الاثنين، 2 أغسطس 2010

تاج الأهداف

الحجه نيسان طلبت هالواجب من ألف سنه!! معلش أنا بنت نايطه اتحملوني
الواجب بيتعلق بأهدافك قبل كأس العالم الجاي أظن، وأعتقد انهم 4:
1- انو وزني ينزل وما أضل مركنه انو طولي 173 ووزني 75 فمعلش!! بدي أرجع "رشيكة الكوام" مثل زمان - وقول للزمان ارجع يا زمان- بس الغريب اني بس رجعت من الشام اكتشفت انو كتير نحفانه!!
2- انو يصير معي سيارة وأخلص من المواصلات والبحلقه والنسوان اللي بتدور ع عرايس!!
3- اني اعمل شي مشروع يجيب لي دخل ع طول 
4- اني اروح عمرة-لأنو الحج في بلدنا بس للي حاطط اجرو بالقبر وممنوع عالفرافير اللي مثلي !!

بعد التفكير اتضح انو كل الاهداف بدها مصاري، ونصهم بدهم اراده وهات عاد قطبها!!

هناك 30 تعليقًا:

Dr.Mohammed يقول...

يعني من الاخر اهدافك لازم تكون:

1. مصاري عشان العمرة
2. مصاري لمشروع
3. مصاري عشان سيارة
4. هممم بعرفِش شو بالنسبة للوزن بدها مصاري هاي الشغلة

لبنــــــــــى يقول...

كيفك مياسي
ليش الواحد بس يسافر بنحف ؟؟؟
مش عارفة وين السر بالموضوع
بتمنى تحققي كل اهدافك
بس شو القصة اغلب الاهداف بدها سيارة :)
بس لو لقيتكم وكالة سيارات لاستغلتكم

ان شاء الله بتحققوا كلهم
:)

الكيل بمكيالين يقول...

هلا مياسي وحمدالله عالسلامة كنت رايحة عالشام، ان شاء الله تكوني انبسطت.

بالنسبة للهدف الاول زيي زيك والي شهر مشاركة بنادي رياضي وبعاني ولا حياة لمن تنادي.
الثاني بالنسبة الك هو الاول بالنسبة الي - اذا قرأتي الاهداف اللي كتبتها- والله عفت البهدلة بالمواصلات.
ان شاء الله يصحلك دخل ثابت بس بدعيلك ما تنوكسي زيي وتتعيني بالحكومة.
اما العمرة فكلنا بنتمناها الله يعطي كل مشتهي.

سلام

sheeshany يقول...

:)
الفلوووووووووووووووووس مش كل حاجة ، هية بس الأساس لكل حاجة
ها ها ززز بايخهههههههههه

الله يرزقك العمرة و كمان الحج (و الله ما بتعرفي كيف ربنا بيسّر، أنا و لا كنت أحلم أحج و هيني إجيت عالسعودية من ولا إشي و ربنا كتبلنا الحج)

و إن شائ الله كل أمانيكي تتحقق

و حنترك العقاب على التأخير لنيسان :)

sozan يقول...

حلوة هاي هات قطبها :)
ان شاء الله يعطيكي حتى تحققي الامال اللي بدك اياها

Whisper يقول...

هاي مش نياطه....هاي تفكير و تأني :)

بالنسبة لاول هدف فهو كان هدف السنة الجديده بالنسبة الي و الحمد لله تنفذ :)

انا طولي 172 و وزني كان 70 ..هلأ وزني 64 :))))

ان شاء الله عن قريب بتجيبي احلى سيارة و بتخلصي من كل هالشوفات

جميله الفكرة :) احلى شي انك تعملي مشروعك و شغلك الخاص بس هاد بالذات بدو تمويل محترم :$

الله يكتبلنا اياها اجمعين يا رب
مهو ممكن نروح مرافقين ,انا هاد اللي معتمده عليه :)


ان شاء الله قبل ما تخلص " المهله المحدده" تكوني محققه كل هالاهداف :)

نيسآان يقول...

الله يعطيكِ العافيه يا مس
ما في عقاب....جكر في هيثم :) وبما انك كنتي في الشام ...معذوره وحاسه فيكِ...هدف الحج تقريبا عند الجميع ...يا رب يسهلنا قبل ما نوصل لحافة القبر
والشغل والسياره كمان مشترك عن الكل تقريباً
من هالتاغ اكتشفت ان اهدافنا بسيطه و كل اللي بدها كمشة فلووووس وبس

sheeshany يقول...

