الجمعة، 22 مايو 2009

مش العرسان أهاليهم!!! – الحلقة الثـانية

عن أبو زنوبة نتحدث اليوم

ووالدة أبو زنوبة هي بطلة القصة

نهاية يوم ربيعي رائق؛ عائدة من دوام الماجستير في الجامعة، اقتربت من باب المنزل فطالعني وجه غريب لامرأة غريبة لا أعرفها تقف على باب "بكم صغير" (سيارة نصف نقل) تحدّث جدتي فيما يبرز رجل كهل يحمل على ظهره حزمة أغصان من الجهة الثانية

كنت منشرحة (منشكحة يعني)؛ فألقيت السلام على المرأة الجميلة الطويلة البيضاء البشرة والتي ترتدي دشداشا بنيا وعلى جدتي ودخلت

في نفس اليوم أخذت جدتي تحدثني:

-شايفه المره اللي كنت بحكي معها اليوم لما مريتي؟

-مالها ؟ (قلبي وغوشني طبعا)

-بتسألني بتحكي لي : مين هاي يا حجه؟ (لما مريت طبعا)

-هاي بنت ابني

-ما شالله الله يخليها؛ ما بتجوزوهاش يا حجه؟ (هاي نتيجة تكوني محترمة وتسلمي عالعالم!!!)

-يعني عندك ابن يا حجه؟ (هاي جدتي)

-آه عندي

-و شو بيشتغل ما شالله؟

-عسكري!!!!

-ايوه هاظ اللي ناقص؟ وشو رديتي؟

-قلتلها يا حجه: لو بدنا نجوزها لعسكري زمان جوزناها (جواب دبلوماسي وذكي طبعا واللبيب بيفهم المفروض)

مرت أيام؛ وذات مساء ربيعي- صيفي رائق؛ وفيما أنا أجاهد لأفهم أقصر مسافة تفصل بين البلورات على ركني مكعب وذلك في مادة الحسابات المتوازية؛ دخل أخي فجأة إلى الغرفة-وهو غير بطل القصة السابقة- وهو يقول:

-اعملي شاي

-لمين؟!!

-مش عارف ناس

الشاي لما ينطلب مني ويكون في عريس بحس مباشره!!

-ولك شو في؟

-ما بعرف!!!

جاءت عمتي لتقول لي:

-هاظول خطاب؛ هاي المرة اللي تاعت (....) (القرية التي تنتمي إليها المرأة)

-أيوه هاظ اللي ناقص!!!

نظرت من النافذة نظرة خاطفة فرأيتها-كانوا جلوسا تحت الدالية؛ ورأيت معها زوجها وشابا غريبا (قدرت أنه العريس لابد)

أعددت الشاي؛ وسلمته لأخي ليقوم بواجب الضيافة؛ وأوصيته أن "يتطقّس" (يعني ينتبه ويستكشف جيدا) عن الوضع

بعد فترة جاء أخي؛ كان منفجرا في الضحك؛ حتى أني تعبت في محاولة إقناعه أن يكف عن الضحك ويلتفت إلي ليخبرني ماذا جرى

-اسمعي عليّ

-أيوه قول خلّصني

-قال شو؛ هم كاينين بيزورو ابن عمهم في مستشفى (...) ؛ ابن عمهم قص اصبعه بماكينة لأنه بيشتغل في المدينة الصناعية؛ وخطر لهم قال يعملولنا زيارة

-آه طبعا؛ مستفقدينا على غفلة كالعاده!!!

-طيب والشب؟

-ماله الشب؟

-ولك ماله يعني؟

-الشب ياختي لابس تيشرت أبيض (مش عارفه ليه اتخيلته لابس تحت التيشرت فانلة عليها اعلان كوكا كولا) وشكلو داب عالجيش ما بعرف الدفاع المدني ومن عمره 16 سنه؛ بتعرفي هاي ألأشكال كيف بيكونو و..

