الأحد، 9 أغسطس، 2009

ناقشت يا جمـاعة!!

أول شي شكرا يا ايناس عالوردات جد حبيتهم؛ الوردات اللي عليهم كرت من إيناس والتانيين من بنت خالتي :)
أنا ناقشت اليوم وبلاش أحكيلكم؛ استلموني ساعه ونص لدرجة إنو خلاص مليت حالي؛ كنت بدي أنزل وأحكيلهم خلاص إعملوا ما بدالكم!!

في نهفتين عملتهم اليوم:
الأولى: أنو الدكتور بيحكلي هيك فجـأة: انتي متحيزة لجنسك!! (نعم يا عمو!! ليكون بتعرف أنو عندي مدونه!!)
المهم بيسألني ليش المعظم هم بنات مش شباب في الرساله؛ بحكيلو في شباب كانوا 4 بنات و3 شباب ؛ ولا بدك ياهم 3 ونص يعني؟ يعني الناس كانوا شبه نايمين بس سمعوا هيك حششوا؛ حتى المشرف ضحك مزبوط!!!

التانيه: انو هو طلع قصدو عالبنات اللي سجلوا بصوتهم للسيستم؛ مفكرهم 7 بنات!!! طبعا مش عارفه من وين جابهم!! المهم بيحكي لي ليه ما جبتي حد متخصص يعمل لك التسجيل زي أبو عبيد مثلا!! (للي ما بيعرفوه أبو عبيد مذيع البث المباشر) حكيت له: ومن وين بدي أجيب لك ياه أبو عبيد يا دكتور؟ قام رد وحكى: انتي ما تجيبيه خلي المشرف يدفع له مصاري!!!
المشرف حكاله: لا يا دكتور انا هيك بنسحب!!!

المهم لما حكوا اني خلاص ناجحه؛ خالتي عجت زغروده وصاروا خالاتي يبكوا؛ حسيت حالي بدي أبكي معاهم جد بس مسكت حالي!!! الصراحه ما صدقت انهم نجحوني!!
الحمدلله!!!

شكرا لكل اللي حضروا؛ إيناس شكرا جدا-والفوشيه لابقه- دريمي شكرا كمان وانبسطت بشوفتك كتير؛ وشكرا لأمجد على الحضور

وشكرا لكل اللي سـألوا وكانوا مهتمين يعرفوا شو عملت؛ من قلبي شكرا:)

ودامت دياركم عامره بالأفراح!!!

هناك 50 تعليقًا:

ذو النون المصري يقول...

الف مبروك بس موضوع المناقشه كان في اي تخصص؟

مياسي يقول...

ذو النون

الله يبارك فيك؛ الموضوع في هندسة الكمبيوتر

شرفتنا في أول زياره:)

sozan يقول...

مبروك يا ميسو وان شاء الله بداية للافراح ونهاية لكل الهموم ومنها للاكبر منها
حلوة الفرحه كتير الله يعمر بيتك بالفرحه ولا يحرمك منها

allouh يقول...

يا ريتو الف مبروك :)
عقبال الاكبر و الاحسن و ان شاء الله فاتحة خير

Founoon يقول...

مبروووووووووووووووووك :)

allouh يقول...

هسه انتبهت
هو امجد بهالبلاد؟ الحمدلله على السلامة زمان عنك :)

همسة يقول...

الف الف الف مبروك ( شوالات مبروك يعني )
يا رب من عالي لأعلى و تكون فاتحة الخير عليكي بإذن الله
(F)

سراج الماضي يقول...

الف مبارك يا ميسا
وعقبال اللي بدك اياه مش ضروري الدكتوراة
:)

Whisper يقول...

الف مبرووووووووووووووك يا قمر
يا الله جد مقهوره اللي ما قدرت اجي
يلااا المهم ان كل الامور صارت زي ما بدك و خلصتي من هالمناقشه
وعقبال الدكتوراه :)

Dreamy Villager يقول...

