الجمعة، 10 أبريل 2009

مش العرسان-أهاليهم!! الحلقة الأولـى


منذ زمن وأنا أفكر بالكتابة عن تجاربي مع الزواج التقليدي أو "زواج الصالونات" بمسمّى آخر؛ ما شجعني على ذلك هو أن عددا من المدونات الصبايا قد بدأن بذلك؛ نـانا أولا ومن ثم ويسبر؛ وبطلب خاص من أمجد؛ تشجعّت لذلك.

الواقع أني لن أتحدث عن العرسان أنفسهم؛ ولكني سأتكلم عن أهالي العرسان؛ هؤلاء من لا تنسى قصصهم أبدا معي!!! أمّـا العرسان؛ نتكلم عنهم لاحقا؛ لسا الأيـام جايه كتير!!!

بدأت القصة في ربيع العام المنصرم؛ كنت قد التحقت بعملي السابق حديثا؛ عائدة كنت إلى المنزل بعد أسبوع عمل لقضاء العطلـة؛ فاجأتني جدتي بالآتي:

-في جماعة من العيلة الفلانيّة حكوا؛ (هذا هو أسلوبها في وصف الخطاب حيث دائما تصفهم بالجماعة؛ الجماعة إجو؛ الجماعة حكوا وهكـذا) ؛ مش هاظول من البلد الفلانيـه؟ (قرية من قرى إربد)

-خير؛ مين حكى؟ شو بدهم إن شالله؟!! (هاي أنا قرفانه حالي طبعا!!!)

-والله المرة اتصلت-الحماة المستقبليّة على أساس ما سيكون- وبتحكي لي يا حاجة؛ أنا إلي بنت مجوّزة؛ مرت من بلدكو؛ لمّا مرّت؛ اتذكرت بنتكو-هاي أنا طبعا- مرّة كاينة طالعة معها في باص حجازي؛ بعدها متذكره إسمها وإسم بلدكو- طبعا طبعي الاجتماعي الزّفت اللي حرّمته بعدين هو اللي حطني بهالورطة-المهم بتقولي يـمّه هاي البنت كثير حبيتها؛ شو رايك تروحي تشوفيها لأخوي؟

-يا سلام !!! وبعدين؟

-ولا شي؛ بتقولي يا حجة؛ ظلّينا نسأل ونتطقس بالبلد تا عرفنا عنوانكو وبيتكو؛ وبدنا نيجي نزوركوا!!! – حطوا باعتبارك أنو أنا كنت شايفة الأخت المحترمة من شي 2 أو 3 سنين قبل هالحكي؛ بس أنا تذكرتها مباشرة؛ كنت يومها مروحه من عمان وهي كانت بتتدرب للأمن؛ وحكينا!!)

-أها يا عيني؟ وشو بيشتغل المسعد؟؟ (المسعد هو عريس الغفلة طبعا)

-والله بتقول أنه مهندس زي حالاتك ومعاه ماجستير؛ وبيشتغل مدرّس بكلية بالسعودية؛ وكأنو أكبر منك بسنه!!! (طبعا بالعادة يتضح في معظم الحالات إنو الحجة فاهمة غلط؛ الواقع هي كثير ذكية بس للأسف؛ دايمن في هيك مواضيع بتسقط منها المعلومات سهوا مش عارفه ليش؟!!)

-طيب إذا اتصلت فيكي كمان مرّة؛ قوليلها تنسى الموضوع؛ أنا ما بدي!!!

بصراحة لا أذكر لماذا رفضت الزيارة؛ أعتقد بأن الأسلوب ما كان "خاشّ" براسي!!! لا لا تذكرت السبب الآن؛ لأن العريس كان مسافرا؛ وأنا رافضة لمبدأ أن لا يكون العريس متواجدا؛ تراكمت لدي الخبرات فكنت متأكدة من أن العريس أهم عنصر؛ هو الذي يستطيع أن يقدر ما يناسبه دونا عن الآخرين؛ هناك سبب فرعي آخر ولكنه مهم جدا؛ الفلاحون بصراحة قوم لا تحبين عزيزتي العروس العبث معهم؛ هم لحوحون ولجوجون إلى أقصى حد-في معظمهم!!! إذا –أعجبتهم لا سمح الله- و صمّموا عليك فقد صّمموا –بيصيروا بدهم يشيلوا في نفس القعده-ولينقذك الرّب وحده!!!

لذا أظن أن آخر عبارة في الحوار السابق تحولّت للآتي:

-طيب إذا اتصلت فيكي كمان مره؛ إحكيلها بس يجي ابنها بخير وسلامة؛ بتبقى ترجع إن شالله

-طيب شوفيها؟ ما هي عادة الناس؟ الأهل بيجوا بالأول بعدين الولد (العريس عند جدتي دائما هو ولد؛ والعروس هي البنت)

-يا حجة هو بالله تفكي عني!!! أنا فاضيلتهم هاظول؟ لسا بدها تيجي وتعاين وتقرر؟ شو يعني بدو يكون ابنها هالشغلة الكبيرة؟ خلاص احكيلهم زي ما حكيت لك

هنا تدخل أخي-والذي سيلعب دورا فيما بعد في الأحداث:

-وبعدين معك بهالطبع؟ ليش ما تشوفيهم يعني؟ إنتي أحسن يعني؟ كل مرة بتنكسّي (من التنكيس وليس التكنيس) ابن الناس قبل ما يجي!!

-يا عمي أنا ما بدي!!! خلاص احكيلهم يحلّو!!!

وصارت طوشه عالخفيف كالعـادة!!!

اتصلت المرأة في نفس اليوم؛ وردت عليها الحجة بجوابي؛ طبعا بدأت عادة "الإلحاح المقيتة"؛ طيب ليش؟ طيب والله أني – المرادف الرّبداوي لكلمة أنا –حبيتكو من غير ما أشوفكو؛ وبنتي مدحت في بنتكو كثير؛ طيب زيارة صغيرة الله يكرمك يا حجة!!

كان هذا التلفون الثاني؛ ثم اتصلت مرة ثالثة في ذات نهاية الأسبوع-كان يوم سبت على ما أظن- وصارت تستعطف وهي غاضبة:

-يعني يا حجة احسبيني بدي أزورك؛ بتكحشيني (تطرديني) يعني يا حجة من على باب دارك؟!!

يا سلام!!! ابتزاز عاطفي للحجّة من الآخــــر!!! هنا عرفت أنها قد أصابت الهدف في مقتل!!!

تحت إلحاح الحجّة وكرمالها؛ اضطررت للموافقة على مضض؛ ووعدني أخي أنه سيكون متواجدا ليغطّي غياب عمّي-عمي هو الحاضر دائما في هكذا مواقف كان الله في عونه!!!

نسيت أن أذكر أن موضوع ابنها المهندز (المهندس) -لم يدخل برأسي- بحساب فرق السنوات حينها لا يكون ابنها قد أكمل سنتي الماجستير ومن ثم مرّ على وجوده في السعودية عام!!! –مش راكبة يا عمّي!!!

المهم؛ جـاء اليوم الموعود!!! كنت في قمة النكـد والقرف؛ ارتديت طقما رسميا؛ ومن ثم جلست أنتظر تشريفهم؛ بكيت قليلا أيضا من باب التنفيس؛ حتى أن أخي صدم بمنظري وأخذ يخفف عني!!!

ثم؛ وصـلوا أخيرا!!!

كالعادة التسليمات وخلافه؛ ومحاولة استقصاء القادمين؛ العدد وماهية الأفراد بالضبط؛ في هكذا مواقف دائما ما أتأخر؛ ولا أتعجل الدخول؛ الواقع أنني لا أرغب به أصلا ولكن ما باليد حيلـة!! مكره لا بطل يعني!!!

ودخلت!! أول ما طالعني هو وجه الأب- صدمت للوهلة الأولى- ومن ثم جاءت الأم؛ ومن ثم....

فتى صغير يناهز العشر سنوات!!! شو بيسوّي هاظ هون؟ الأخ متربع جنب الوالد !!! ياهملالي!!! كمان ابنهم جاي ينقد (من النقد) معاهم؟!! هاي أنا بحالي طبعا!!

لن أفيض في وصف دخولي – بكشرة عظمى- حاول أخي أن يخفف منها بأسلوبه اللطيف؛ سحبت كرسيا وجلست عليه؛ فيما كانت الحماة المستقبلية تنظر مذهولة ومنبهرة في آن معا!!! نسيت أن أذكر أنه من الواضح أن أفراد العائلة قصار القـامة؛ ولكن الأم تبدو صغيرة في السن؛ مفرهدة (يعني عايشه سنها) ولا تخلو من مسحة جمال

بدأت الاستفسارات؛ قديه عمرك؟ شو بتدرسي؟ شو بتشتغلي؟ كيف الدراسة؟ الماستر والله صعب؛ والله جربناه مع ابننا- العريس طبعا- طيب ليش رسالة؟ ليش مش شامل؟ هذا السؤال يوجه إلي معظم الوقت ؛ وكانت هناك محاولات سابقة لإثنائي عن الموضوع كاملا-موضوع الدراسة- من باب الترييح طبعا!!