-ولك شو ما تكمل؟

-ولابس حفاية باصبع

-كيف يعني؟

-يعني شكلها زنوبة!!!!

روحوا الجماعة؛ وجاءت جدتي؛ لم تضف جديدا على قصة أخي غير أن أم العريس كانت "بتتفلت" بدها تفوت عالبيت؛ وجدتي لم تعطها فرصة؛ ولما لم تستطع بدأت تلمح إلى كونها "حابة تشوفني" ؛ فجاوبتها جدتي:

-عليها امتحان يا حجة!!!

ثم قالت جدتي أنها بما معناه حاولت أن توصل لهم في لطافة أنه لا مجال للموافقة وما في نصيب؛ الأم لم تقصر في وصف بيت ابنها "الحجر" اللي معمره فوق بيت أهله؛ وبيت العريس "داقر للباب" (يعني ممتلئ من الإبرة إلى الصاروخ) ؛ وضحت جدتي أنه لا يوجد تكافؤ علمي بين الطرفين فهب الأب منفعلا و مدافعا:

-يعني الدكتور يا حجة مش رح يكون أحسن من ابني؛ ابني اذا انظامت البنت (ظلمت) ما رح يسكت!!! (مين حكى عن الظلم مش عارفة!!!)

جاء أخي (بطل القصة السابقة)؛ قلت له ما جرى فضحك من قلبه؛ ثم قال لي:

-لاااااااااااااااااا!!!! هاي لازم تحطيها بالسي في (CV) تاعتك جد!!! مش عارف من وين بتجيبي هالأشكال؟!! (الله يسامحك يا خوي!!)

راحت القصة مجددا ولم تكن هذه آخر حلقة!!!

في يوم رمضاني؛ -وكانت جدتي قد ذهبت إلى العمرة في العشر الأوائل- صحوت صباحا بعين نصف مغمضة على شخص ما يطرق الباب-فتحت الباب وإذا بفتاة صغيرة تقول لي:

-أمي بدها ياكو

نظرت لأرى من أمها التي "بدها يانا"؛ كانت مؤخرة البكم البيج تواجهني: وفيما فتح الباب فجأة نظرت جيدا فرأيت قدما نتنعل حذاء تنزل من البكم؛ ثم نزلت المرأة بكاملها (لا أعرف لماذا خطر لي وقتها أن الموقف يشبه الأفلام الأجنبية حين ينزل شخص مهم جدا من السيارة السوداء) عرفتها طبعا!!!

قالت لي:

-وين الحجه؟

-بالعمره

-آه صار لها زمان؟

-يعني كم يوم

-طيب بدي أسألك: أرضكو اللي فوق؛ ضمنتوها إشي (من الضمان)

-والله ما بعرف يمكن؛ بس تيجي الحجه إسأليها ( في بالي: ما انتي أكيد عارفه انها مضمنه؛ ليش جايه؟!!)

المرأة كانت تعمل- تقريبا – متعهدة أراضي؛ بمعنى تتضمن أرضا للزراعة وهي مهنة معروفة في القرى

عادت جدتي من العمرة وأخبرتها بالقصة فردت بما معناه: هاي حجة هي عارفة انو ما عنا أرض للضمان!!!

بعد سنة تذكرت القصة؛ سألت جدتي:

-شو أخبار متعهدة الأراضي؟

-آه أنا ما قولتلك؟

-شو؟

-مش الزلمه جوزها مرّ علي من كم يوم!!

-بالله شو بدو؟

-ولا شي؛ كاين شايف أبوكي بالصيف؛ وحاكي معاه عليكي؛ أبوكي حاكيلو بتركلك خبر عند أخوي أبو فلان بالمحل – توفي عمي الصيف الماضي رحمه الله

-طيب؟؟

-بيحكي لي رحت عالمحل وسألت ابو فلان

-شو قللك؟

-ولا شي بيقول ابو البنت ما ترك لك خبر عندي عن شي

-لكان خلاص ما ترك ما ترك؛ لشو جاي تسألني؟!!