ألف مبروك :)
انبسطت اليوم وعجبني موضوع الرسالة تبعتك.. بس الله يسامحه الدكتور ما سكت بالمرة.. والله انه صدعلي راسي ..
بس كله هذا مش مهم...المهم انك ارتحت وفرحت وشفناك ...وكمان مرة مبروك D:

Sherif يقول...

مبرووووووووووووك مياسى

العقبى للدكتوراة

Ahmad Hamdan يقول...

الف مبروك و عقبال الأحسن

محمد العمري يقول...

مبــــــــــــــــــــروك مياس..
معناتو اكيد تفرغتي و مش راح نلحق عليك تدوينات في الايام الجايات..

Naryat يقول...

walek mabroooooook :-)
Juhoodek mubarakeh ya 3azizti o menha la2a3la nshalla ya Rab...
O 3o2bal el doktorah nshala ;-)

lunZi يقول...

Alf Alf mabrook Mayasi

menha la a3la ya rab

^_^

Gardenia يقول...

alf mabrook inshalla minha la 27san

فتاه من الصعيد يقول...

مبرووووووووووووووك
الف مبروك يا مياسي
وعقبال الدكتوراه

مياسي يقول...

سوزان
علّوه
فنون
همسه
سراج الماضي
ويسبر
شريف
أحمد
محمد
Naryat
lunZi
Gardenia
فتاه من الصعيد

يبارك بعمركم ان شالله :) الحمدلله خلصنا شوي من الهم

دريمي

شكرا على جيتك؛ أخيرا في حدا انتبه لموضوع الرساله!! والله انا كمان جاب لي الدكتور صداع لحد هلأ راسي مصدع من امبارح
الله يبارك فيكي
:)

Che يقول...

مليون مبروك يا مياسى ... ليكى عندى هديه كبييييييييييره

eNAS يقول...

ميييس ميسو :)
الف مبروك يا احلى صديقة ... بتعرفي ميسو متل ما حكيت عند ويسبر .. كان يوم من العمر فعلا , انا كنت كثييييييير مبسوطة , ومتل ما حكيتلك بنطنط ومتحمسة الك من قبل ...
يا جماعة ... مبارح ميساء واجهت لجنة من تلات حكام ... واحد منهم S:
عجب تعجيب ... كل شوي انا وصاحبتي اللي بجنبي نتهدد عليه .. انو ايييييه خلص عاد بكفي اسئلة .. والله العظيم صار متل الي بدور على حيللا اشي
بالاخر ما طلع بايدو شي .. راح حول على خطأ بالعنوااان .. قال على اساس انو خطأ

طبعا ميسو سالتك انا يوم الخميس انو كم الوقت اللي بتاخدو المناقشة ... متذكرة شو حكيتيلي
D:
يا عمري حطمو الرقم القياسي بأسلتهم

S:
لما خالاتك سالوني عن دراستي.. بس حكيتلهم انو الدكتور :ابو غلبة: نفسة مشرفي
حكولي
الله ايعينك
D:

ميسو فعلا بلا مجاملة, ما شاء الله عنك,ويعطيكي الف عافية , وكتير في شغلات من مشروعك,رح استفيد منها .. ف يللاا استعدي للبيع :)
اعذريني اليوم لاني ما قدرت اشوفك ولا بكرا يمكن كمان .. لانو نخلونا بالامتحانات :)

يا رب تيجي اشوفك برسالة الدكتورا
;)
اها صح :شكلك اخدتي الصورة باليل لانهم ذبلانين الوردات هون :(
لوووول على الفوشي كمان$-:
اول مرة بحياتي بلبس هاد اللون D:
كان اليوم عندي امتحانين ,ما كانو مناح كتير بس لساتني مبسوطة من مبارح :)

وكل ما اتذكر تلات بنات ونص .. انا وهديل بنحشش ضحك =)

ولااا اشي كتبت بوست-كومنت هون

مجموعة حياة يقول...

شفتي انه الجلي فاد يا ميسو !!!! هاهاها الف مبروك وربنا يعطيكي خيرها ويبعد عنك شرها

ومنها للي احسن منها


أم المييس:)

Maioush يقول...

