الثلاثاء، 7 يوليو، 2009

حدث اليوم في السوق


فيما كنا نمر انا واختي في احد شوراع اربد الضيقة التي لا تكاد تتسع إلا لمرور سيارة واحدة فقط؛ أن رأينا رجلا "شايب"-بيطلع بحيطان الأربعين خمسين سنه- يتجادل بصوت عال مع امرأتين في سيارة كيا خضراء-السيارة المميزة للشعب الأردني حاليا وذلك بسبب كونها "بتوفّر"

لم أسمع جيدا ما قاله لهما ولكن سمعت إحدى الامرأتين تقول له:

"مش من حقك تزعل؛ لكان لشو البانكيت(الرصيف) موجود؟"

ثم أنهت الحديث بتحريك سيارتها المتوقفة في عرض الشارع الضيق؛ فيما تابع الرجل الصياح بصوت عال –ونسيت ما قاله بصراحة- ليقول بصوت أعلى:

-صحيح إنك وحده حيوانه!!!!

فيما كنا نبحث في إحدى محلات الألبسة عن "أواعي شوي طويلة ومستّره"؛ أن انتبهت للبائع الشاب الذي يرتدي سلسلتين حول رقبته؛ إحداهما عبارة عن الأرنب المميز لمجلة البلاي بوي الشهيرة؛ وأقول في نفسي: من كل عقله هاد؟ حاططلي أرنب مألمس ومبسوط على حاله؟!!!"؛ معقول مش عارف شو معناه هالأرنب؟!!"

خرجت من المحل وصارحت شقيقتي بأفكاري؛ ثم قالت لي: "آه صح؛هاي العلامه مره صاحبتي أيام المدرسه حكت لي انها مش كويسه!!!"

فيما كانت شقيقتي في غرفة القياس تجرب قيمصا نيلي اللون؛ أن تقدمت فتاة من البائع لتسأله: "عندكو طقم صباحيه عرايسي!!!"؛ فيخطر في بالي أن المحل ليس مخصصا لهذه الفئة أساسا؛ ويرد عليها أحد الباعة بقوله: "لأ؛ عنا بس تنانير قصيره إذا بينفع!!!"

البائع الآخر وبعد أن غادرت يضحك ممازحا إياه: "مالك اتخربطت وانخطف لونك بس سألتك عن العرايسي؟!!"

ملاحظة: هذا ما حدث البارحة؛ ولذا لربما كان من الواجب تغيير العنوان؛ ولكن لأسباب تقنية انترنتية منعت النشر في حينه؛ يبقى العنوان على ما هو عليـه

هناك 25 تعليقًا:

Whisper يقول...

مغامرات كاينه امبارح :)

العالم مش طايقه بعضها من غير شوب ولا غلاء اسعار .... بس مؤدب العمو غيرو بنفعلو اكتر من هيك :)


مشكله التقليد الاعمى بين شبابنا بتزيد مع الايام...واذا لابسه وهو عارف معناه فهاي مصيبه اكبر...يعني بده يهدي اعصابه شوي :$

والف مبروك الك ولاختك عالاشياءات الجديده :)

maroo يقول...

يالله اديه ما بحب الي بسب !! شو هاد !! و بسب على وحدة كمان !! زوووووووووووووووق :)
يس سؤال : اختك عروس يعني ؟؟

مياسي يقول...

ويسبر

ولا مغامرات ولا شي:) يمكن والله العمو مؤدب بس زمان ما طلعت عالسوق حسيت بصدمه عصبيه شوي!!!

والله ما بعرف عنو الأرنوب؛ بس الصراحه كتير شكله حلو-هاد اذا غضينا الطرف عن معناه:)

الله يبارك فيكي؛ بس المباركه لأختي؛ أنا طلعت اشتري اشترت هي ورحت أنا صفر اليدين واليوم تعبانه كتير من مشوار امبارح:(

مـارو

شفتي شو مزوق!!! جد انصدمت وأنا بسمع فيه!!!

ههههه لا مارو أختي سنه أولى جامعه:) كانت بتجرب لبسه للجامعه

77Math. يقول...

دي كدا ذوق يابنتي، في حريم بشوفهم بيتأملوا في اللانجري ويتجادلوا مع البياعين، ويقول لهم لأ هذا مقاسه كويس، أنا لما حد بيقول لي مقاسه كويس على بنطلون أو بلوزة بنجلط، نفسي أقول له وإنت مال أهلك.. بلكي مش إلي أصلا !!