اتضح من الحوار؛ أن العريس مش مهندس؛ بل دارس للغة الانجليزية ويدرس في كلية هندسية في السعودية-بحكي بحالي:هيك صح؛ هيك ركبت؛ الوالد كان مدير مدرسة سابق؛ والوالدة فيما يبدو غير متعلمة

وبدأ الوالد في احتكار الجلسة فيما ابنه الصغير يمرجح نفسه على الأثاث جيئة وذهابا؛ ويقوم بحركات بهلوانية!!! وأنا أراقبه بطرف عيني مستهجنة وأغالب نفسي بأن لا أنفجر ضاحكة بصوت عال!!!!

لن أتحدث عن فخره اللامحدود بأبنائه الدارسين؛ وابنته التي انتسبت للأمن-واسطة الخير طبعا- له ابن درس التاريخ ومن ثم أجبره والده على تحويل الدراسة-لأنو الانجليزي فيش أحسن منو عمّو-صار يتحدث عن ابنه الكبير؛ الذي حصل على بعثة من أمريكا لدراسة الدكتوراة:

-يعني أني عمّو؛ كان ابني بالسعودية-الكلام موجه لشقيقي- اتصلو بيّو ( فيه) الجامعة؛ السكرتيرة بتسأل: وين فلان لو سمحت؟ قولتلها: أنا فلان!!-يعني باختصار انتحل شخصية العريس!!- طيب بدنا ياك تراجعنا أوراق بعثتك جاهزه؛ قولتلها :حاظر!! اتصلت بإبني؛ ودالي (بعثلي) الأوراق على الايميل؛ وديتهم ووقعت عنه ومشي الحال!! لكان عمو تروح عليه البعثة يعني؟

تحدث عن بيته الذي بناه على شارعين؛ عن أولاده المتعلمين جميعا؛ سرد قصصا كثيرة عن حرصه وشطارته؛ تؤيده في ذاك زوجته طبعا؛ كان من الواضح أنهم من النوع المتحكم جدا في أولاده؛ وأن لا شيء يمر من دون علمهما وشورهما؛ لازم يكونوا على راس كل شي طبعا!!!

هنا بدأ أخي بالتدخل؛ صارت حربا كلامية على الخفيف؛ أخذ يفاخر بعائلتنا المتعلمة وبأشقائي وأعمامي وأخوالي المتعلمين تعليما عاليا؛ منهم المهندس ومنهم الطبيب ومنهم دكتور الجامعة؛ حتى خنس الرجل وبدأ بالاستكانة-لأن تخصصات أولاده كانت أدبية ولا يعدو أكثرهم نجاحا أن يكون معلّما؛ طبعا الحجة كان لها دور بالحديث كالعادة ولكن دورها كان كالعادة لطيفا وملطّفا-أطال الله في عمرها!!

ثم تطرقت الحماة إلى موضوع أن ابنها قادم من السفر في إجازة الصيف؛ لاستكمال اجراءات البعثة والزواج ومن ثم السفر؛ كل هذا في شهر واحد فقط؛ وسألتني السؤال القوي المهم:

-من هون للصيف بتكوني مخلّصـة؟

-بصراحة يا خالتو ما أظن بتوقع أني مطوّله كثير-بحكي بيني وبين حالي : كثيييييير على ما قد تقدري-!!

-طيب ما في مجال تحولي شامل؟

-ايش بدي فيه؟ أنا بدي رسالة تنفعني لقدام!!

-طيب ما هو ابني-العريس- ما شالله عليـه كان أول دفعته؛ لما كمّل الماجستير قالي يمّـه؛ الدكاتره كثير بيغلبّو؛ أني أوخذ شامل أحسنلي!!

الأب مؤمنـا على كلامهـا: صحيح عمّو

-والله يا خالتو الحمدلله دكاترتي مناح وأنا مش ناوية أغير خلاص (سياسة قطع الطريق بالعربي)؛ وأنا مقتنعة أني أعمل اللي بيخليني أحسن مش يرجعني لورا!!

-آه صحيح

هنا؛يأتي دور الاختبارات الذكية:

الأم: طيب هو بالله ناوليني كاس مية!!

قمت من كرسيي؛ صببت الماء وناولتها إيّاه؛ فيما هي تنظر إلي بتمعن من تحت لفوق؛ وأنا أقول لنفسي: أيواااااا!!! اختبار الطول هسه؛ لازم عن كثب!!

الأب: وأنا كمان لو سمحتي عمّو!!! (طبعا هسه دوره هو كمان؛ بس هسه اختبار المشية والالتفاف على جنب)!!!

وإلى هنا؛ انتهت الزيارة؛ وبدأت كلمات من قبيل: انبسطنا بشوفتكم؛ والله يا حجة مش عارفه شو؛ والله هالأمورة-جلالتي طبعا- ما في منها؛ قبلتني المرأة مودعة؛ ورفضت السلام على الأب في أدب –لأني لا أصافح الرجال؛ وخرجت جدتي لتوديعهم يرافقها شقيقي؛ المرأة وهي خارجة ترتدي ثوبا أحمر اللون تحت دشداشها الأخضر الزيتي ( يا حبيبي شفتشي كمان!!!)؛ ولم تنته القصة هنا!!

خرجت جدتي؛ لتجد الصبي الصغير الذي نسيناه من قصتنا؛ وقد تسلّق الدالية – شجرة العنب-الموجودة في الباحة إلى أعلى؛ وصارت الحجة تنادي عليه: انزل يا حبيبي؛ انزل لا توقع!! الله يخليك انزل؛ والأخ مرابط فوق!!

بالأخير بعد إلحاح قصير من والده: إنزل يابا؛ انزل؛ هبط إلى الأرض أخيرا؛ ناولته جدتي دينارا ورقيا كمجاملة منها؛ أخذه في فرح دون حياء كاذب؛ وبعد إصرار من الوالد أنه لا داعي لهذا ولكن صار الدينار في قبضته ملفوفا بإحكام!!

ركبوا سيّارتهم والله يسهل عليهم!! بمجرد أن اختفوا عن الأنظار؛ انفجرنا جميعا في الضحك دون توقف؛ علّق أخي بقوله أنه لم يكن مدركـا أن –عيشة البنات هالقد صعبة-!!؛ الحمدلله اللي خلقني شب!!!؛ أما جدتي فعلقّت على ابنهم الصغير بقولها: حتى قريد العش جايبينه معاهم!! (كناية فلاحية عن الأولاد الصّغار)؛ تحدث أخي عن بساطتهم الواضحة وعن كون أولادهم جل اهتماماتهم في الحياة؛ ثم تحدث عن حركته الدفاعية التنكيسية تجاه الوالد المتفاخر وكيف وجد نفسه مجبرا عليها

بعد هذه القصة؛ توقفت تماما عن التحدث إلى الناس في أي باص؛ وصرت أكتفي بالنظر من النافذة حتى أقطع على مرافقي المجال للحديث؛ وذلك حتى لا يتكرر هذا الموقف الذي جلبته بنت الجماعة اللي بتشتغل بالأمن مرة أخرى

عدت إلى غرفتي؛ اتصلت بخالتي ونقلت لها ما دار وهي تضحك بشدة؛ خالتي الأخرى من خلفها تتساءل عن التفاصيل؛ أنهيت المكالمة وهي تقول لها: تعاااااالي أحكيلك هون؛ إشي من الآخر!!!

طبعا حدث ما توقعته؛ ولم تتصل الأم مجددا؛ وحمدت الله على ذلك؛ الغريب أني في صيف ذلك العام؛ قابلت صديقتي التي تكبرني بعام؛ ودرست نفس تخصص العريس؛ سألتها عن العريس فتذكرته؛ ثم تذكرته أنا أيضا على الفور!! أمضيت سنتين وأنا أراه معاه في محاضرتهم؛ وأسمعه وهو يتكلم وما كان يحيرني دائما فيه-مع أني أشهد والشهادة لله بأنه كان شابا محترما وخجولا جدا-التأتأة الواضحة في كلامه؛ وتلعثمه في الحديث!! وكان غالبا ما يرتدي قميص ليموني أو قرميدي اللون!!! وهـذا ما كان!! لم أستطع أن أتخيل-وأنا المتحدثة بشهادة الجميع-أن ارتبط بهكذا شخصية!!

أرجو يا صبايا ويا أمجد؛ أن تكون القصة قد أعجبتكم؛ وأقسم بالله العظيم أن الوقائع حقيقية مئة بالمئة!!-على الرغم من أن تفاصيل كثيرة قد ضاعت من ذاكرتي بفعل الزمن وبفعل ذاكرتي التي لا تعمل جيدا مؤخرا؛ ولكن هذه هي التفاصيل الرئيسية كما أتذكر؛ كما وأهدي القصة إلى رزان –شريكتنا في الكفاح- لأنها قد ذكرت أنها تستقبل أهالي العرسان المسافرين هي أيضا؛ يعني مثلي في المعاناة

لن أعلق أكثر من ذلك؛ القصة شارحه حالها؛ والباقي عليكم طبعا!!! ولكن سأقتبس من ويسبر تعبير "قصة من وحل الواقع"؛ الاستفسارات في التعليقـات لمن رغب في الاستزادة

القصـة القادمـة: أبو زنّوبـة!!!

هناك 95 تعليقًا:

maroo يقول...

