الخميس، 24 سبتمبر، 2009

بمناسبة العيـد

صديقتي التي ستتزوج قريبا؛ عبرت عن رأيها في موضوع يتعلق بفكرة استكمال الدراسة في الخارج بقولها:

" أن علي ان استمتع بأيام العزوبية ما استطعت لانها لا تغدو أن تكون أياما مؤقتة مهما طالت؛ولذا فعلى المرء أن ينتهز أي فرصة مناسبة لتحقيق ما يريده " ولكن مع موافقتي على ما قالته لم يكن هذا ما أثار اهتمامي في حديثها

الواقع أن شيئا آخر هو ما أكد لي فكرة تدور في رأسي منذ وقت طويل

قالت أنني تقريبا لم أحظ بفرصة كاملة لأكون على عاتقي في هذه الحياة؛ بمعنى أنه لم تكن لي تجربتي الخاصة والمنفصلة عن ما ومن حولي –كتأثير وتداخل- وإن سفرا ما قد يتيح لي مثل هذه الفرصة كي أحظى بمثل هذه التجربة ؛ ولربما على حد قولها توافرت لي فرصة التغيير ولربما حصلت –نوعا ما في نظرها- على فرصة الالتقاء بشخص يناسب أفكاري وتطلعاتي بمعزل عن محيطي الذي يبدو لي مؤخرا اني أرفضه على مستوى اللاوعي الذي استحال وعيا وصار يعلن عن نفسه من خلال افعال كثيرة؛ تبدأ بالعصبية الزائدة وتنتهي أو لا تنتهي بخوفي المرضي من الارتباط

صديقتي التي لامست وترا حساسا أدخلني في مزاج اكتئاب مخفف وزعل؛ لم يغضبني ما قالته بقدر غضبي من نفسي؛ هناك أفكار قد تصارح بها نفسك على استحياء وفي خفاء ولكنك تصفع بها نفسك في عنف حين يضع أحدهم على جرحك ويلامسه وهو يقول لك ها هو ذا!!

الخيارات التي لم أتخذها؛ والجرأة التي لا أمتلكها ؛ والجبن الذي يغلف تصرفاتي الى جانبي حذري الشديد لمعرفتي بطيشي وعدم نضجي الكافي لمواجهة تكاليف الحياة وأعباء اتخاذ القرار؛ يجعل مني مؤخرا انسانة شديدة العصبية والتوتر ؛ كما قلت لقريبتي إنني بحاجة الى استرخاء ولكن تبدو الراحه عصية؛ من الصعب بل من المستحيل علي أن أسترخي في حين أن أي لحظة هدوء ستكون نسبية استعدادا لضربة جديدة

خوفي من الحياة يزداد يوما عن يوم؛( بعلمي كنت جريئه شو صار معي؟)؛ أتوقع أن الجرأة كانت ظاهرية "بس"؛ والان وحين وصلت الى مفارق مفصلية نوعا ما في حياتي اتضح لي مدى ضعفي الذي يمنعني حتى من "عيش" الحياة

وكالعاده خرجت هذه التدوينه عن مسارها ولم أقل كل ما أريده وكل ما كان بنفسي!!! وكل عام وانتو بخير

هناك 24 تعليقًا:

قط البكتريا يقول...

شو قصدك بتاثير او تداخل ؟؟
الفكرة انو جملة في سياق حديث قد تكون الحجر الذي يحرك المياه الساكنه
بعض الاحيان بنعامل انفسنا بظلم يعني انتي لم تختبري نفسك عشان تعرفي قدراتك
مرات بس نختبر انفسنا بننصدم من قدراتنا

عفكرة شكلو نقص b12 عندي
نسسيت شو بدي اكتب

Qwaider قويدر يقول...

اختي العزيزة، صدّقيني، مافي شي رايح عليكي..
بكرة بتعرفي بنفسك انشالله. لكن تأكّدي، انتي ما بينقصك شي. بالعكس من حب ربنا فيكي وفّر عليكي اشياء =و تجارب- يمكن ما تعجبك لو مريّتي فيها
كل عام و انتي بخير انشالله

سوزان يقول...