بس صرت أكبر راسي، وأدخل مثل العسكري، إذا بدي أشتري باخد من سكات وإذا ما بدي بخليه يكلم حاله..

ما بحب أبدًا أبدًا أبدًا عمليات البيع والشراء :(

بس مضطرين

Che يقول...

انا لغايه دلوقتى مش عارف انتى ايه اللى مستغرباه يا مياسى ... تقريبا انتى اللى ليكى كتير مانزلتيش السوق

فتاه من الصعيد يقول...

ههههههههههه
على فكره الرجاله الكبيره دايما خلقها ضيق ...... والشباب بقوا اكتر

وكمان في ستات بتحب تشتري اللانجري من الرجاله علشان تاخد رايه في ايه اللي يحبه الرجاله :)))
مغامرات ممتعه

Mohammad B. Irshid يقول...

هاد الجدال لازم يومياً في شوارع عمان كمان، مش بس اربد بس ما بتوصل للمسبة على نسوان، انو رجال بسبو على بعض بس غير هيك ما بتسمعي صوت، كلهم بصيرو يحلسوا ،، ههههه

عادي جداً، صدقيني اكتر من نص شباب الاردن بلبسو اواعي مكتوب عليها كلمات مش منيحة، وبكونو مفكرينها Big Boss او Mafia او هالشي، ما بسالو ولا يهتمو. المهم اللبسة "فايعة" .. !!!

"طقم صباحية عرايسي"؟؟؟؟؟؟؟؟؟؟؟؟؟ لا تعليق.

sozan يقول...

والله يا ميسو شغلت انه الناس تلبس اشياء وهي مش عارفه او بتفكر انه الناس جاهله كثيره مره وانا زوجي نتمشى في الحسين شاف واحد لابس بلوزه عليها علامة عبده الشيطان وبيسأل فيي انت في عندكم عبدة الشيطان !!!!
بس جد ذكرتيني يالذي مضى لما كنت انزل انا واختي ندور على لبس

مياسي يقول...

77Math

ههههههههههه والله انو فاضي؛ بيعطي رايه كمان:)

بيني وبينك انا كمان صايره أموت من طلعة السوق بس مجبورة شو بدي أعمل !!!

عمرو

والله شكلو معاك حق؛ صـارلي زمان ما عملت أشياء كتير

مياسي يقول...

فتـاة من الصعيد

والله شكلو فعلا كل الناس خلقها ضيق صاير!!

والله فكرة الستات بتحب تشاور الرجاله مثيره للاهتمام!!!

ممتعه يمكن بس متعبه أكيد؛ روحت هلكانه!!

محمد

يعني حوار بين زلمه وزلمه مقبوله؛ اما انو زلمه يشتم ست بحسها شوي كبيره!!

فعلا الناس عم تلبس اشياء مالها خص بس كرمال تكون فايعه!!

:) بلا تعليق عالقصه الاخيره: ماشي:)

مياسي يقول...

سوزان

يا فضيحتنا بين الأمريكان!!! عبدة شياطين كمان؟

يلا منيح اتزكري؛ على قد ما كنت أحب أروح على السوق على ما قد ما صايره أكرهها !! متعبه وزحمه وشوب وحاله خصوصا انو ظرفي ما بيسمحلي اطوّل للمسا:(

anas يقول...

انا والله ما بعرف لشو هي العلامه
بس اذا بدنا نتبع للعالم شو لابسه وشو عامله ما نخلص..
بعدين احنا شعب اردني لازم نفهمها الكلمه كويس ارررردني..
يعني ايش ما طلع منا عادي ..الواحد فينا مأمن شامل وايش ما سوى بيطلعش عليه حق هالقد >>>.<<<

مياسي يقول...

أنس

هههههههههههههه

ضحكتني جد؛ حلوه مـأمن شامل؛ ما حدا قدنا يا عمي:)

همسة يقول...

مش بقولو هم بضحك هم ببكي !!
ان كان الدرر اللي الواحد بيسمعها بالشارع .. ولا اللي مبسوط على حالو ولابس سنسال بلاي بوي !! ولو انو الله اعلم انو مش عارف ربنا وين حاطو بس شاف هالارنب وعجبو عالهبلات !! عادي بيطلع منهم


هامش زغنطوط : من مبارح لليوم فتحت مدونك مية مرة مشان اسمع اغنية نانسي .. كتير حلوة

مياسي يقول...