هاهاهاهاهاهاها :)
يعني يمكن تفوتي الجنة من وراي قد ما ضحكت من قلبي ....
مش طبيعية القصة و مش طبيعي الوصف المدمر هاهاهاهاهاها :) و احلى لقطة بالموضوع الفستان الأحمر تحت التوب الزيتي :) وحداتية الأخت هاهاهاهاهاها :)
بس ولك ما كنت اعرف انو لما تطلب ام العريس اجبلها شي بكون هاد اختبار طول و التفاف !!! عنجد انك نبهتيني .. فرصة كمان تشرحيلي عن الاختبارات التانية بتكسبي في اجر :)
انشالله نشوفك احلى عروس قريبا جداااااااا

Unknown يقول...

maroo

اضحكي ياختي شو عليه؟ والله أنا كل ما أتذكرها أنا وخالتي بنضحك من قلبنا:) إشي تحشيش من الآخر جد

والله يا مارو انتبهي؛ مش ضروري تطلب إشي منك بصراحه؛ بس إذا انتبهتي بتكون الأم دايمن منتبهه عليكي كيف بتتحركي وكيف بتعملي وهيك

في اختبارات عالطريق ان شالله؛ وما بصير عروس شكله إلا روحي طالعة من هالشوفات اللي بشوفها!!! بعين الله شو بدنا نعمل؟

هلا عيني هلا

someone in life يقول...

الحمد لله ان ابني وسيم و مش بيتأتأ و دولابه مليان ملابس جميله و متربي علي الغالي في مدارس اجنبيه و لا كان تحت ميكروسكوب بنات اليوم

علي ايامنا كان الراجل بكلمته و مسئوليته مش بشكله و لا بشكل امه اللي مش عاجبه و اللي تلاقي ظهرها انكسر من خدمه اولادها و الزوج اللي بمرتبه البسيط قدر يعلم اولادة

انتم ضحكتم من القلب علي اسرة متوسطه الحال ايه الحال لو الاسرة حالها اعلي و كانت التريقه عليكم انتم ؟

البنت في الزمن دة مع ارتفاع نسبه تعليمها بقت فوووق قوي علشان كدة العنوسه بتزيد

و مالهم بتوع اداب يا ست مياسي هههه و الله ساعات بيفهموا احسن من بتوع علمي اللي بيبقوا طوب

كفايه تريقه علي الخلق خلينا نفرح فيكي

تحياتي

حياة تستحق الانقاذ يقول...

حقاً حقاً ضحكتيني من كل قلبي
فواقعتك تكررت كثيراً معي ولأن الارزاق تتأجل لحكمة من خالقها قررت آخدها من قصيرها ولميت غراضي وصرت انا مغتربة خارج الوطن لغايات التدريب والاستزادة وصار اهل العريس لما يتصلوا "بدنا نيجي نتعرف وابنا جاي عالصيف " يردوا اهلي" وبنتنا كمان جاي عالصيف" هههههههه في أحلى من هيك حل ؟؟؟؟؟


دمتي بخير حبيبتي وبوست كتير حلو وواقعي :)

Unknown يقول...

someone in life

معاكي ألف حق؛ فعلا لو كانت التريقه علينا ما كانش حيعجبنا أكيد!!!

كل الأمهات يا عزيزتي تعبوا وربوا؛ المشكله انو كل واحد بيفكر حاله الوحيد اللي تعب وشقي وبس!! كمان أم العريس بتيجي فرحانه فيه ومش شايفه غيره وبس؛ وبيكونوا أهل العريس مش شايفينك أصلا؛ يعني بدك توافقي مباشره على ابنهم من غير تردد وانتي كبنت ما إلك قيمة ولا رأي

بعدين الأب فخور بحالو ومالو؟ بس مش لدرجة أنو الجلسه صارت بس محصورة عليه وهو بس اللي بيفهم!!! أنا حكيت أنه هم بسيطين وأخوي كمان علق أن الناس البسيطه بيكونوا في معظم الأحيان أحسن من كتير ناس مستوى

بالنسبة للتخصصات الأدبيه يا وحده أحب أحكيلك اشي: ابوي وعمي مدرسين مادة أدبية ووالدتي كذلك؛ وعمي الدكتور عمل قبل ذلك محاسبا

واحنا مش أولاد فرير؛ احنا عيلة برضه كافحت وتعبت في حياتها وما كانتش حياتنا سهلة؛ أبوي بنى حاله من الصفر وأعمامي كمان؛ أنا بس اعتراضي عالأسلوب؛ وزي ماحكيت لك: كل الناس تعبوا و ربّوا؟ ولا انتي شو رأيك؟

ما علينا؛ الله يخليك عمر ويكبره وتفرحي فيه؛ وانا متأكده انو شب ممتاز من غير ما أشوفو

القصد مش التريقة؛ القصد أنها أحداث بتصير معاكي فبتحكيها؛ هون العبره ويا ما مر على هالراس؛ بعدين في ناس بشغلات الخطبه جد بيزيدوها!!! الحلقات القادمه ان شالله بكتب أكتر وبتشوفي قصدي

جمعة سعيدة

Unknown يقول...

أم الميييس!!!

يا بنتي وينك مختفية؟ جد زمان عنك!!
هلأ انتي بره البلد؟ والله أهلك فري اللي عم بيجاوبوا هالجواب؛ شو رأيك تلتقي انتي والعريس بالمطار مش أحسن؟ بس جد جواب أهلك ضحكني حل من الآخـر:)

هلا فيكي والله

Whisper يقول...

ههههههههه
القصه كلها تحشيش بس في مواقف جد نهفه
يعني انه طلع دارس انجليزي هاي دايما بتصير ما بعرف ليش عالتلفون بكون التخصص والعمر مش صح ؟؟؟
يعني ليش بنسأل عن هالمواضيع عالتلفون, علشان لا نغلبكم ولا نغلب حالنا.
و الشفتشي هاي من الاخر.

ولمروه بحكيلها في كمان طلب زياده السكر عالشاي هاي نوع من الاختبار كمان...روحي وتعالي و قربي , بس على مين كله مكشوف :)

يلااا بدنا كمان قصص ميسوو
خللي البنات والشباب يستفيدو

Unknown يقول...

Whisper

شفتي بالله؟ هاي عينه من عينات تجاربي الروعه:)

معظم المرات على التلفون فعلا بتكون المعلومات مغلوطه؛ وأحب أحكيلك كمان إنو الشب كمان أصغر من عمره الحقيقي مش عارفه ليه؟
دايمن بحكي لخالتي أنو الأمهات عندهم ميل يصغروا أولادهم مهما كبروا-أكبر مثال جدتي؛ بعدين الناس بدها تيجي شو ما كان بلكي صار نصيب؛ بتعرفي انتي هاد المبدأ الماشي في البلد:)

اختبار السكر هاد جديد؛ المره الجاي بدير بالي منه منيح

انتظرونا في الحلقات القادمه:)

77Math. يقول...

ههههههههههههههههههههههههههه

على قد ما بحزن على حال البنات، على رأي أخوكِ " قديش وضع البنات صعب!" على قد ما بتضحكني المواقف اللي بتحصل..

لأ احنا ما في عنّا هالحكي في مصر، مفيش الـ "زنّ" دا ع الزيارة والمعاينة، أو يمكن بحكي عن حالي، في المرات القلائل اللي حصل فيها شيء مماثل، كان المحروس يسأل أبي، وأبي يسألني فأخبره أن: "مشكور سعيكم".. وينتهي الأمر دون عذاب..

في الشام فعلا الأمر أصعب على الفتيات، كان الله في عونك :D


بانتظار مغامراتك، وتعرفي شو، الماستر أنقذك، لولاه كان سحبوكِ معهم للبيت، عشان يضمنوا الولاء :))

عليكِ بالدكتوراة بعده..:D


تحياتي

blue-wave يقول...

ههههههههههههههه
عمرى ماقتنعت بجواز الصالونات دا ابدا
يعنى ايه تروح تتفرج على واحدة؟
وعلى اى اساس هاتختارها؟؟
يلا
بوست هايل بجد

محمد العمري يقول...

اذا كل عريس بدها جدتك تحط بأيد اخوه ليره ..خسرانه الشغلة يا مياسي..!

sozan يقول...

مرحيا ميسو :)
ذكرتيني بالذي مضى الحمدلله خلصت من هالغلبه يا عم بس والله انهم محترمين اللي أخذوا اذن في ناس وحياتك ولا اذن ولا ما يحزنون ع العموم وعلى قولة حبيبي والدي خلي الزيتون في جراره كان هاد رده لكل واحد بده يجبرني على شغله
بس جد ضحكت من كل قلبي على فكره ليش ما نعمل بلوج للصبايا يحكوا فيه عن تجاربهم في سوق الزواج حتى يتعلموا هالناس

Moon^light يقول...

:)
7aseet 7ali 3am ba7dar mosalsal soori :D

honestly I have never been in a such a situation , yala el wa7ad bet3alam menek ya Mayasi

can't wait for the next episode

حياة تستحق الانقاذ يقول...

مياسي ... البوست بضحك كل حد بيقرأه ولكن نحنا بوقتها وللأسف لسا ما طلعنا من "وقتها" بنكون بنمر بكل انواع التوتر العالمي

قرار السفر جاء كتنفيس وتغيير وخروج عن قصة "العرض والطلب" اللي يتم تقييم البنت من خلال اسس لا تنتمي لاي مرجعية جوهرية التقييم

أهلي "فري" يمكن اه كرمال دلولتهم ووحيدتهم والسبب الاهم انه الموضوع سببلي ضغوط نفسية واجتماعية كبيرة

انقطعت شوي عن كل شي اعتدت عليه ولسا ما رجعت لأرض عمان كرمال اكمل "الحرب" ولكن بعرف اني لما رح ارجع ان شاء الله رح اكون بمنطق وادراك مختلف لكل شي

طولت عليكي يا قمري

Qwaider قويدر يقول...