MABROOK MABROOK MABROOK ya amar inshalla menha la el a3la ya rabbi :D

Nobu يقول...

ألف مبروك وعقبال الدكتوراة يارب.

Amjad Wadiِ يقول...

مبارك يا مياسي
ما شاء الله مناقشتك كانت بترفع الراس والله و كثير انبسطت اني حضرت

بس تصحيح زز لما دكتورك رد على انه تجيبي ابو عبيد حكى: اذا هيك خلينا نوقف العمار :)

ألوه: والله ارجعت من 6 ايام و مكسل أعمل بوست اني ارجعت

شكرا لسؤالك

Doltshina يقول...

ألف مبروك يا مياسي بجد فرحت لك
عقبال الدكتوراة يا رب
جدعة يا بنّوتة

Rasha* يقول...

CONGRATULATIONS :)
I'm so happy for you...you are so kind and smart and you sure deserve the best.
fara7teeny 3alsob7 :)

someone in life يقول...

مياسي

مبرووووووووووووك و ان كانت متاخرة معلش انا في عزله بس كأن ابني هو اللي نجح
عقبال الدكتوراة

تحياتي

Noura يقول...

alf mabrook Mayassi, I am really happy for you, I know how much work and effort it took you to get to this point, now you can relax a bit.

It must have been really nice to see your friends attending this special moment, wish I was there to support you.
Mabrook again, and best of luck w inshallah for more success.

Mohammad Badi Irshid يقول...

ya allah met2a5er dyman :(
raito enshallah alf million trillion mabrooooooook o enshallah 3o2bal el wazeefeh ya rub.. la72e 7alek o 7aleena bel t5aroj a7san ma yseero tnain ba3ed el wazeefeh :D o as u like ..
mabrok again

Mona يقول...

ألف مبروك مياسي ... و إن شاء الله إلى مزيد من التقدم ..
وين الحلواني وين الشوكولاتة:)

قط البكتريا يقول...

هو انا ما باركتلك ... مع اني فكرت حالي باركتلك بال ماجي ستير
يلاه عقبال الدكتورة ان شاء الله موفقة يا بنتي :D

maroo يقول...

7bebte myassi .. kter kan nfsi ajee bs ma kan fee majal ... ya reto alf alf mabrook wallahe enk btstahlee aktr kman ,,, alla yrda 3leke o yfr7ek dayman :)
mwaaaaaaaaaaaaaaaah

راجى يقول...

مبرووووووووووووووووووووووك
سعيد جدا

jumana يقول...

First of all I apologize for being late :(, I swear I was very busy during the last weekend till now.
I can't miss this celebrate. Its U walaw :)
Congrats YAY Congrats YAY, I’m so proud of you for real =)
you Deserve the Best walla,,all what u've been working on long days and nights,even el jale :P jk LOOL
I wish I were there !
Wish u the Best for the rest habibi=) mwa

jafra يقول...

الف الف مبروك يا حلو
له هيك راح علي كم حلوان لهلا

مش مشكلة بسجلهم و بس اجي عمان رح اطالب بكل الحلوانات مرة وحدة
:)

مبروووووووووك

reem يقول...

عزيزتي مياسي
الف مبروك ولو اني عرفت متاخره وحقك عليا بس انا مش كتير هالايام بدخل نت
المهم اني عرفت انك خلاص نجحتي وخدتي الشهاده وبعد كل هالتعب ارتحتي
تستاهلي كل خير
بس ادعيلي ربنا يوفقنا واخلص زيك
مره تانيه الف مبرووووووك وباقة ورد كبيره الك مني
دمتي بحب

محمد العمري يقول...

مرحبا مياس..
اسمعنا بجهتكو القرعان متذابحين مع العلاونة طمنينا عليك وعلى الربع

حسام كراسنه يقول...