-وأنا وين كاينه؟

-ما حدا حب يظايقك والقصه صارت بسرعه

-آآآآآآآآآآآآه طيب!!!

ومنذ فترة قالت لي جدتي:

-بتتذكري فلانه-الأم؟!

-آه المتعهدة؟ مالها ؟!!

-شفتها هذيك المره وسألتني عنك

-طيّب؟

-بقولها لسا ما إجى نصيبك بتحكي لي والله البنت بعدها مش طالعه من نفسي!!

أيواااااااااااااااااااااااااااااااااااااااا؛ طيب المره الجايه لما تشوفيها قوليلها تطلّعني من نفسها رجاء؛ بدي أتجوّز!!!!

الحلقة الأولى

الحلقة القادمة: أخوي الدكتور



هناك 46 تعليقًا:

Adam يقول...

جميله اوي
انا معجب بزنوب وابو زنوبه والاستاذ ابو رجل حلوه

جميله اوي والاجمل ان اسلوبك جميل وسهل

احييكي
اتمني التواصل

ادم

Adam يقول...

نسيت

انا اول تعليق

هيييييييييييييييييييييييييييييييههه

Qwaider قويدر يقول...

يا بنت الحلال وافقي و خلّصينا... هيهيه ... يعني شو بدّك تعملي بالماسجتسير؟ مالهم شوفيرية التكاسي؟

المشكلة الناس ما بتستوعب مبدأ التكافؤ! الشاطر حسن بينفع يتزوّج الأميرة. و الحرامي اللي لقي مصباح علاء الدين لازم يتزوّج بنت السلطان.. و شرحة
يعني المشكلة على مستوى المجتمع كلّه
اله بيعين

maroo يقول...

يمااااااااا يا حبيبتي زنوبة !!! و بيكبات كمان .. لآ لآ لآلآلآلآلآلآ هيك كتييييييييير !! عنجد صبرا الا ياسر ان موعدكم الجنة :) شكلوا رح نجوزكم سلفات انتي و همسة هاهاهاهاهاه اااا

استغفر الله العظيم عنجد الناس عندها مشاكل .. يعني مافي أدنى حدود التوافق !!

vagueraz يقول...

صباح الورد :) .....
هاهااها ضحكتيني على الصبح .... و زنوبة .. حدا بيجي يشوف حدا بزنوبة ..هاهاهاهااها ....
بعدين حكيتوا ما في نصيب ليش اللف و الدوران ...و حاطيتك بنفسها ...
....
الله يعينك .....

غير معرف يقول...

ميسو
صباح الخير بالاول
انا لسى ما قرأت البوست
بس حبيت اسلم .. واحكيلك شكرااااااا , لاني ضحكت من كل قلبي لما شفت صورة الزنوبة عندي على البلوج رول
ولما قرات اول كملتين بلشت بمتابعة الضحكات

يلا رايحة أشوف السيزون الجديد ;)

فاصل ..... ونواصل D:

Ahmad Hamdan يقول...

هههههههههه, حلوة شغلة الزنوبة هاي يعني الواحد لما يكون بدو يخطب بروح بزبط حالزت باللبس , بس الحلو اصرار الأم انها بدها اياكي للمحروس

غير معرف يقول...

شو كاينة صحن كيك انتي .. قال مش طالعة من نفسها:S

فعلا مش طبيعي ... الله يعينك .. ميسو , انا اقتنعت انو شغلة الزواج طامة , يعني انا مش فاهم , هو الزواج بتم للفرد نفسة و لا للجماعة .

نفسي أفهم متى حنوصل لمرحلة انو العالم تفهم , انو هاي حرية شخصية بالاول ... مراق (اذا صح التعبير ) , قسمة ونصيب بالاخر ...