ها هاهاها ... تحشييييش
ذكّرتيني بأيّام ما كانو اهلي يغصبوني ارح "اشوف بنات الناس" ... لحد ما هلكت من الضحك على البلاوي اللي مرّت علي...
على فكرة .. الشباب كمان بياكلو هوا من تحت راس هي القصة.. فـأرحموا من في الأرض..
مرّات ممكن الشاب يكوم روعة، فخّلي عينك مفتوحة ليروح عليكي سعيدان!
او اعملي زيي تزّوجي عن حب (و عقل).. بعد ما طلّقت فكرة الزواج التقليدي بالتلاته..
يا جماعة، و خصوصا المتعلمين منّا.. ما بيصير نضل نحاول نلاقي شريك حياتنا بهاي الطريقة. خلص. ما بيصير!

غير معرف يقول...

Awwal shee, am so happy that you stood your ground. You have to finish your education first,It is your ticket to freedom and better life w inshallah allah yeb3atlek a7la 3areess bel denia..

I don't know, am undecided about arranged marriages and i mean no disrespect to our traditions and habits but am afraid that the two involved usually know very little about each other and they are tied in this partnership and they are suppose to make it work!! Sometimes the two are perfect for each other but there is no chemistry..then trouble ..we are humans the heart has to play a role here, don't you think ? and again it is all moukadar w maktoob......yalla, allah yeb3atlek el kheir 7abibti

blackcairorose يقول...

مياسي

واقعة مسلية للقراءة والتأمل

صعب أن تفصلي هذه الاجيال من الأباء والامهات الريفيين عن تقاليدهم ومنطقهم والحياة كما يروها وعاشوها، نواياهم طيبة بالعمل على استقرار الابن الذي هو مغترب في ظل ظروف لا يرى فيها بنات من بلده في غربته

هذا لم يلفت لنتباهي او يثير في نفسي تساؤلات كثيرة، ولكن تعرفي ما هو أكثر ما لفت انتباهي فى التدوينة؟؟

تعليقك العابر بأنه وأنت المتحدثة صعب عليك التفكير في الارتباط بشخص يتلعثم في الحديث، وافهم تماما هذا الشعور من ناحيتك، فكلنا تكون لنا مواصفات او أحلام أو معايير للشريك، ولكن ما أنا على اقتناع مائة بالمائة به الآن وبعد خبرة لا بأس بها في الحياة وأيضا في الزواج، أن نجاح الحياة الزوجية أو فشلها ليس له علاقة بالكثير من مقاييسنا أو مواصفاتنا أو أحلامنا

ولا أعني هنا بالنجاح مجرد الاستمرار، ولكني أعني الاستمرار مع الشعور بالرغبة في الاستمرار وأن هذه الحياة الزوجية تمنحنا سعادة دون أن ننفي وجود مشاكل وعقبات واختلافات تظهر أحيانا

لا اقصد بهذا الحديث ضرورة التنازل عن معاييرنا ولكن فقط محاولة الادراك أن هذه المعايير قشور قشور والله، وفقط تبدو مهمة لأننا لا نعرف الشخص الذي أمامنا ولذا ننظر للظاهر، ولكن بعد الزواج لا تصبح هذه القشور محل اى اعتبار لأننا نتعايش مع الواقع اليومي الذي يعتمد على الشخصية بالاساس

دروس الايام لا نتعلمها بالساهل يا مياسي وخصوصا فيما يتعلق بالزواج الذي هو شراكة بجد صعبة ويجب ان نكون قدها لنستطيع انجاحها

لو كانت لدي الخبرة التي لدي الآن ربما ما كنت لاقع في الاخطاء التى وقعت بها في الماضي

ودمتي

وان شاء الله نفرح بيكي قريب

Unknown يقول...

77Math

والله الزن شغله عاديه مع إنو أنا بكون بس بدي أخلص

بعدين صعب تحكي لأ هون عنا؛ من غير ما يجوا الناس طبعا؛ السبب بسيط إنو ما دامك بتحكي لأ؛ فأكيد في حد في بالك وانتي ما بدك تتزوجي عشانه وخدي عاد!!

معقولة فيش زن في مصر؟ أنا مش مصدقه يا بختكم!!!

الماستر هو المنقذ العظيم:)

blue-wave

والله زواج الصالونات هو اللي ماشي في البلد؛ شو برأيك الحل؟
مع هيك بنقدرش ننكر أنو في حالات زواج الصالونات نجح فيها وفي حالات لأ

على أي أساس بتروح؟ والله أساسيات عامة: العيله الشكل الأخلاق-الظاهريه طبعا لأنه مع الأيام بتبين أطباع تانيه- وبعدين بتشوف مبدأ الراحه من عدمه-إذا شفته طبعا

أهلين فيك

Unknown يقول...

محمد العمري

فعلا هاي هيك التجره خسرانه!! بس جدتي ما راح تحط بإيد كل ولد دينار لأنه هادول كانوا الوحيدين اللي جابوا ابنهم الصغير معهم!!!


سوزان

عادي أنا كمان في ناس كانوا ييجوا فجأه بس ما كنتش أرضى أطلع عليهم أصلا!!!
أنا الجيه بلا موعد كلها بموت منها أساسا!!
شو بدك يانا نعمل "عايزه أتجوز" بس نسخه أردنيه؟

Unknown يقول...

lunZi

No my dear, this is a jordanian version, all rights are reserved :D
Thank God u'd never been in such situation, for u would not like it at all!!!



مجموعة حياة

أنا معك بيكون الضغط العصبي فاق الحد؛ أنا شخصيا الموضوع عاملي أزمه لا توصف!! مش عارفه أحلها رغم الخبره اللي صارت عندي!!!

هلأ اللي بدك تحكيه انو انتي تركت البلد عشان تخلصي من هالقصه؟ يا بنتي معقول لهالدرجة الوضع أثر عليكي؟!!!

ممكن لما الواحد يطلع بيتغيّر فكره؛ بس فكرك المجتمع اللي بيكيل البنت بكونها بوكسة بندورة أو إذا هي بيضا أو عيونها ملونه بيتغير؟ والله أتوقع صعب شوي

تحياتي لأهلك اللي آثروكي على العريس؛ ولا طولتي ولا شي بالعكس استمعت بالتوضيح:)

محمد العمري يقول...

صباح الخير مرة ثانية يا مياسي..
باقراء بمقالك مرة ثانية بقول سياق مقالاتك خلال عام مضى بالفعل لا يشير انك من النوع التي تقبلين بهذه المسرحية الكوميديا..
!!
شاب جايببته امه ..يعني بالتأكيد حتى لو كان برادبت شكلا و عباس العقاد فكر ، بهل المسرحية على واحدة مثل مياسي بكون مرفـــــــوض شكلا ومضمونا..!
صح؟؟؟؟؟؟؟؟؟؟؟؟؟؟؟

Unknown يقول...

قويدر

أه بتخيل الشب ممكن يكون مرتبك ومضغوط عليه كمان-مرت علي هيك حالات يكون الشب جاي فيها عشان أمه تحل عنه- بس أكيد وضعه بيضل أخف من وضع البنت!!

والله قصة هالزواج صارت ممله جدا!! لا الشوفه سهله ولا الاختيار سهل بالمره!!

نصيحتك في مكانها بس اسمحلي أحكيلك انها ناقصه: انا بنت ما حد حيعطيني فرصه فيما انتا شب ومعك مجال تاتصير تمانين وتاخد بنت 15 سنه؛ احنا للأسف وقتنا قصير؛ يعني أنا عمري 27 سنه وبوسطنا صرت عم بحس حالي عنّست لدرجة انو عمتي هاديك المره بتحكي لي: لمتى بدك تظلي تتعجرفي؟
خلص خلي الواحد ساكت أحسن؛ شي بيملل!!

Unknown يقول...

Noura

well my dear i have to, i spent my effort and time on this study and i am not gonna waste it for someone eyes for i believe girl must have something for her own!!

about arranged marriage i do not know walla!! most of my realtives married this way, some were v happy while the others are surviving, i agree with u that 2 ppl could b decent and though they do not match, it happened with me and many ppl i know

I think the problem is not about the little view u have, coz there should b an engagement time that let u decide, it is just the ability to break if u felt like doing so!! though here in jordan we have a very hig rate in divorce before marraiage

it is naseeb (that is what they say) and u can think and decide well and ask God to help u in it:)

what more to do? hope u the best also my dear:D

Unknown يقول...

روزا

معك حق؛ كل واحد بيدور لإبنه على الأحسن أكيد

رأيك اللي ذكرتيه صحيح مئة بالمئة؛ بعد ما كتبت الجملة اللي ذكرتيها اكتشفت انه الجملة سخيفة ومالها معنى!! وبيني وبينك كنت بدي أمسحها اليوم الصبح قبل ما أقرأ تعليقك لأني حسيت إني كتبتها لأغراض كتابية-زيادة عدد أو يمكن حتى فلسفة زايدة- مش أكتر!!! يعني حتى لا أذكر أنه هيك كانت فكرتي بالأساس بهاداك الوقت!!!

