الاثنين، 2 يونيو، 2008

تغيير ....

لما أكون مش قادره أنام بالليل ...

سواء كانت الدنيا حر كتير...

أو كان في إشي قاهرني و بفكّر..

بفكّر و مقهوره كتير لدرجه مش عارفه أنام...

بيكون الحل أنو أغيّر وضعيّه..

بغيّر وضعيّة نومي.. بحط إجريّ مكان راسي و راسي مكان إجريّ ..

بلكي نفعت هالطريقه .. و مشي حالي...

إمبارح مشيت هالطريقه شوي بعد ساعتين محاوله و إكتشفت إنوّ زمااااااان ما عملت هيك يمكن من شي 3 سنين...

زمان ما انقهرت من شي و زمان ما غيّرت وضعية نومي عشان أقدر أتفاهم مع الوضع...

أخ لو أقدر أغيّر وضعيّة حياتي و أقلبها فُوقاني تَحْتاني !!!!

بس ما أظن ينفع!! ما أظن بتاتا ...

أخ كمان مره وضعيّه !!! عالأوااااه والله إشي بيقهر !!!

هناك 16 تعليقًا:

anas يقول...

مياسيييييييييييييييييييي

انتي بس احكيلي مين هو اللي قاهرك وانا بقلبلك حياتو فوقاني تحتاني P:

بدك طريقه جد فعلا مريحه ؟؟
بدك طريقه تخفف القهر اكتر فعاليه من ضرب الراس بالحيط؟؟
بدك طريقه تخليكي تنامي من اول خمس دقايق؟
بدك بدك بدك؟؟؟
وانتي رايحه تسألي اسأليلي معك p:
والله شوفي لما كنا الزغار وش عارفين ننام كانت امي تخلينا نعمل نفس الطريقه بس مع الزمن بطلت تزبط وصرنا ننام بس بكلمه وحده الكلمه السحريه...
((اروح انادي بابا))

Sherif يقول...

نصف كوب لبن دافئ بدون سكر ..
شوية كارتون لمدة ثلث أو نصف ساعة قبل النوم.. ويفضل قديم .. pink panther مثلا ..

الاسترخاء التام على السرير دون أى إضاءة قوية .. والتركيز المتدرج بمنتهى البطء وانت مغمضة العينين كالآتى:

أنا الآن بدأت الا اشعر بقدماى .. ثم ساقاى .. وهكذا تدريجيا الى يداى وكتفاى .. ثم أذناى .. ثم

أحلام سعيدة .. جربى

ربنا يحفظك من كل شر ..

سوزان يقول...

وانا كنت مفكره حالي اني انا الوحيده اللي ما بعرف انام بالليل ...لما تلاقي طريقه بليز احكي عنها لانه انا بضلني سهرانه لساعات طويله وما بنام

Qabbani يقول...

مممم الحمد لله من زمان ما عنيت هل المشكلة
يمكن لأني مابنام اكتر من 5 ساعات بالنهار ف تقريبا اي وقت بعد ال 2 بنام بسهولة

و على 5.30-6 بكون اعد :)

التفكير الكتير بطير النوم

صباح الخير يا مصر يقول...

مياسي
******
ما ينام الليل الا خالى البال....طب ايه العمل
اقولك جربى الوصفه السحريه للعزيز / شريف فان اثق فى اراؤه و نصائحه وتذكرى كلام الاستاذ الجميل /صلاح جاهين اللى قال
حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!
تحياتى و تمنياتى لك بنوم و احلام سعيده

eNAS يقول...

السلام عليكم
كيفك ميسو
اكيد في شي شاغلك بالك
وبتفكري كتير
لانه التفكير اول سبب بمنع من النوم
احكيلك شغلة ايش سوي

انتي بس غمضي عيونك
وتخيللي شي بعيد بعيد يكون الونه ابيض متلا
وبعدين خليه يصير شغلة ببالك بتتمني تكونيها :)
والله يخليكي

Anas يقول...

صحيح في طريقه كويسه:

ضلك عدي خاروف خاروفين 543....

هيك بشوف بافلام الكرتون

Sola يقول...

el music deh gamda awy o 7elwa awy 3ala fekrah bas 7azena awy awy ya3ny bgad deh law sha3'alteha hatnamy l wa7ag7dek mn 3'eer 7agahb
salam ya gamiel
bye

مياسي يقول...

anas

لوول ولا يهمك اذا حدا زعجني كمان مره بناديك أبو الشباب و لو

و الله أبوي الله يجيبو بالسلامه بطلت هالطريقه تمشي حتى مع أخواني الصغار

زمن أول حول خلاص

مياسي يقول...

sherif
هاي الطريقه بدها الليل كلو و أنا كتير كسووله ما أظن أعملها

و من وين بدي أجيب "النمر الوردي" الساعه 3 الصبح يا شريف؟؟

ع كل عن جد يسلمو عالنصيحه و ما تخاف علي هلأ عم بنام زي البطله و عين الله علي

دايمن عندك شي غير تقليدي بتتحفنا فيه على طول

مياسي يقول...

سوزان

أنا ع فكره " و ما شاء الله" بنام مزبوط و مشكلة الأرق ما بعاني منها بتاتا الحمدلله ع هيك لأني من الناس اللي ما بيركزو و هم نعسانين بالمره

عشان هيك مستحيل تلاقي عندي حل لأني عمري ما احتجت لطريقه هاي المره كانت بس عارضه لظرف ما

بتمنى انك تلاقي طريقه تنفع لأنو قلة النوم بتخليني أنا شخصيا قريب أنجن

مياسي يقول...

Qabbani

نيالك ان شالله بتضل هيك ع طول

و التفكير مش بس بطير النوم و كمان العقل من مطرحو

مياسي يقول...

صباح الخير يا مصر

و مين هاد خالي البال بالله تدلني عليه؟؟

معك حق كل بيخلص ف الاخر و كل شي لو نهايه

أهلا و سهلا فيك بمدونتي نورتنا

مياسي يقول...

Enas
الغريب انو انا بعمل شي مشابه للطريقه اللي ذكرتيها بس مش عشان انام

يعني بس شي او موضوع يكون زاعجني بتخيل حالي واقفه ع شط البحر

بحط الشي بورقه صغيره و بطويها بطويها لحد ما تصير مش مبينه

برمي الورقه ف البحر و بدير ظهري و بروح

وهيك بتنمحي المشكله تماما من بالي اتخيلي؟

حمدلله عالسلامه ايناس فقدتك والله

مياسي يقول...

anas

هاي طريقة الخرفان و لا عمرها زبطت

اطلعلك بغيرها

مياسي يقول...

sola

this music belongs to "Mustafa Sandal" a turkish singer

yea it is sad and sensative i discovered it lately and like it too much

no need to put it sally, i sleep v well now , and now i have to go to bed coz tommorow i have to leave to amman v early

tc darling :)