المشكلة انو كل فترة بعد فترة عم بتزيد هاي المواقف معك , والنتيجة انك توصلي لمرحلة القرف من هالوضع والموضوع , والحل , انك متل ما حكيتي , تخلصي من نق المجتمع والجاجات بالمزارع . بلدي او مدني طبعا D:

وتتزوجي ........ احكيلك , احكيلهم تم بحمد الله عقد قراني على السيد ماستر ;)
بلكي خففو عنك العقاب

مروو : loooool
والله جبتيها يا مروى
ويلا انتي كمان شدي حيلك شدي

انا بدي ادورلكو , تلات اخوان , ونفرح فيكم سوا D:

والله لاعمل مدونتي احلى صالة افراح (حياة اربد مع حياة عمان)
:)
ويلا احلى زغرودة سلف Lololoiiishshshsh
, هاي الدنيا صيف , وموسم الاعراس والخطب بلشD:

صاحب المضيفة يقول...

ربنا معاكي بجد

ههههههههههههههههههههه

عن جد حكاوي غريبة ومواقف مش عارف الناس كيف بتعملها مع غيرها


كل التحية والاحترام

وينكى يقول...

عيني عليكي يابنتى والمواقف اللى بتمرى بيها
هههههههههههههههه
ماقدرتش اكتم ضحكى على الجدع ابو شبشب بصباع
هههههههه
كنته قوية بجد
معلش.. الصابرين بخير
واكيد ربنا شايلك الاحسن
اصبري انتى بس
:)

Che يقول...

صحيح يا مياسى بتقعى على العرسان دول منين .... بس هى فى دايما ناس بيكون حظها فى رجليها و انتى ما شاء الله عليكى حظك بمب
انا فى انتظار باقى الحلقات

sozan يقول...

اما شي بنرفز ذكرتيني مره بوحده بدها عروس لابنها الطوبرجي متعلمه ولا بتحكي يعني من وين رح بصحلها شب اله هيبه وجمال كانه الوحده بتتزوج من شان منظر على الحيط

بس اخوكي موقفه زي اخوي كانه كل الاخوان مواقفهم متشابه
ان شاء الله الله بيبعت الك اللي تستاهلي

77Math. يقول...

ياخووووووووفي من زهقك توافقي على واحد غيابيًا

هههههههههههههههههههههه


ساعتها ولا حعرفك يا بنت :p

وبعدين إذا هيك أهاليهم بس، كيف بيكونوا العرسان شخصيًا ؟

والله الشوام حالهم عجب ف الخطبة، كل الناس بتشتغل خطابات خصوصًا الختيارات :D

Whisper يقول...

ههههههههههههههه
جد تحشيش....بكمات و زنوبات
هاد وهو كاين بمشوار ومارر عليكم....لو جايلكم خصوصي كان اجا بالفنيله الشباح لونها اصفر برازيلي :)

الله بعينك شو بدك تعملي
مروه هههههههه فكره خطيره...وتخيلي بيوم واحد يصمدونا وبدلات بكشاكش و مخبصين حالنا ميك اب ومشنشلين بالذهب و بزفونا بالبكب قصدي البكم البيج ذاته :)

ان شاء الله بزوجكم كلكم يا صبايا و بفرح فيكم (مياسي ومروه و ايناس و رزان...مين كمان!!!)

غير معرف يقول...

هسمة :
D:
يا رب تكوني أول وحدة .... لازم تكوني على راس ال ستاك وانا بالقاع من تحت .. يعني بنعمل بوب .. بوب , لاخر حبة جالكسي

شدي حيلك شدي انتي .. وافرطي المسبحة D:
(حلوة هاي .. صرت احكي متل جدتي):#

همسة .Loooooool لحد هاللحظة وانا بتخيل المنظر الي رسمتيه ... وجد مش قادرة اوقف ضحك ... مش بحكيلك , شكله المدونة بدي اقلبها مش صالة افراح بس ... كمان اعلانات للعرس الاسطوري اللي بدي يصير هاد
D:

الجواز و سنينه يقول...