فعلا المهم تستمري وإلا كيف بنفسر زيجات كثيرة ناجحه مع انه لو أخضعناها لمقاييس اللي بيصير وما بيصر لا تنجح!!

الواقع يا روزا انو حتى أنا لحد هلأ مش قادره أفصل شو بدي فعلا!! وصرت أحس أنها مشكله!! كلامك بقدره لأني بسمعه من ستات كبار ومتزوجات-عماتي وخالاتي- وهو تقريبا بيصب في نفس المكان!!!

الكبار بيضلو يحكوا لي انو التعامل والعشره هما المهمين؛ والتعاطف والاهتمام من شريكك كمان؛ والشكل وشغلات كتيره بتتعودي عليهم بعدين وبيبطلوا يهموكي اصلا؛ طبعا زي ما ذكرتي في معايير بنقدرش ننتازل عنها؛ بس شو هي فعلا هالمعايير؟ انا مش قادره عن حالي أحددهم!!!

يا عزيزتي الخبره اللي اكتسبتيها جاءت بفعل الزمن والتجربه؛ يعني انا كبنت في عمري بفكر بمعايير عمري؛ وانتي اكيد في عمري كنتي مثلي!!!

جد نصيحتك قدرتها جدا!!! على صفحات البلوج هون الواحد بيشوف أفكار وآراء مختلفة و أنا آراه شيئا جميلا جدا وبناء

Unknown يقول...

محمد العمري

يا سيّدي الفاضل
لا تسألني ببكيلك!!! أول شيء أنا كنت مؤمنه بالزواج التقليدي كمبدأ زواج بس صدق هسه عم براجع حالي بصواب الفكره!!

ثانيا طيب شو الخيار الثاني برأيك؟ لما أكون أنا بنت مش مصاحبة ولا مرتبطه بحد؛ كيف بدي أتجوز؟

أنا ذكرت في البوست انو كنت رافضة مبدأ المره خصوصا مع الزن الفظيع من جانبها؛ بس أنا ذكرت كمان هوشتي مع أخوي يعني هاي عينه بسيطه من اللي بيصير معي معظم المرات!!!

وبعدين يا محمّد؛ اذا حكيت للجيه بس لأ بفتح على حالي مية ألف باب ومليون سؤال!!!

يا محمد انتا مش غشيم؛ احنا الاثنين فلاحين وبتعرف البنت في بيئة فلاحين كيف بيكون وضعها وظرفها؛ أنا هسه بيعتبروني كبرت كثير أصلا!!! وخليني ساكته على هالصبح

صباح النـور يا محمّد!!!

محمد العمري يقول...

مساء الخير..
احكي لك موضوع اعنيه بكل معنى الكلمة ليس مجاملة ولا اطراء ولا معنويات..ابدا..
اليوم حتى ابناء الفلاحيين اصبحوا توجهات غير..عقدة العمر والفتاة الاصغر لم تعد موجودة بتاتا..و من يبحث عن فتاة متلعمة تحضر ماستر هندسة تمتلك هذا الثراء من الثقافة بالضرورة لا يعنيه اذا كانت من عمره او اقل ونادرا كا يتزوج الشباب اليوم دون الثلاثين..
انا تزوجت -من غرب النهر طبعا وليس من الربع- وما كان يعنيني فعلا هذا الامر..وغالبية الذين من الممكن ان يكونوا مقبولين من طرفك مثلا بالتأكيد من هذا النوع وحتى من الاصول القروبة..!
الوسيلة التي تسأليني عليها هي بفعل المعارف والتعارف وليس المصاحبه وهي التي يتزوج بها اكثر (اللبراليين!!!) من ابناء القرى..!
****
وهاي نكته مجانية الك فقط يا مياسي :
بقول ابوي نص اهل اربد تجوزوا عن طريق تجار البقر اللي كانوا يلفوا القرى واكثر وسطاء الخير يعني تجار البقر اللي جوزا الناس كانوا من هام وبيت يافا...!!!!!!!
***
مساؤك شاي (ناقع) جميل بنكهة الميرمية...!

حياة تستحق الانقاذ يقول...

عجبني تعليق قويدر وعجبني الحماسة اللي حمله معاه ،، ببساطة لأنه تجربته جد بتنفع تكون ب كتاب الف ليلة وليلة "ما شاء الله عليه وعلى ميوش " بس ازا وافقنا انه بكفي هالطريقة ...فرصة نسأل قويدر الخبير ونسأل حالنا قبله: شو الطريقة ؟؟؟؟

vagueraz يقول...

هاهاهااا ...
حلو ,,,
بنستنى الحلقة الجاي

Qwaider قويدر يقول...

الله يسامحك يا ميّاسي.. يعني انتي شايفتيني من اللي بيضى يتزوّج ام ال15؟ و لا ام ال 20.. ؟
مش انقاص في قدرهم بالطبع، لكن مراعاة لعدّة عوامل. اوّلها فرق السن و الوعي، و النضج، و الخبرة. و انا بصراحة، لست من انصار "القطّة المغمّضة" بل من انصار القطّة المفتحة اللي تستطيع حماية نفسها و بيتها و زوجها و على قدر المسؤولية العظيمة المقبلة عليها في الزواج
يعني باختصار، لم اسعى في يوم من الأيّام للزواج برجل طاولة من النوع الجميل، لأزيدها على صالوني. انّما بحتث على شريكة حقيقية.
قد تكون فرص الشباب افضل من البنات من ناحية واحدة هو ان الفتيات في بلادنا ،ما شاءلله عليهن، يتمتّعن بدرجات عالية في كل شيء. و هذا شيء نفخر به بالطبع. لكن هناك عوامل التوافق الروحي التي يجب مراعاتها حتى و ان توافرت كل الشروط الأخرى

امّا بالنسبة لقولك ان الوقت امامك محدود، فاسمحي لي ان اخالفك في الرأي، فكما قال الأقدمون "خلّي العسل في جراره، لحتّى تغلى اسعاره" فالعسل من السلع التي لا تفسد مع الزمن. و كذلك هي الزوجة الصالحة. فمن كان يلهث وراء هيفاء وهبي، سيظل يلهث طول عمره، لأنه -حتى و ان حصل عليها- لن تدوم "متعته" معها الا زمن قليل. امّا من كان يبحث عن شريكة حياته و رفيقة دربه و ام لأبنائه، فلا يهمّه ابدا مسألة العمر، هذه ناحية. امّا الناحية الأخرى و هي الأهم، فأنتي ادرى بمجتمعاتنا، و تعلمين ان فتاة غير متزوّجة في الثلاثين حظّها اوفر من مطلّقة في الثلاثين، و قد تكون نتيجة الزواج الفاشل اسوأ من ذلك. فعلى كل فتاة مقبلة على الزواج ان تتأنّى في اختيارها، و ان تقدم على التجربة بعد دراية كاملة و تأكّد ان من ستربط مصيرها بمصيره هو شخص مناسب كأب و زوج. قبل ان يكون عاشق و حبيب. و هناك طرق كثيرة لهذا. منها طريقة تعامله مع الناس و مع النساء بشكل خاص. قد يحتاج الى القليل من "التلميع" لكن على الفتاة ان تتعلم فن اكتشاف و استخراج الجواهر و تلميعها و صقلها.
امّا الطريقة التي سألت عنها الأخت حياة فهي بسيطة.
ان اعجبك شيء ماذا تفعلين؟ تشتريه ... صح؟
و ان اعجبك شخص ---- مناسب ---- و غير مرتبط، و ليست له علاقة اخرى في ذات الوقت. فما المانع تجعليه يُعجب بك. من دون ان تفرّط الفتاة في شيء من كرامتها. تستطيع، و احيانا بنظرة واحدة، ان تُبلّغ -سعيد الحظ- انه له فرصة معها، إن كان بالطبع يسعى لذات الشيء.
في الحقيقة انا من انصار عدم تقييد حرية الفتاة في اختياراتها، و خصوصا وهي تحاول فهم و دراسة الشخص. ستخطئ احيانا كثيرة، و قد تصيب. لكنّها كل ما تحتاجه هي ان تصيب مرّة واحدة فقط!

اعتذر على الإطالة/ هنا احدى مغامراتي مع الزواج العبيط

و زواج التخجيل

و حالة شبيهة بحالتك

و طبعا للمساعدة متطلّبات الشباب قبل الزواج

غير معرف يقول...

مسا الخير
انا مش مصدق قديش الصبايا كانوا يستنوا فرصة عشان يفضفضوا عن اللي في بالهم بهيك امور بس عرفوا كيف يعبروا عن اللي في بالهم بكل وضوح و شفافية و بينوا وين الغلط و وين الصح فكل الاحترام :)
انا مع قويدر بأنه كمان الشباب بشوفوا العجب من الاهل قبل العروس، بس انا بشوف انه فكرة الزواج التقليدي هي بس التعارف بين الرجل و المرأةو هل في توافق و انهم على نفس الموجة كبداية و بعدين لكل حادث حديث

قلب امراه يقول...

