الاثنين، 22 مارس 2010

ورقة القيقب –ألوان مائية


بعد انقطاع لما يقترب من 10 سنوات

محاولة أخرى

ومع أن النتيجة "مش ولا بد"

ولكني استمعت بالتجربة جدا

هناك 14 تعليقًا:

Rula A. يقول...

ياااه ذكرتيني بالمدرسة وبأيام حصص الفنيه.. كنت كتير أحب استعمل الألوان المائية خاصةً لون الأحمر والأخضر أول اشي يخلص عندي :)
النتيجه جيده أخذاً بالإعتبار إنقطاع العشر سنوات :)

Unknown يقول...

Rula

الله يجبر بخاطرك جبرتي بخاطري:)
لكانليش بتحكي ما بتعرفي ترسمي؟
اتوقع ايام زمان اول شي كان يخلص هو اللون الابيض

قد ما كنت ازبط فيه

Rula A. يقول...

أنا الأبيض ما كنت أستعملو كتير ماكان يعبي راسي :)
آه مهو أنا ماكنت استعملهم بالرسم.. كانت معلمتنا الله يسهل عليها كتير شاطره وعندها أفكار حلوه.. كنا نسوي أشياء كتير حلوه بالحصة.. بتزكر مرة سوينا فرشات.. جبنة ورقة من كراسة الرسم وطويناها بالنص.. وبعدين حطينا ألوان مائية وسكرنا الورقة وصرنا نسحب اللون وشكلنا جناح فراشه .. سوينا كذا وحده وكل مرة كنا نحط أكلوان غير.. وبعدين بس نشفوا قصينا الدواير وجبنا خيط صوف لزقنا كل ٣ فرشات سوى عليه.. وبعدين ربطنا الخيوط الصوف -سوينا كذا خيط عليه فراشات- على علاقة حديد وعلقناها بالصف.. هههه تخيلي لهلاء حافظة وبتذكر كلشي سويناه يومها..

sozan يقول...

حلو والله فنانه ميسو :)
هلا الجد انا بكره حصص الفن كانت حصة نوم :)
بس الرسم بشكل عام انا بحب الرسم بالفحم حلو كتير

Unknown يقول...

Rula

ما شالله عليكي!!
متزكره كل هادول؟
كنت أعمل أشكال تفريغ انا كمان وانا صغيره
كانت أشياء حلوه كتير:)


سوزان

خجلتيني والله مش لهالدرجه:)
انا حصص الفنكنت احبها بس حصص الموسيقى كانت يع بالنسبه الي
كل الرسم تقريبا بحبه انا:)

غير معرف يقول...

مرحبا مياسي
ان حنان
عن جد انك نهفة كيف تزكرتي هالشي
يالله شو كنت احب حصص الفن لمن تكون ما بدها رسم يعني متل هيك
كنت اروح ع زريعات امي و اخد من كل نوع ورقة و ابدا ابدع بالالوان بس بصراحة الالوان الي كنت استعملهم مو متزكريتهم بالمرة بس اكتر شي بتزكره انه كنا كتير نعملهم بالشتا مش عارفة ليش
بس عارفة كنت بحس انها ما بتزبط معي لانه الواني المائية مو اصلية يعني ميد ان شاينا كانت :)

Whisper يقول...

الكل طلع فنان واحنا مش عارفين :$

انا ولا الي دخل بالرسم,ولكن بتذوقه زي ما بحكو
بتعجبني اشياء و في اشياء مميزة لكن اني انا ارسم
انسي الموضوع :)

الرسمة حلوه, وحسب ما بسمع ان المائي صعب الرسم فيه :)

Dr.Mohammed يقول...

well the drawing looks very good, i bet it took you some time to finish it , especially the coloring part

i like to draw , but i hate to color my drawing! i like my drawing to be colorless , black and white, this gives me a better way to draw the shadows .

Unknown يقول...

حنان

مش معقول انتي هون؟ أهلا أهلا:)
يا ستي ولا نهفه ولا شي في شغلات بننساها مرات وبنحب نتزكرها

وانا الواني اللي هلأ معي ميذ ان تشاينا بس ايام زمان كانو ميد ان تايلند

يعني فيكي تحكي احسن شوي:)


ويسبر

شفتي طلع في مواهب خفيه عند الشعب البلوجري:)

لنا كنت ارسم منيح بس هلأ سلامتك؛ وبحب اللوحات كتير

ممم ما بعرف المائي بحبه وبحس الزيتي اصعب-هاداك خامته اثقل؛ جربي شخبطيلك شوي مش غلط:)

Unknown يقول...

Dr.Mohammed

well it took sometime to draw it indeed but i guess coloring took from 30-45 minutes at the end my nick started to hurt me:)

i like all kind of paintaings, even black and white ones had their own beauty

happy that u loved it :)
if u paint why not to show some?

غير معرف يقول...

ana byeeni w been alfn blad :P
y3ni a7na 3na balbeet klhom b3rfo yrsmo ala ana ma aly d5l balmw9'oo3 !!
3ala r2y mama a7na alfananeen 3'ay9een b2lwana w Jehna 3'ay9eh bktobha ! :P
bs I love your ebda3ition

Unknown يقول...

Jehan

lool at least u have something "tgho9i feh" better than nothing

i think it is nice to have such a talented family:)

Thanks ya jehan, m3 enu mush hal gad y3ni:)

سارة نجاتى يقول...

حلوة من هنا للسنة اللى جايه

بجد جميلة , و لونها ظريف أوى

طب ليه منقطعة ما أنتى بتعملى حاجات حلوة اهيه؟؟

Unknown يقول...

سـاره

يسلمو جد خجلتيني وبقى وشي بالالوان:)
والله يا عزيزتي قلة فضاوه على دراسه هندسه على مشاغل
زي ما تحكي ميمعه في مخي

هلأ اللي فضيت شوي

زمان كنت احسن من هيك بس يلا عاد
زمن:)