همسه

والله معاكي حق؛ وما خفي كان أعظم؛ المشكله صارلي زمان لا رحت ولا جيت فما بعرف شو عم بيصير

أغنية نانسي عاجبه الكل مع اني كنت بفكّر اغيرها واحط أغنيه حزايني؛ خلاص بيكفي انبسـاط!!!

Dreamy Villager يقول...

أنا كمان كنت امبارح بالسوق..جهات شارع الهاشمي..وكمان كانت فيه وحدة بتسب على حدا بالتلفون بصوت عالي..مافهمتش شو حكت بس بياع المشمش كان بضحك عليها ومبسوط عالآخر.

مياسي يقول...

Dreamy Villager

لوول؛ حكايات التلفون بالشارع بستاهل بوست لحالو خصوصا الستات؛ بتسمعي أشياء عجب!!!

jumana يقول...

heheheh mayasii farateni mn el do7ook OMG!!

zakrteni awal ma jet 3la USA ma knt a3rf shu hl 3alami.. fa ishtaret T-shirt 3leha hal arnob... w bs e`7ti aletleee :S raj3tha :PP
ma knt a3rfffff.. w hadak el shab akeed ma by3rf bfkrha moda w bas... ya3dmni el a3da2 inchalla :D

صاحب المضيفة يقول...

نفس الموقف حصل معايا قريبا

واقف انا وواحد صاحبي في الشارع وفي شاب معدي ولابس تي شيرت عليه نفس العلامة بشكل كبير جدا وفرحان بنفسه وهو ماشي

انا قلت لصاحبي اكيد هو مش فاهم اللي لابسه لانه مستحيل يعمل كده وهو فاهم

ربنا يعافينا يارب

تحياتي

jafra يقول...

ايام ما كنت بالجامعة باربد تحديدا
صارت قصة الارنوب فايعة كتير بسبب انو المجلة انتشرت بين فئة معينة
و ما تستغربي اذا كان عارف معناها و لابسها انا بتذكر انو الالم اللي بججها تلفت النظر كانوا يعملوا منها استيكرات و يحطوها على دفاتر المحاضرات كمان
و يا ريت ما يكون نفس المحل اللي كنت اروحه بشارع الحصن
يعني اذا كان هو بدي اسال عن الشب الفايع هو لهلا عايش و بعمل هالعمايل السودا ؟

اما عن العمو الشايب فالافضل الطلعة من غير رجال على السوق لانهم هم بفرفطوا الروح كمان مش بس الشوب

سارة نجاتى يقول...

أنا معرفش ايه موضوع الأرنب ده؟؟ههههههه

أما بخصوص لبس صباحية العرايس أول مرة أسمع عنه برده
طب ما تلبس أى حاجة يوم الصباحية هو لازم
uniform

يعنى

ازيك يا ميسو؟؟

مياسي يقول...

jumana

hal arnoob sogu mashi o ana mush 3arfeh!!!
el-comments elli wara bet7ki gher hek!!! Enu el 3alam 3arfeen shu beseer y3ni

allah yejeerna!!!


صاحب المضيفه

هاد الأرنب مش مخلي من شره؛ حتى في مصر كمان:)

فعلا بتحسهم ولا على بالهم حتى انو في شي غلط!!!

مياسي يقول...

jafra

شو هاد؟ جد عم تحكي لهالدرجه؟ طيب مين هادول الفئه المعينه؟ وشو اسم المحل بشارع الحصن خليني أتأكدلك؟!!

ههههههه بالنسبه لرأيك عن الرجال بالسوق:)

ساره


يا ساره مش معقول!!! ولو معقول مش عارفه؟

حلوه فكرة اليونيوفورم هاي؛ انا عارفه على رأيك شو هالسؤال؟

والله انا من الله بخير من ناس تانيه لأ:)

jafra يقول...

له يا مياسي المحل اللي بالزاوية اول شارع الحصن
على العموم اللي فيه بقولولا جوجو و كلو موشم كانو مدروز درز
ما بدك هالشوفة يعني
على اساس شب فايع


كيف اربد بالمناسبة ؟؟؟؟ بغض النظر عن كل عيوبها الها وحشة قوية :)

مياسي يقول...

جفرا

انتي نهفه يا بنت!!!

لا يكون لامودا؟!! شو هاد من وين هالشوفه هاي؟

اربد بتسلم عليكي وبتحكيلك له ليه هيك؟؟ العشره ما بتهون الا عالظـالم:)