العزيزه مياسي
هي دي قصة العرسان الي كنتي بتكتبيها والله بيطلع منك حاجات تجنن بجد
ضحكت من كل قلبي وانا قاعده كده لحالي وبضحك وهات امسك نفسي بجد اسلوبك وكلماتك اكتر من رائعه
اتخيلت المشهد كاملا وكاني بحضر فيلم كوميدي واحلا شي حوار الجده وكلامها الي طالع من القلب ده وبهالبساطه
وكمان ايه يا ستي بعرفك زيي بتركبي بالباص او التاكسي وهات رغي برج الجوزاء او بتكتمي خالص زي ما عملتي اخيرا بس مش مهم اديكي بتتفرجي وتشوفي الناس وقصصهم بعدين انا الي زعلت عليه العريس هو فين لو كان موجود حيبقى موقف اخر ومن الاخر حنضحك للصبح معاكي
يا رب يبعتلك عريس كده من غير مقدمات تشوفيه هو مش اخته ويعجب بيكي
ونبقى نشوف بوست غير شكل
دمتي بحب
ويالله حنستنى باقي الاجزاء
باي يا قمر

سارة نجاتى يقول...

يا شيخة حاجة تجيب الشلل

متبقيش تقابليهم تانى طالما مش عايزه ( أ أهالى عرسان ) و لو حد ضغط عليك اعملى مجنونة زى ما سعاد حسنى عملت فى فيلم الزواج على الطريقة الحديثة

هههههههه

بس ايه هو أن ولاده تخصصات أدبية ولا يتعدى كون أحدهم أنه معلم ؟ مالهم التخصصات الأدبية مش عاجبينك ؟هههه

على فكرة أنا مدونتى بطلت تطلع ع الريدر تانى المدونة دى عليها عفريت يظهر

سلام يا مياسى

vagueraz يقول...

ممم .. بعد ما قرأت التعليقات ...
عجبني كتيير تعليق قويدر على موضوع الزواج و الإرتباط و إختيار شريك الحياة .. كلامه صح 100 % ,,,

أنا ضد إنه زي إلي عم بصير هاي الأيام ,,إنه خلال أسبوع كتب الكتاب لإتنين أول مرة بتقابلوا ,!!!!
التأني في الإختيار و القبول ,,
الزواج مش يوم أو يومين ,, الزواج حياة كاملة ... عمر بدك تقضيه مع إنسان .. و التفاهم أساس كل شي ,..
هلأ .. بالنسبة للطريقة التقليدية ,,,
أنا ضد إنه الأم و الإخوات يجو بالأول و يعاينوا العروس ,, ليه ما الشب يكون موجود و لو كان مسافر بس يرجع ,, شو هيي الشغلة حجز ,,, يلا بنشوف فلانه و فلانه و بنحط عينا على هاي و هاي !!! هادا شي بالنسبة لإلي مش صح ...
الكل لازم يكون موجود و بالأخص العريس ,,,
....
ما بعرف .. هاي المواضيع كتيير معقدة ,,,

صباااحك ورد :)

حياة تستحق الانقاذ يقول...

تعليق حلو يا قويدر وكلام عجبني الى حد ما ,, بس الموضوع أعمق من إنك تقرر توصل رسالة للطرف الاخر انك معجب فيه !!! الموضوع يتحمل "من أنت" وع شو عم بتدور؟ والبيئة اللي مزروع فيها؟
ويا ترى بينفع البنت اللي الدنيا كلها عم تركض وراها تقرر فجأة هية تركض ورى شريك حياتها ؟؟؟
أو حتى تبحث عنه؟؟؟
خلينا نكون عمليين شوي ونعترف ان المجتمع مهما اتطور وتقدمت اساليب الاتصال واستخدمنا احدث الآلات بنوصل عند موضوع بناء بيت الزوجية وبننصدم ان المجتمع ما تحرك ولا "سم" !!!؟
عم نعرض تجاربنا وافكارنا ولكن خلينا نبحث عن الحلول اللي ممكن نختصر من خلالها الطرق مش نزيدها تعقيد ونكون اكثر عملية مع مجتمعنا المتطور

واخيرا .. اسمي "ميساء":)
وبعرف اني رح اكل قتلة يا مياسي اني برغي كتير ... سامحيني

Che يقول...

ربنا يكرمك يا مياسى عشان خلتينى اضحك لاول مرة من يجى شهر من قلبى
بوستك جامد و وصفك للمقابله جميل
يمكن لو ربنا طول فى عمرى انشر مقابلتى سنيه فشخرة و جوزها سبع الرجال و ما جرى لما الشيطان ضحك عليا و قالى اتجوز يا واد يا عمرو .. يعنى ماجه يعمل خير كان هيورطنى فى مصيبه بس ربنا ستر
تحياتى ليكى يا قمر

Unknown يقول...

محمّـد العمري

المشكلة انو هذا الباحث لسا ما مرّ علي؛ يمكن تستغرب يا محمد أنا صرت أشك أنو أنا غلط أو مكاني غلط أو مش عارفه شو!!! جد الموضوع صار محيرني

ممكن حكيك صح؛ هو يمكن اللي حكيت عنه بيناسبني؛ بس تعرف وين المشكلة؟ انو الوسط اللي انتا فيه واللي بتقترح انو التعارف يكون عن طريقه وسط مش مناسب أصلا!!! يعني بدها الشغلة معجزه

بتعرف يا محمّد أنا صرت أحس الأشخاص المتنورين اللي بتحكي عنهم مش موجودين!! لأنه من اللي بشوفه بيكون الشب عين الله عليه متعلم ومثقف بعدين لما يجي يتجوز بيتجوز متعلمه صح بس مش مثقفه لا حتى بتناسبه بس عشان بتنفع تكون ست بيت!!! أو اذا بدك رأيي عشان يضل يعيش عيشة الضحية العمر كله

قصدك من النكته انو تجار البقر عرّفوا أهل المدن على بنات الفلاحين ؟ الله يبشرك بالخير يا محمد:)

صباح الخير مقدما؛ هذه الأيام نشرب الشاي بالنعناع -بيت الميرامية تاعنا خرب:)

Unknown يقول...

قويدر

يا سيدي العزيز أنا كان قصدي عن الرجال عموما مش عنك انتا شخصيا:) اوكي خلي العسل بجراره يا قويدر بس يا بيصح لبنت الثلاثين واحد أصغر منها -وهاي موضة مؤخرا على فكره وكتير صايره أشوفها- يا واحد مطلق يا أرمل!! في استثناءات طبعا بس مش كتير

والله يا قويدر الواحد من الشوفات اللي قدامه قرب يتعقد!!! يعني الزواج مؤسسة للستيره وبس وانجاب الأولاد؛ أو وسيلة الفتاة فيها بتحرر من 5000 سلطه وبتصير راسها براس جوزها بس

الناس عم بيتجوزوا عشان يختصروا وخلص؛ يعني بمبدأ اللي عليك عليك؛ والناس اللي بتفكر غير هيك قلة قليلة جدا إذا انوجدوا أصلا!!

بالنسبة لاقتراحك على مجموعة حياة اقتراح جميل في الحقيقة بس ما أظن أنو قابل للتطبيق كثير؛ لأنو كله بيوقع براس البنت تقريبا؛ كثرة المحاولات مثلا؛ إلى جانب انو الحكم على الشخص بيستلزم علاقة صحية إلى جانب كون الشخص المعني أساسا في دائرة الفكره-بلكي مالوش في السولافه كلها-وزي ما حكت مجموعة حياة المجتمع بعدو ماشي بمفاهيم مالها خص؛ أحكيلك ويمكن تستغرب أنا عن نفسي بشوف أمهات كتير حطوا حالهم مقابل خيارت ولادهم؛ يعني أنا بموت ولا بتاخد اللي بدك ياها؟ جد ليش ما كنت أفهم؟

Unknown يقول...

علّوه

شفت كيف؟ غيض من فيض يا محمد:) انا معك الزواج التقليدي هو فرصة تعارف وبعدين بنشوف؛ بس دير بالك انو الزواج عنا "نصراني" يعني مستحسن ما تحاول تغيّر رأيك؛ خصوصا البنت!! ليه انتو الشباب ما تكتبولنا عن تجاربكم؟ برضه بنستفيد منها


ريم

أيوه يا ستي هاي القصه؛ والحمدلله اللي ضحكتي:) العريس على جنب خليه رجاء لأني بعرفه طلعت بس حرام هو جد محترم!!
الله يسمع منك يا ريما بس مهم تكملي عالدعوه وتحكي نعجب الست الوالد كمان

هلا ريموز

Unknown يقول...

سارة

هو شلل وبس؟!! العصبي والضغط ومش عارفه شو كمان!! خليني ساكته أحسن

لا شو يا ساره؛ أكتر من هيك جنان؟

ياختي ما إحنا حكينا: التخصصات الأدبيه على عيني وراسي:) أصلا أنا كنت حروح تخصص أدبي بس مش عارفه شو اللي صار معي يلا خليها على ربنا

رحنا وشفنا مدونتك العزيزه؛ الريدر هاد شكله خلص بره الخدمه

هلا ساره

Unknown يقول...

رزان

يا هلا وين إتأخرتي؟

والله حكينا قبل هيك؛ قال الخطبه بتكفي؛ بس انتي تعرفي احنا عنا الخطبه مش للتعارف الخطبه عشان نخلص بسرعه اجراءات الزواج

بعدين يا رزان لازم الخوات والأم يحطو 5000 خيار عشان اللفلفه؛ أنا صارت معي الصيف الماضي قال وحده بدها تيجي وضايل على جية أهلي شهر؛ قلتلهم تعالوا عالصيف وبتشوفوا اهلي بالمره-هم ابنهم هون مش بره- قال شو بتحكي: "قال بدنا نشوف هلأ وبعدين بنقرر اذا بينفع نستنى للصيف أو لأ!!" يا حبيبي!!! المهم ضلوا يحكوا واجو أهلي وروحوا وهم لسه بدهم يجوا!! حكيت لحالي اريح اجت منهم شو هاد!! طبعا هاد كله لأنها بتفكر اني زي قريباتي بعيون ملونه وغيره؛ شو هاد وجع راس!!!