مياسى
لهجتك جميله زيك
و ان كنت فيه شويه حاجات وقعوا منى
بس فهمت المجمل
بس بجد تسلم اديكى على اسلوبك الجميل تحياتى

77Math. يقول...

الجواز وسنينه

ما فهمتيش ايه.. احنا ف الخدمة :D

Ehab يقول...

اكتر حاجه بتشدني في مدونتك هي لهجتكم

بجد جميله قوي لما بقرا الكلام كأني سامعكم بتتكلموا
مش قصدي ان ما في شيء فيها حلو تاني
لكن هي مدونه جميله جدا واسلوبك في السرد بيشد جامد وبيخليني اكمل القصه وانا عمال اضحك على تعليقاتك

ربنا يرزقك بزوج صالح يحبك وتحبيه
هي مشكلة العريس دي الظاهر في كل العالم مش بلدنا بس

تحياتي

سلاااااام

اقصوصه يقول...

حلوه وايد :)

غير معرف يقول...

هههههههههههههههههههه
يا بنتى زى العسل...وكويس انك حاطه ترجمه
دمك خفيف جدا
ربنا يكرمك بعريس ...ويبعد عنك الاشكال الضاله
دمتى بخير.....تقبلى مرورى

غير معرف يقول...

ههههههههههههههه تحشيش، انا حضرت كثير طلبات بس مش هيك!!!
بلكي الزلمة معتز بزنوبته او الزنوبة منبتة مع رجله!! :)

غير معرف يقول...

مياسى العزيزة

انا هاموت من الضحك على المفارقات التى تحدث لك ..

مرة عسكرى .. ومرة واحد بشبشب .. السؤال المحير

هل لايسأل هؤلاء عنك وعن أوضاعك ومستواك قبل التقدم؟ والذى فى أغلب الاحيان يسبب لهم الحرج؟

لكن من كثرة حكاويك الطريفة المشوقة .. اتمنى مرة أن تصيب .. ونفرح فيك .. اقصد بك .. وتعزمينا على الفرح ..

آه طبعا هانيجى .. عندك شك؟

Sou يقول...

you are the only person alive that have this weird situations be careful to have a suitor from your exams as well ;)

Ahmad M. Al-Mahrouq يقول...

هههههههههههههههههه تحشيش القصة - لا تزعلي- المهم , انا مابدي اكون حشري , لكن انتي من مصر ولا الاردن؟
والله شلشتيني!!

عين فى الجنة يقول...

اذا عزمتينا على الفرح حاجى مع شريف اكيد
بسرعة بقى وابقى اعملى تبولة وكبيبة شامى ع العشا

Whisper يقول...

مالك يا قمر
بتهون ان شاء الله....ايش ما في بكره بيهون و كل شي بمشي
هاد تعليق عأخر بوست :)

غير معرف يقول...

مياسي جد روعة
دمك عسل
و صورة البوب الي لابس الزنوبة لحالها معبرة
بصراحة في ناس عنهم ثقة ب نفسهم لدرجة انه مش مستوعبين انه الحياه اكبر من الواحد يعيش بس اسمه متجوز و يصير عنده اطفال

ميسم يقول...

جد ضحكت من ئلبي
الواحد بمر بمواقف مش طبيعيه أحيانا
شي بضحك وببكي بنفس الوئت

Unknown يقول...

آدم
انتا معجب بناس كتير شكله:)
شكرا وأهلا وسهلا فيك على طول


قويدر

لا تلعب بعقلي ترى انا واقفه على دقره:)
هي هيك مبدأ التكافؤ عند ناس كتيره مش موجود وبالعكس بيتباهوا فيه لما تكون العروس متعلمه والعريس لأ؛ عنا مثال بينا وبينه شي 150 متر!!!

أهي جوازه والسلام يا قويدر؛ هاد أحسن مبدأ!!

Unknown يقول...