مرحبا ميسو النا زمان ما شفناكي اشتقنا
انا من رأي صديقتك اعطي نفسك فرصه ابنيها وابني شخصيتك انت بحاجه للجراة لما تعيشي مع الرجل اي كان بغض النظر عن هويته او مكانه ابني حالك وشخصك ومستقبلك وكذاب اللي بيحكي انه راحت حالك بالعكس انت هلا اوعى من الاول وكل ما كبرت كل ما وعيتي اكثر بصراحه اتمنى في كثير من الاحيان اني اعطيت فرصه لكن الحمدلله على كل شي

Che يقول...

انا من رأى صديقتك يا مياسى .... جربى السفر و صدقينى مش هتخسرى ... فى كل الاحوال هتكونى كسبانه

Whisper يقول...

حبيبتي
اعتقد ان كل بنت بتمر بهالمرحله, ومش غلط انك تفكري بكل خطوه بدك تمشيها بحياتك, مش لانه ما راح يكون في رجعه لأ لانه راح يكون الها تأثير كبير على مجريات حياتك بعدها , بغض النظر هالخطوه كانت ناجحه او لا سمح الله فاشله

وهاد ما بيمنع انك تعيشي يومك و تنبسطي و ما تخلي الافكار تضيعك و تمشي الايام وانت مش حاسه :)

مش عارفه بحكي معك ويلا بحكي مع حالي....يلااا بركي طبقت اشي من النصائح انا كمان :)

همسة يقول...

الفكرة انو ..
لما يجي الوقت المناسب( وقت الحاجة ) رح تكوني عارفة بالزبط شو بدك و قادرة تماما على اتخاذ اي قرار و بكل شجاعة و جرأة ورح تواجهي نتائج قراراتك و اختياراتك بقلب قوي
صدقيني .. لما تحتاجي حالك رح تلاقيها
يمكن المسألة انو رغم كل شي خلي ثقتك بحالك اكبر .. وببساطة القرار اللي ما اتخذتيه .. ما كان مناسب

والله يوفقك دايما .. وكل عام وانتي بخير :)

فتاه من الصعيد يقول...

السفر للتعليم او العمل له فوائد كثيره ... ربما اذا وضعت نفسك في التجربه ق تفاجئين نفسك بقدرات وقدره تحمل للمسئوليه

حالي الاسرخاء والمصالحه مع ما يحيطك

كل عام وانت بخير

سارة نجاتى يقول...

عجبنى موضوعك جدا
من أحلى ما قرأت لك
لأنه زى ما بنقول

focused to the point

بالنسبة لحته أن يبقى لك تجربة خاصة بيكى , فده يمكن هو رقم واحد فى القائمة بتاعتى ( فى طموحاتى يعنى )
أما بالنسبة للجرأة , فهو الواحد بس ما كسرات الزمن بينهد حيله شوية
يعنى مش بيقدؤ يبقى زى الأول
يمكن عشان بيكون حذر أكتر
معرفش

سلام يا جميلة

guevara-spirit يقول...

يبدو انك بحاجة لأكثر من الأسترخاء

انطلاقك ينبع من ثقتك بنفسك و بامكانياتك ...

اما العصبية فهي المزاج العربي العام ..

تحياتي
يساري حر

مياسي يقول...

قط البكتيريا

قصدي بالتأثير انو قرارتك مش من راسك تمام
بتتخذ قرارت عشان اللي حواليك يحلوا عنك وبس

وانا مش قصدي هون انو الخبره ضروري تكون بشغلات كبيره

مرات بتكون بشي بسيط بس مهم ومؤثر

كل هاد وناسي شو بدك تكتب؟ خد الابره وحاول كمان مره :)



قويدر

كل عام وانت بخير
وبيجوز حكيك مزبوط لأنو مرات هيك بحكي لحالي

بس مرات ما بتعرف شو بيكون جاي على بالك
يمكن انو التجربه حتى لو خسرتك بتتطلع منها بصلابه اكتر
ومرات يمكن تكون مكسور الله أعلم

مياسي يقول...

سوزان

مشاغل ياختي مشاغل انتي كمان وين مختفيه؟

موضوع الفرصه بدو تدوينات لحاله:) شكرا على رأيك والحمدلله على كل حال لا تتحسري كتير :) ما بنعرف وين الخير مش هيك؟


عمرو

بشوف شو بيصير معي؛ هاي كانت بس مجرد فكره او اقتراح وتنفيذها بده شغل كتير

مياسي يقول...