الف مبروك المناقشة، وان شاء الله تكون علامة كويسة :)
انا قبل شهر تقريبا ناقشت وخلصت من هالهم، كانت لجنة من الآخر... ولا إلها علاقة والحمد لله
شفت اللينك على دفتر تخرجي ودخلت :)
شكرا لك
وبالتوفيق بالعلامة

SaLLy يقول...

mesooooooooooo
mabropooooooooooooook ya 3am
yala 3ares ba2a
:)

الست فرويد يقول...

مليون مبروك يا قمر

انا كنت جاية اقولك كل سنة وانت طيبة ورمضان كريم

لقيت الخبر الحلو ده

معلش متاخرة شوية

ربنا يجعل ايامك كله فرح ونجاح يارب

مع كل حبى

وينكى يقول...

لولولولولولولولولولولولولولولولييييييييييييي
أحلى زغروطة لأحلى مياسي فى الدنيا
اخييييييييييييييييرا خلصتى
ألف مبروك على النجاح
وعقبال الدكتوراه
:) فرحتيني يا بنت

مياسي يقول...

عمرو

يبارك فيك؛ وين الهدية؟ لسا بستنى أنا ترى بصدق بسرعه!!

إيناس

يسلمو عالبوست المتنكر بشكل كومنت:) جد كان يوم حلو كتير ومبسوطة انكم انتي وصاحباتك انبسطتو :)
بس بلاش كبر راسي كثيييييييير:)

أم الميس
الله يسلمك يا ربي؛ بلا ما نحكي عن الجلي رمضان جاي:)


Maioosh

thanx my dear:)

Nobu

شكرا وأهلا فيك\ي :)

أمجد
الحمدلله كمان حد بيحكي المناقشة كانت كويسه؛ الحمدلله اليوم كان الديفينس مسكر لأني عجبت!! بس مرت على خير الحمدلله

مبسوطه انك حضرت وشكرا عالتصحيح :)

مياسي يقول...

دولتشينا

اي دكتوراه؟ خلاص لهون بيكفي:) يبارك فيكي:)

رشـا

يبارك بعمرك؛ وشكرا عالكلام الحلو:)

إيناس

ابدا مش متأخره:) بسطتيني والله:)

مياسي يقول...

Noura

thanx my dear, i wish u were here too, the day was just great really!! and every body enjoyed indeed :D

Mohammad
loool, sure u are busy with ur tweets:D fekrak lazem ala7eg gabel ma yetrakamo el 7alween:)

Mona

يبارك فيكي:) اللي حضر السوق بيتسوق؛ خلص بنحطلكم حلوان افتراضي:)

مياسي يقول...

بكتيري

هايك باركت:) يسلمو

maroo

it is OK my dear, thanx for ur nice feelings :)

راجي

يبارك فيك:) شكرا على السعاده التي انتقلت إلي أيضا:)

مياسي يقول...

jumanah


it is Ok my dear, i have been late to reply to ppl too:)
and thanks for ur late sweetness :D

jafra

اكتبيهم بالدفتر الاصفر:) ولا يهمك وانا اختك:)

ريم

مش بيناتنا ولو؟!! يسلمو يا ريمو وعقبالك بدراستك انتي كمان:)

مياسي يقول...

محمد العمري

والله يا محمد هلأ صوت طخ اشي بيخوف!! الله يستر جد!!

حسام

الله يبارك فيك؛ ما كان في علامه بس ناجح راسب:)

ما تحكي لي عن مناقشات الحجاوي لانو انا اللي بعرفها لناس وناس!!

بالنسبه للينك انا كنت حابه بس تعرف مين انا لاني علقت عندك مره

ومبروك التخريج يا باش مهندس:)


Sally

allah yebark feki, o la yehemek next in ToDoList :D

مياسي يقول...

الست فرويد

وانتي بخير يا ربي:) ورمضان كريم علينا وعليكي يا ربي

تسلمي عالاماني الحلوه:)

وينكي

الله يبارك فيكي يا رب:) وانا جد انبسطت بفرحتك جدا:)

Bassel يقول...

انتي بالحجاوي ؟
زمان عن أيام اليرموك

مياسي يقول...

bassel

انا بالتكنو مش بالحجاوي

اهلا فيك