أو لويش جكر
اللي بيتأخر بيتقاصص ، ما بدها 2 يحكوا فيها!
معها مصاري كثيييييييييييييير مياسي (ما شفتو الأماني !) ... خليها تعزمنا على شي كعقاب "مخفف"

*تصويت يا جماعة*

:]

قط البكتريا يقول...

ولو يا مياسي لازمك فلوس وما بتحكي ؟؟
كنتي حكيتي كنت انا اعطيتك ودعمتك ماديا ...

يلاه ان شاء الله تفرج وتفتحي مشروع انتي وويسبر وتعطيكي السيفيا :D

ميسم يقول...

هههههههههههههههه
صراحه ضحكتيني مياسي
حلوه
وانشالله كله يتحقق
:))))

Unknown يقول...

Dr Mohamad

هههههههه بالزبط
وعلى فكره كمان الجيم لازمو مصاري :)
والصحه بدها مصاري يوووه شغلات كتير :)

جفرا
تمام كيفك انتي؟ والله هون مشوبين ما شالله شي بيسطّل!!

عن جد السفر بينحف؟ لانو في لبنان ما صار معي هيك!!

السياره صارت مهمه والله من قرف الشارع والناس اللي بتوقفلك عالطالع والنازل

تسلمي وانت كمان :)

Unknown يقول...

كيالة

الله يسلمك، بس ما فهمت انتي كمان كنتي بالشام؟
قرأت أهدافك ولاحظت كم السياره مهمه عندك، هي مهمه لشو الحكي :)

هلأ الجيم صار بعد رمضان، والله لازم خصوصا انو ظهري بيوجعني من القعده الطويله:)

انا ضد التعيين بالحكومه قلبا وقالبا:) احب عيشة الحريه:)

وان شالله ربنا بيكتبها لكل مشتهي:)



هيثم

ولا اشي الفلوس كخه منيح هيك؟!!

فعلا مابتعرف شو بيصير على فكره انا حجيت زمااان بس كنت كتير صغيره:)

في عقابات وغرامات كمان؟ 

Unknown يقول...

سوزان

:) الله يسعدك:) معلش من واقع الوضع بتعرفي كيف :)


ويسبر
يا سلام!! شكرا عالمجامله والترقيع:)
نيالك!! عقبالي مع انو ما اظن ارجع للستين كمان مره، كان زمان وجبر!

ان شالله بجيب وحده بس برضك زيها زي المشروع بدها فلووووس :)

مرافقين؟ ما اظن تزبط على المدى القريب

آمال الجميع يا رب

Unknown يقول...

نيسان

يسلمو يسلمو يا حجه :)

شفتي ولا اسهل منها الموضوع بس بدو مصاري
جيبوا مصاري :)


هيثم
بتعرف اللي مضروب بحجر كبير؟ هادا انا !!

Unknown يقول...

بكتيري

شايلنك لعوزه، بلكي بدي اروح سياحه ع سويسرا مثلا او اعمر مول ولا فيلا؟

له له ولو بمون انا:) مش هيك يا ويسبر؟ :)

ميسم

:) تسلمي، معلش الواحد من قهرو بيحكي بتعرفي كيف
كيفك انتي؟

Whisper يقول...

ولو...طبعا بتموني يا قمر

@ قط البكتريا....انا بدي كم الف بس مش كتير, حابه اعمل مسبح بالكراج :)

Unknown يقول...

ويسبر

يسلموا ما بتقصري

وش صار بالمسبح؟ :)

العبيط يقول...

مياسي ، عدنا بعض انقطاع طوييييييييييييييييييل جدا

لفت نظري انو هاي الاهداف لازم تتحقق قبل كاس العالم الجاي مش السنة الجاي

يعني هاي خطة خمسية ناقص واحد :)

قط البكتريا يقول...

@ ويسبر خلص ابعتي الفواتير لمدير مكتبي هرهور وهو بصرفلك 18.526 دينار ... باقي دفعه المسبح
وسلمي سيارتك للحزينة مياسي ( بس وقعيها على ورق لانها من اربد )

غير معرف يقول...

ramadan kareeem ya 7lwi
fkrtk katbi chi be awal youm.. bs la t2ole hal sani hay el jaly kaman 3aleke lool
inchallah tkoni b'7air :)

Palestinian Princess يقول...

