أيام شرايط الكاسيت!! مرحلة ما قبل السي دي والإم بي ثري


ماركة ساعات، كمان ما عرفتها، لسا شغالين ع فكره


  بنك الكويت الوطني، الحمدلله البنك الوحيد اللي عرفتو!!


كاسيت من أكاي كمان،  كمان حكي كتير!



مكيف سانيو أيام المكيف "الحارة" مش زي هسه مشنوق بالسقف من فوق!!

 

وأخيرا
إحصائية بخصوص الأمية في الستينيات
وأقل دولة من حيث الأمية في ذلك الزمن الغابر هي لبنان
13% ذكور  و20% إناث!  

أما الأردن فالنسبة هي:
50% ذكور و85% إناث!!

الحمدلله اللي تعلمنا يا صبايا!! 

هناك 20 تعليقًا:

Che يقول...

ضحكت أوى لما شفت اعلان داتسون
اصل احنا عندنا فى مصر التطور الطبيعى للاعلان ده
نشرب فانتالوب عشان ننقذ مصيلحى
ايييييييييه ... ايام يا مياسى

سوزان يقول...

مجلة العربي الله يرحم ايام زمان لما كانت المفضله عندي وكنت اقرأها من الجلده للجلده حلوة كتير زكرتيني بالذي مضى !!!

قط البكتريا يقول...

ياااااا , وين لاقيتيهم هدول ؟؟؟


عجبني السوني كان ايامها صرعه :D

آخر أيام الخريف يقول...

الله .... بعشق الصور القديمة . تأذينلى أحطه فى مدونتى مع الإشارة لمصدره طبعاً ؟؟؟

Dr.Mohammed يقول...

يا حرااام شو بالنسبة لل 85% !!! عن جد الحمد لله !!

بس على فكرة لحد الان في عندي اعداد للعربي من فترة 1980 ، كل 5 اعداد مجمعيين في مجلد واحد ، لحد الان لما ازهق ببلش أقرأ فيهم، و بنبسط خصوصا على الدعايات!

بس الحلو بالموضوع انو مجلة العربي لحد الان موجودة و لازلت بجيبها لحد الان ، عن جد مجلة اكثر من ناجحه و منتشرة على مستوى الوطن العربي

نيسآان يقول...

مسجل سوني...الله يرحم ايامه ...كان عنا واحد نفس اللي بالاعلان...والداتسون كمان ...الله عالذكريات ...بعدين معاكم؟؟؟

غير معرف يقول...

:)

حلوين اوي

الناس زمان كانت فاضيه .... بتكتب اعلان صفحه كامله :)

تحياتي

لبنــــــــــى يقول...

ياااااااااه من زمان عليها

كنت اطلب من ماما تبعتلي كل الاعداد
و انا بالجامعة لوقفت قرائتها
بسنة رابعة
كتير تغيرت
بس كتير كانوا يكتبوا بالاعلانات
زمن الاتصالات و الدش غير كتير

Unknown يقول...

عمرو

فعلا في علاقة بين الاتنين وعلاقة قويه جد
ما في شي بيتغير شكلو
ازيك؟ شو أخبارك؟! مختفي من فتره!

سوزان
شكلو كتير ناس كان يقرأو المجله مش بس انا:) اهلا اهلا

sheeshany يقول...

وين تعليقي! :'(

يلا ... شو بدنا نساوي!

إعلانات حلوة أكيد :)

جايدا العزيزي يقول...

الله

حلو اوووووووى الصور القديمهدى

كويس عرفتينا على اول الصور

بكرة تبقى من التحف

زورينى

تحياتى

Whisper يقول...

كاينه الاعلانات ببلاش الا شوي شكله, صفحه كامله ما شاء الله :)

شكله ما في بيت بالاردن ما عندهم من هالمجلات, بدي اشوف تواريخ اللي عنّا قديش قديمه بالزبط

لونار لغى البوست لان الصور شكلها كبيره و بتقعد ساعتين لتفتح فصارت المدونه تعلق :)

novacain يقول...

حلو الا علانات القديمه انا عندي اعداد قديمه من المجله لسنه 1985 و 1983 و الاعلانات الي فيها نفس الشيء تلفزيونات صوني القديمه و شركات ..
و ليش بطلتي تقريها يا سوزان هي المفضله عندي لمن الحين بس نفسي يكون موقع المجله على قدمقام تاريخها

لبنــــــــــى يقول...

الك تاج عندي يا فتاة
شفتيه ؟

Unknown يقول...

بكتيري

اخوي لقاهم والله مو انا:)
يرحم ايام السوني والباناسونيك:)

آخر أيام الخريف

على حسابكأ تفضلي زي ما بتحكو:)

Unknown يقول...

محمد

شفت الف الحمدلله يا الله:)
اول معرفتي بالمجلة كانت في الثمانينيات

يمكن تستغرب بس انا بحب المجلة باعدادها القديمة اكتر من الجديدة:)


نيسـان

هاي ما حدا قدكم كاين:) سوني وداتسون سوا:)

Unknown يقول...

فتاة من الصعيد

شفتي طولة البال؟ مش زي هسه تويتر بيحكيلك دبري حالك ب 140 حرف :)

جفرا

ما هي رخيصة في الكويت بس في الامارات سعرها نار جد

هلأ ولا ملاقين وقت لشي، يرحم أيام زمان الفضاوة كانت اوفر:)

Unknown يقول...

شيشاني

ما وصلنا شي هون، دور بمطرح ثاني:)


جايدا

لسا حتصير من التحف؟ صارت وخلصت:)
ان شالله بنزورك
أهلا فيكي بتمنى تكرريها اكتر من مره:)

Unknown يقول...

ويسبر

شفتي بالله؟ ليش ما تحكي ما كان في شركات فكانوا يغروهم بصفحه كامله؟

انا انعرفت عالعربي بالاردن، عن طريق اعمامي واولاد عمي

شكرا على توضيح ما حصل لبوست لونار:)


novacin

شكلو اعداد الثمانينات عند الكل موجودة

فعلا مستوى اللموقع مش مثل المجلة نهائيا

تشرفنا بزيارتكم الكريمة:)

Unknown يقول...

جفرا

منيح اللي خبرتيني، هاي اول مره بعرف

ع فكرة اكتشفت انو انا مبطله اكتب الا اذا حدا "تيغني"

كمان كياله عطتني نفس الواجب
يلا 2 في 1 :)