مارو
هيك فكرك؟ سلفات؟ ياخوفي يكونوا العرسان سلامتك زي ما انتي شايفه هون!!

رزان

مش عارفه عنها مصممه جدا الأخت وزي ما حكيت؛ هي مش معتبره الفرق ف يالتعليم مشكلة أساسا!!!

جد الله يعين الجميع:)

Unknown يقول...

إيناس

صحن كيك؟ والله فكره مش بطاله:)
ايوه ياختي اسرحي في عاجبيتك القصه شكلو!!!

أحمد

هيك المفروض بس ما تنسى انو الزياره على اساس خاطفه وعابره ومش مقصود فيها الخطبه أساسا :)

Unknown يقول...

صاحب المضيفه

الناس بيعملو ما بدالهم بغض النظر عن واقعيته؛ يعني هم بيكونوا مؤمنين ايمانا باتا انهم بيخدموني بزواجي من ابنهم!!

مرحبا بك

وينكي
شفتي بالله!!!
آمين الله يسمع منك؛ صابر وراضي أنا:)

Unknown يقول...

عمرو

أنا عارفه؟ هيك قسمتي بس للأمانه مش كل العرسان هيك بصراحه؛ بس هادول صعب الواحد ينساهم

سوزان

صح في كتير ناس بيشوفوا الشكل بيكفي وخلاص ما في داعي تسألي عن الباقي!!!
تعرفي مجتمع شكلي عالأغلب وبس

آمين؛ تسلمي يا عيني؛ انتي سبقتي والصبايا ان شالله لاحقين

Unknown يقول...

77Math

والله يا خوفي انا كمان!! شي بيملل يا بنتي جد مين وين ولا من وين بدنا نلاقيها!!

بعدين مالهم الشوام؟ ما شفتيش مدونه عايزه اتجوز يا بنتي هاد هم عاااااااااااام!!!

همسه

أصفر برازيلي؟!! ياختي الملافظ سعد حرام عليكي!!!

بعدين أنا بدي اياكي على راس الكوشه؛ أول وحده عالمصمد ومش متنازله عن طلبي :)

الله ييسر للكل يا رب:)

Unknown يقول...

الجواز وسنينه

أول شي مرحب بيكي ويسلمو:)
اذا في شي وقع منك بنشرحلك ياه ولا يهمك:)

77Math

بدنا ياكي تشتغلي معانا "كروس ترانزليشن" بتعرفي يعني لزوم اللهجه:)

Unknown يقول...

الشنكوتي الكبير

بتحب اللهجه؟ الحمدلله لأني بعرف ناس من مصر بيحكو انو لهجتنا غريبه ومش سهله عالفهم!!!

كل هاي مدونتي؟ سلسه ومش عارفه شو؟ ولا يهمك تعال واقرا قد ما بدك الخير لقدام

وفعلا الزواج هاد مشكله عامه وطامه على راس الكل!! الله يجيرنا

أقصوصه

انتي أحلى:)

Unknown يقول...

فتاة من الصعيد

:)
يا عزيزتي الترجمه كرمال الاشقاء المصريين بتعرفي فروق اللهجه كيف!!!

الله يسمع منك ويبعد عنا وعنكم ان شالله :)
أهلا وسهلا فيكي دايمن:)

محمد

هاي خطبه مش رسميه حط في بالك؛ وعشان هيك الزنوبه لأغراض التنكر بتعرف كيف يعني:)

Unknown يقول...

شريف

والله مش عارفه شو قصتهم؛ مع انو الوضع بينشرحلهم بالتفصيل بس شو بدك تحكي؟ مصممين يعني!!!

أهلا وسهلا فيك يا شريف بتشرفنا بس عاللي يستاهل طبعا:)

Sarah

welcome my dear, so happy to see u here around, no my dear there are ppl who had funny stories too, i had TOEFL today but no body proposed :), but i was in an engagement part last night and got 2 marriage proposals :D

Unknown يقول...