أنا بقول حطي هدف واحد و هو سرقة بنك و بعديها كل الأهداف التانية بتيجي تباعا بدون واسطة و لا هم
:))))

أحلام جميله خاصة العمرة اللي ان شاء الله ربنا يكتبلك اياها عن قريب

و بعدين هذا حلم الخسسان هذا حلم دولي تشترك فيه كل نساء العالم و هو على أهدافي من سنين فصار الهدف روتيني و سقط بالتقادم
:p

الله ينولك اللي في بالك و أكتر

Em Ommar يقول...

مرحبا

اسمحيلي اهنئك ع اهدافك
واطلب منك تردي ع الاميره pp
وتسرقي بنك
وتحسبي حسابي معاكي

Unknown يقول...

العبيط
اهلااااا وسهلااا وينك مختفي؟! الحمدلله عالسلامه:) زمان عنك والله
بالزبط هي خطط مش بسيطه ما انتا شايف كلهم بدهم مصاري كتير:)


بكتيري

له له لشو العنصريه؟ اربد وعمان ليش هيك؟
ويسبر عيني خلي سيارتك بجيبتك، اصحي هه

Unknown يقول...

jumana

ahlan ahlan, ramadan kareem 3aliki kaman

wen ghbety o 7akeety 3eduli?

wala el jali zy kol marah men ekhtesasi bs zy ma te7ki el saneh fe musa3deen :D

PP

والله فكره!! كيف ما اجت ع بالي:)
بس خايفه اذا مسكوني اضل شي 3 خطط خمسيه بالحبس:)

لا تقولي: فعلا حلم مشترك وبيغلب كمان

تسلمي يا رب، وشو اهدافي جنب اهدافك الصراحه استحيت فيهم لما قرأتهم ع مدونتك :)


ام عمر

الله يخليكي:)

اذا زبطت واخدت مصاري البنك بحسب حساب صاحبة النصيحه واولادك بالمعيه
والباقي يصف عالدور:) يا دوب نلحق:)

Palestinian Princess يقول...

لا! بعيد الشر.. إنت بس خططيها صح و اذا إحتاج الموضوع إستعيني بخبرات خارجية زي مشن إمبوسيبول
:))))

بعدين أهدافي كانت نسخة عن أهدافك قبل أكمن سنة .. بس الدنيا إطرتني أغيرهم.. فشدي حيلك و نفذي هاي الأهداف عشان تبدي أهداف جديدة وراها
;)

Unknown يقول...

برينسس

ايوه، عشان يقاسموني عالفلوس!! مش موافقه انا

انتي خليني بس اخلص هادول وبعدين ربنا بييسر:)

Rula A. يقول...

1. هاي أول هدف خلص :)
2. إن شاء الله بتجيبي سياره وبترتاحي من هم المواصلات
3. لازم تفكري بإشي جديد عشان إن شاء الله يمشي وتزبط معك
4. والله وأنا كمان كتير حابه أسوي عمره.. الله يرزقنا
:)

Unknown يقول...

Rula

1-اه شايفه بس ضايل هدف الجيم:) خايفه بلشة الاسنان تخرب الموضوع:(
2- آمين:)
3- عرفتي ع مين تيجي!! اشي جديد قال!!
4- انا رحت عالحج وانا صغيره، عشان هيك بتخيل العمره احسن واحلى، الله يرزقنا جميع يا رب:)

sab7al5air يقول...

مياسي اول مره امر من هنا ع الخطه الخمسيه ناقص واحد
اكت روحه حادعيلك عليها هلي السياره و العمره ديل اتنين بشوف العمره والحج زي ما بقولو يعني بجوك من حيث لا تحتسب بسهلو كده فجاءة بس رغبتك الاكيده هي المفتاح
اما العربيه انا كمان حاسه بي المعاناه بس عارفه خايف شكلي ادمن البهدله و المواصلات
اما المشروع يلا فكري وقولي لينا بصوت عالي اي هي المشاريع البتجي علي راسك

Unknown يقول...

علا

أهلا وسهلا عاد الخطه موجوده من زمان هون:)

ستي يعني النيه بالاخر هي مفتاح كل شي هيك انتي شايفه:)

بس الله يفتح علي بالمشروع بخبركم ان شالله :)