مهم العريس يجي لأنه بيختصر عليكي بسبب كونه صاحب الشأن؛ كمان في شغلة تانيه يا رزان: "الأهل لما يجوا وتعجبيهم كتير بيعطوا للشب توقعات عظيمه فلما يجي كمان مره بيخيب أمله واحتمال كبير ما يرجع؛ أو ما تكوني زي ما بده لأنه بصراحه اتضح لي انو نقد الستات مش دقيق بالنسبة لذوق الشباب؛ الشباب مفهومهم عن الجمال والشكل مختلف تماما" فأنا بفضّل الكسفه تكون بالأول وخلاص

الله يفرجها علينا ونخلص:)

Unknown يقول...

أم المييس

يسلم تمك:) حكيتيها زي ما بدي تمام؛ البيئه كتير مهمه؛ وزي ما حكيت لقويدر كيف الأهالي بيحاربوا خيار أولادهم باللي بدهم ياها وبتمضي الأم وقتها مش راضيه حتى لو صارت البنت كنتهم وعندها عر أولاد!!!

مجموعة حياة: انتي بترغي وبتحكي وبتقولي كل اللي بدك ياه؛ البلوج كله على حسابك ولا يهمك:)

Unknown يقول...

عمرو

الحمدلله اللي ضحكت!! هاي البوست مش طبيعي شكله!!!

طيب يا عمرو جد اكتبلنا؛ أنا حابه أشوف المواقف اللي بتصير مع الشباب وشو رأيهم بالموضوع؟
لا شو شيطان ما شيطان؟ ولا تتجوز ولا على بالك خليك هيك براسك أريح:)

محمد العمري يقول...

صباح الخير مرة ثالثة..
قصدت ان وسيلة التعارف كانت فقط عبر ( تجار البقر)..الذين يطوفون البلاد ،ويقولون فلان عنده بنت وفلان بده عروس.. هذا كان قبل الموبايل والستالايت والتشات والجامعات والكوفيشوبات..!
على كل انتظار شخص يليق بك -ولو طال - خير الف مرة من زواج اعتباطي الله اعلم الى اين يصل..

Unknown يقول...

محمد

صباح النـور

قصدك أنو التجار كانوا محل الخطّابات في أيامنا هاي:)

أنا هيك كمان بحكي؛ الوحده تستنى ولا تتزوج زواج هروب أو نخلص والسلام وتضل ندمانه العمر كله على خيار متسّرع
الله يقدم اللي فيه الخير

Anas يقول...

أحكيلك ما ضحكت بكون بضحك عليكي..
على الحالتين عم اضحك..
خلينا نحط اللهجه على جنب والاسلوب اللي تعودنا عليه, هاد غير الشرشحه اللي اكلوها الجماعه (والتنكيس) كلمه بعزها :)
انو الوضع بدو شوية مسايره وشوية تنازلات انا هيك بعرف, اما كبة بلا وزناخه بالاسلوب وشغلة انو راسي اكبر من راسك والتباهي وشوفونا واحسدونا , فعلا اسلوب زنخ واستفزازي,
رغم انك كنتي بالقصه بدور المغلوبه على امرها الا ان اسلوبك غطى على المسخره اللي صارت :)

anas يقول...

احزري كم مره قلت كلمة "اسلوب" واربحي جائزه p:

Qwaider قويدر يقول...

بس شوفي شو صار فيي علشان تحكمي (كمان من مغامراتي السابقة، الله لا يعيدها)

الله يوفّق الجميع، بس نصيحة من اخ لكل الأخوان و الأخوات، على مهلكم، خدوا وقتكم و راحتكم في الإختيار، لأنه مهما تأخّرتوا احسن مليون مرّة من الندم...

Unknown يقول...

أنس

بتعرف أني ما فهمت قصدك منيح؟ انت معي ولا ضدي؟!!

الأسلوب انحكت 4 مرات صح ولا لأ؟:)

هلا أنس

Unknown يقول...

قويدر

على فكرة أنا قرأت اللينكات تاعون المره الماضية وأكتر وحده عجبتني "بدي أجوزك يمه"

والقصه تاعت عريس والسلام جد نهفه:) على فكره لا تستغرب أنا كتير بسمعها اتجوزي واخلصي؛ بس في وحده بتقربلي بتضل تحكيلي من واقع تجربتها عمرك لا تتجوزي جيزة هروب!!

والله يستر علينا وعلى ولايانا:)

جد اهتمامك تشكر عليه يا قويدر

قلب امراه يقول...

ميسو
برافو عليكي واديكي حطمتي الرقم القياسي بالتعليقات تستاهلي كل خير انا عارفه الناس كده تحب اسلوبك الجميل والحلو في كتابة البوستات
بس ما بيتحمسوا لقراءة النقد السينمائي للافلام مع اني حبيت اسلوبك هناك اكتر
بيتهيالي يمكن لانهم ما بيعرفوا الفيلم او علشان اله علاقه بالهولوكوست
اجمالا اي شي بتكتبيه بالنسبه الي حلو وبيجنن كمان
دايما تكوني الافضل
ودمتي بحب

leeno يقول...

الحلو بالموضوع انهم بيجوا بيشوفو حالهم على الناس و بيبلشوا ضغط على اعصابهم

و بعدين بيطلعوا مش عاجبهم

اكتبي اكتبي انا مستمتعة بالقراءة :)

جد جد حياة البنت صعبة كتير

الله يوفقك بالماستر و فعلا الرسالة احسنلك

محمد العمري يقول...

مياسي ،،
صباح الخير،،
***
هيك مدونتك صارت منتدى ولست مجرد مدونة...!
***
اختي تسنيم الموجودة بامريكا كتبت تعليقا على مدونتي ان زميلة لها كانت هندسة بالتكنولوجيا والدها مغربي الاصل..
وتعتقد انه الشيخ ابو الحسنين..!
***
كنت ايضا اريد ان اسالك -كلمة مياسي - جميلة لكن ماذا تعني..؟

Amjad Wadi يقول...

مرحبا
أنا بدي أعلق قبل ما أقر| الومضوع

أولا هاي لازم الحلقة الأولى من الجزء الأول
:)

بعدين البوست طويل كثييييييييييير بس ما بهم لأنه أكيد موضوع شيق و واقعي مفيد

بعدين التعليقات ما شاء الله صار بدهم قعده مشان نقراهم

يعطيكي العاقية و شكرا على الاستجابة لطلب الجمهور :)

متابعة يقول...

و الله انك يا مياسي نهفة
عن جد
بس كتير حلوة تفاصيل الموضوع
الحلو انك دقيقة ملاحظة و هيك جد حلو اسلوبك
بنستنى منك قصة جديدة
بس جد التعليقات صارت بدها قعدة..........يا مهم انت
بالتوفيق

Amjad Wadi يقول...

مساء الخير

شكرا الك على ذكر اسمي و عمل دعاية مجانية :) خصوصا بهالبوست الي لاقى اعجاب كبير
اذا بدي أعلق على كيفي راح أكتب بوست جديد .. لذلك راح أحاول أختصر وجهة نظري

بحييك على الاسلوب المنفتح و الصريح بسرد الأحداث ... أولا انا بعرف انه هاي الزيارات بتولد بشكل تلقائي مواقف مضحكة .. خصوصا بعد ما تحصل بفترة ... لكن أنا ضد تحويل كل زيارة الى مناسبة لالتقاط المواقف المضحكة .. بالنسبة للي صار معك أنا لا الومك مطلقا .. و لكن بلوم الزائرين اللي حطوا حالهم بهيك موقف .. لأنه انت وصلتيلهم من بداية الموضوع انك رافضة الفكرة بشكل صريح و لكنهم أصروا ان تحدث الزيارة.. مع انك رافضة المبدأ أصلا: الأهل يزوروا و الشب مسافر ... و حتى لو كان موجود انت ما بتفضلي هاي الطريقة و هذا حقك

لكن بصراحة أحيانا بنات ببالغوا بردة فعلهم و طريقة التهكم على الموضوع و الحكم على أشياء سطحية للغاية: مثلا قرأت مرة عن بنت كاتبة بمنتدى انها ام الشب جايبة صورته و جاية تشوف البنت و عرضت عليا الصورة .. بتحكي البنت انها ماتت ضحك لما شافت الصورةو كتبت عن الموضوع باسهاب و بطريقة تهكمية .. مع انه لو سألتي أي بنت - بما فيه الأخت اللي بحكي عنها - راح تحكيلك انه أكثر اشي بهمها بالشب الأخلاق أو الدين او التعليم أو الشخصية أو .... لكن بالواقع بنات كثير بحكموا على أمور سطحية للغاية .. أو ما أهو أسوأ بتكون متخذة القرار مسبقا .. بس ما بتمانع انه يصير زيارة ..