أحمد المحروق
:) روح عالبروفايل وانتا بتعرف :) مع انو متهيألي الجواب واضح جدا!!!

راجي

أهلا وسهلا؛ بس احنا بنعمل مناسف بالاعراس مش تبوله:) التبوله هاي عزيمه خاصه:)

Unknown يقول...

همسه

ما في شي؛القصه القديمه الجديده كالعاده جد يسلمو على سؤالك:)

Unknown يقول...

غير معرف

كنت بتمنى لو كتبت اسمك بس ما علينا:)

فعلا الناس متصورين انو بس هاي الحياه جوّز والسلام-كمان نسيت تحكي إنو بس تتجوز كل مشاكلك بتنحل والحياه بتصير سعيده!!

تانشوف آخرتها:)

ميسم

:) كيفك؟ كيف امتحاناتك؟

شي بروس وشي بلا روس على قولة أختي:(

Amjad Wadi يقول...

مرحبا مياسي
بداية أعتذر عن التعليق المتأخر وأرجو أن يكون ما زال متسع للتعليق

بداية ذكرتني الحلقة بأكثر من شيء أولها صورة لي وانا بالرخامسة عشرة بالزنوبة .. و في منطقة جبلية وعرة جدا
:) سأحاول نشرها ان شاء الله
الشيء الآخر والأقرب الى واقع القصة .. هي حادثة مشابهه كنا نتندر بها .. وهي أن أم ذهبت لخطبة فتاة لابنها .. و مع كل استفسار كان يصدر عن أهل البنت عن الشب ..كانت والدته تجيب بأنه .. "و عنده دار" أو معمر دار .. أو داره جاهزه ...

بصراحة الله يكون بعونك على هالنفسيات .. احنا صارت معنا حادثة مرة بس .. اجا واحد نادا أبوي و طلع عليه باب الدار .. ما رضي يفوت .. حكا لأبوي بس بدي أقلك اشي .. و قله بنا هالبنت لهالولد .. :)
يعني لو بده عرباية كان عالقيليله دخل و شرب شاي بعدين طلب العرباية

ميسم يقول...

اليوم فينيتو امتحانات خلص خلصنا أماشو والله كان فصل بيترخ

غير معرف يقول...

مرحبا ميوووووووووس
بتعرفي شوقتيني للحلقة الي بعدها و الي بتخيل انه طول الوقت بحكي انه عنده اخ دكتور اكيد متخرج من روسيا و هو مش متعلم
صح؟؟؟؟؟؟؟

Unknown يقول...

أمجد

عذرا على الرد المتأخر الذي ربما ستقرأه في كندا ما علينا

فعلا الناس مرات بيركزوا بس عالمواصفات؛ زي مثلا بيظلهم يدوشوا الوحده انو العريس حلو وبيجنن زي كأنه هاي نهاية العالم وخلاص وافقي

ذكرتني بقصه قديمه صارت مع قريبتي واحد ختيار ببكم صغير داق على بيتهم الساعه 7 الصبح قال ذكرولي عندكم بنت!!!
الناس لسا ما كانو صاحيين ولا حتى مفطرين والاخ جاي يخطب على راسه!! الله بيعين


ميسم

الحمدلله عالسلامه؛ كفاره:)

غير معرّف

لا والله الاخ كان دكتور عن جد وكأنه متخرج من بره؛ بس هاديك قصه تانيه تا افضى بكتبها ان شالله

غير معرف يقول...

انا ربما دخلت متاحرا عليك سعادة المدونة ، لان وقت التدويت من قبل مدة طويلة ، انا لا اعرف ان كنت قد تزوجتي ، فازا كده ربنا يوفقك ، لكن ازا لم تتقوزي ، فارجو منك الكتابة عن طريقة التعامل مع العرسان لما ييجي للعروس ، اذا كان عندك تجربة ، واحضرتك سعادة المدونة التي انح رح تكتبي ، ارجو اكون ما دايئتك.