ويسبر

شكلك بتحكي مع حالك قبل ما تحكي معي:) وانا عم بحكي عن مواضيع عامه جدا مش عم بحكي عن مشاريع ارتباط

هذا للعلم فقط:) وهايني بعيش


همسه

ما هي جزئية انو نكون مقتنعين بقرارنا هي اصعب مرحله!!

مياسي يقول...

فتاة من الصعيد

فعلا مرات الواحد لما ينحط بالظرف بيعرف بس بيعرف قدراته

وانت بخير يا مروة


سارة

طيب منيح انو التدوينه عجبتك لانها انا شخصيا مش كتير عاجبيتني:)

بالنسبه لجزئيه التجربه مرات تأتي الرياح بما لا تشتهي السفن

والواحد فعلا لما يكبر بيتغير بطريقة بتفاجأه هو شخصيا

أهلا يا ساره



يساري حر

فعلا شكله انا بحاجة عطله طويله كتيييير:)

أهلا بك أول مره في المدونه:)

Rana Al Sha'bani يقول...

It's true i feel that when we get older our fears get bigger. May be because we start to face life!real life:)

Amjad Wadiِ يقول...

كل عام وانتي بخير
السفر من أحسن الاشياء اللي ممكن يعملها الانسان لأنها بتعلم كثير الاشياء و بتأثر بحية الانسان و شخصيته كثير .. طبعا مش الكل .. فيه ناس بروحوا و برجعوا زي ما همه

سارة نجاتى يقول...

ايه يا ميسو فينك؟؟

مجموعة حياة يقول...

زكرتيني بالايام اللي لحقت خبر اعلان تخرجي حسيت اني فجأة اصغر من اني اطلع عالدنيا وكأن المدرسة او الجامعة بكنوا عبارة عن غلاف بغطونا
بس باللحظة اللي قررت فيها اني ما بدي اشتغل او حتى ارتبط بش شي قررت اني لازم ابني تجربة خاصة
انا بشجعك
سافري واطلعي وروحي
واعملي اشيا بالمجتمع تطوعية بتحسي بجد شو يعني قوة شخصية
واحكيلنا شو بصير معك

بالتوفيق

ميساء

سراج الماضي يقول...

Mayyasi we miss you posts
where you have been

Zika يقول...

" أن علي ان استمتع بأيام العزوبية ما استطعت لانها لا تغدو أن تكون أياما مؤقتة مهما طالت؛ولذا فعلى المرء أن ينتهز أي فرصة مناسبة لتحقيق ما يريده "


دي الفكره الغلط عن الجواز انه حبس وانه التزام مش فاهم ليه مايكونش العكس


"الخوف من الحياه , عدم الجرأه التي امتلكها , الخيارات التي لم أتخذها"

مياسي
join the club

مياسي يقول...

Rana
I agree with u, but do notu also feel that u become careless about many issues ?!!

welcome to my blog Rana :)


Amjad

وانت بخير ومتأخره بعرف

فعلا السفر بيعلم الانسان شغلات كتيره اذا كان عندو الاستعداد الكـافي وفي ناس على قولتك بره وجوا واحد:)

مياسي يقول...

سـاره

هايني يا ساره:) شكرا على سؤالك


أم الميس


كالعاده اّرائك دايما ايجابيه:) شي حلو انك قدرتي تفرضي خياراتك وتستمري عليها رح احاول اتمسك بخياراتي قد ما اقدر

ما بعرف شو بيصير لبكره بس هايني عم بطبّش حاليا:)

مياسي يقول...

سراج

i am here right now, thanks for asking :D


Zika

الزواج فعلا ارتباط ملزم خصوصا بالنسبه للمرأه يمكن الرجل ما بيحس فيه لانو ما عندو التزام مباشر تجاه الاولاد-معظم الوقت بره

ما بنكر انو في حالات فعلا الزواج بيدفع الطرفين للأمـام بس الموضوع بيعتمد على اشياء كتيره

I am had joined the club long time ago :)

غير معرف يقول...

نفس المشاعر تخالجني الان وانا في حيرة امام السفر والدراسة والعمر المتقادم


الله الموفق

مياسي يقول...

غير معرّف

أتوقع الكل عند هيك قرارات مصيريه بيحس بنفس الشعور

مع تمنياتي لك بالتوفيق وان شالله تكون حيرتك زالت