طبعا أنا بكتب الكلام لأنه الموضوع تناقش بالتعليقات .. و بالتأكيد لا أعنيك انت او الي صار معك .. لأنك كنت واضحة من البداية و الجماعة أصروا يوخذوا فرصة .. فبستاهلوا .. و انت عرضت وجهة نظرك من موضوع المواقف المضحكة و أنا مكتفي و مقتنع به

بالمقابل أنا متأكد .. زي ما ذكرت انت و بعض الأخوات انه بيجي كثير شباب أو ببعثوا أهلهم يشوفوا بنت و هم عارفين مسبقا انهم ما بدهم .. و هذا موقف لا تحسد عليه البنت .. الله يكون بعونكوا .. و حتى لو كانوا الشب وأهله جديين و ما عجبتهم البنت .. غالبا بكون لأسباب سطحية .. و أنا متأكد انه شعور البنت بكون لا يوصف بهيك موقف .. و بصراحة أنا واجد من أهم الأسباب اللي بتخليني أرفض الأسلوب أنه مسئ لمشاعر البنت في حالة الرفض.

آسف على الاطالة مع خالص احترامي و تقديري لتجربتك

بانتظار الحلقة القادمة .. راجيا أن تكون بنفس الشفافية و الدقة

vagueraz يقول...

مياسي ... بنستنى الحلقة الجاي ,,
وين غايبة عنا ,,,

و أمجد ... برضو بنستنى البوست تبعك ...
مخبيتلك تعليق كبييير ..

Amjad Wadi يقول...

أهلا رزان ... علقيه هسا .. :) .. بس البوست مع راح يكون عن العرسان

على فكره أنا بحب لما حدا يعلق على التعليق :) خصوصا بمدونة حدا ثاني

vagueraz يقول...

أمجد ...
تعليقي ..هو :
موقف الشب بهيك مواقف قد ما يكون صعب مش قد موقف البنت ...
موقفنا أصعب ....
و عن إنه البنات لما تسألهم شو أهم صفات للشب مزبوط دينه و أخلاقه و تربايته و برضه شكلوا يكون مقبول ,,,و عمره ما كان إنه تورجي صورة للشب .....مرات يا أمجد صورة الشب بيكون فيها ملك جمال و بالحقيقة إنسان مو منيح بالمرة .. و بالعكس يمكن يكون شكله مقبول لكن شخصيه طاغية بمعنى يكون لبق بكلامه و محترم ,.,,, كمان ,, لهيك الأهل لازم يجوا دفعة و حدة و الشب معاهم .. صدقني في مرات بيجوا الأهل لحالهم و بيحكوا عن كل الأمور بالدنيا و بتخلص الزيارة و إسم العريس ما بتعرفه ::صارت معي ::!!!! لوول ..طيب ليه الإحراج ..من وين لوين بنعرفكم !!! صح ؟.
و كمان ما تنكر إنه الشباب المقياس الأول عندهم هو شكل البنت ,,,و لازم مش تكون مقبولة لازم تكون حلوة ,,,,
....

مممم ، هاي الأمور معقدة بحسها ,,,و خاصة هادا الزواج .. تبع زواج و السلام !!!! لأنه فش إشي هيك إسمه هاي حيااااااة .. عمر .. مش يوم أو يومين ,

:) ,,,حكيت كتيييير ,, لول ,,,

Amjad Wadi يقول...

أهلا رزان
أنا كمان حكيت انه موقف البنت كثير أصعب .. لأنه هيه اللي رح تتعرض لل - الفحص- الشامل .. مع اعتراضي على المصطلح بس هاذا الواقع

ما تنسي انه الجمال نسبي .. و انا بعتقد انه كل بنت فيها جمال .. بس المهم يكون فيه اعجاب بالشخص المقابل .. بعدين ما تنسي انه مستحيل تعرفي كل محاسن و مساوئ شخص من قعده أو ثنتين أو حتى من السؤال عنه

vagueraz يقول...

مزبوط .. قعدة أو تنتين ما بتبين مساوئ الشخص أو حسناته ....
..
أنا عارفة ,,, و متل ما حكيت الموضوع معقد ,,,,,

نهارك سعيد :)

صاحب المضيفة يقول...

الكبير كبير يا مياسي

:):):):):):)

جميل ان اخوكي عمل كده مع الراجل لانه في ناس بعلا تستحق كده واكتر

انا شخصيا مش باطيق حد يتنصح علي وهو على قده ... اكره كده جدا


تحياتي

غير معرف يقول...

جميل عرضك اهذا الموضوع .. والأجمل ايضاحاتك اللطيفى بين الأقواس حتى نتفهم لهجة البلد والمعانى

لكن يهيأ لى ان الأردن ككل يفهم بعضه مع اختلاف اللهجات .. غيرنا هنا شمال مصر لايفهم شئ من اللهجة النوبية فى الجنوب

عودة الى العريس .. أكاد أقول ان مشكلة المرأة فى العصر الحديث هى فى تكافؤها علميا وأدبيا ومجتمعيا بالرجل بحيث لم تترك له شئ .. فبماذا يزيد عنها ؟

انت تحتاجى لرجل ليست لديه تلك الحساسية ويقف معك باستمرار للتقدمى وتتفوقى ويشعر بكل صدق انك جزء من كيانه الشخى .. وبأن نجاحك هو جزء مهم من نجاحه هو .. تماما كما يطلب العكس .. فكلما نجحتما .. كلما زاد ارتباطكما ..

ولعل هذا الرجل يكون أقرب الى بابك مما نتخيل .. يارب

anas يقول...

لأ لأ
انا بهاد الموقف بالذات معك
اما بعرف مواضيع زي هيك بدها مسايره
هاد بشكل عام
.
.
ليش انا بسترجي اقول ضد؟؟
:)

Unknown يقول...

ريم

شفتي الرقم عماله بيطيييييير:)
وبالنسبه للبوستات يا ستي عادي: وللناس فيما يعشقون مذاهب
يسلموا يا ريمـا:) شكرا على الدعم المستمر

leeno

فعلا هاد اللي بيصير؛ بيقتلوا حالهم تا يجوا وبعدين بيصيروا يشوفوا حالهم عليكي!!

ما أظن في أصعب من هيك؛ البنت الله يعينها على هالشوفات!!

حاضر يا لينو ولا يهمك؛ وخليلنا الرساله على جنب رجاء!!

Unknown يقول...

محمّـد

فعلا صارت المدونه منتدى وعسان هيك رح أصير أدفعكم كل واحد نص ديتار بدل فوته وتعليق:)

قرأت التعليق المذكور وربما تكون الواقعه صحيحه؛ الواقع أن لا معلومات دقيقة لدي:)

ميّاسي تنويعه على إسمي الأصلي أطلقها علي شقيقي الصغير وتعني الماشي بميل وتبختر

مساءك سعيد يا محمد

متابعـة

شفتي بالله:) هاي وفي تفاصيل كمان أنا متأكده إني نسيتها:)
التعليقات بدهم قعدة وفنجان قهوة أنا مش ملاقيه وقت أرد على هالعالم!!

أحرجوتنا يا عمي:) شو مهم ما مهم
استني الحلقات الجاي رح تضحكي أكتر:)

أهلا فيكي

Unknown يقول...

أمجد

الموضوع ما كان اصطياد موقف مضحك؛ مش لأنهم أصروا على الجيه صاروا موضع تخويت!! يعني أنا ما اتخوتت عليهم لهاد السبب!! بتقدر تفهمني ليه جايبين ابنهم الصغير معهم وشو لزومه من الأساس؟ يعني يا أمجد الواحد بيروح زياره عاديه ما بياخد ابنه معاه مش على زيارة عروس!!!

بالنسبه للشكل؛ أي بنت بتحكيلك الشكل مو هاممني -وبحكيلك ياها عن نفسي- بتكون كذابه كبيره!!! لأ الشكل واللوك العام مهم ومهم كتير!! ومش شي سطحي زي ما بتحكي لأنه بصراحه مهم الواحد ينشاف!! بس يعني أنا مش نوع البنات اللي بيهمني يكون الشب ملك جمال!! يعني بعرف واحده كانت تضل تحكي لي: بتجوز زبال بس المهم يكون حليوه!!!
المهم يكون كويس او بالنسبه الي متناسق؛ وزي ما حكت رزان حبّاب بشخصيته؛ بس كمان في ناس بيزيدوها؛ تعال مرتب حالك شوي عالأقل يا عمي!! الانطباع الأول مهم كمان!!

كمان زي ما حكت رزان شكل البنت بالنسبه للشب مهم ومهم جدا واذا ما كانت حلوه بتتبهدل 100 مره من الشب وأهله ومعارفهم كمان!!

أكبر دليل لما تتجوز الوحده وتكون مثلا سمراء اللون؛ يتسألهم كيف العروس؟ بيحكولك سمرا؛هو يعني يا جماعه كلمة سمرا مسبة ولا شو؟


والله يا أمجد على قولتك "فحص شامل"؛ يعني بكسة بندورة ولا مؤاخذه؛ يعني أحكيلك وحده بعرفها اجو ناس يخطبوها- البنت سمرا بس كتير زاكيه وأموره-أم الشب شو بتحكيلها: احنا بدنا وحده شقرا وعيونها ملونه؛ بس شو بدنا نعمل يعني؟ هاينا جايين نشوفك!! يعني بالله عليك هيك شو هالحكي اللي جاي تحكيه وشو الانطباع اللي البنت بدها توخدو في هيك حاله؟!!

كمان انا صارت معي اكتر من مره؛ بكون عاجبه الأهل كتير كتير مش شوي-ومش مبالغه ولا تكبير بحالي- وبس يجي الشب ما في نصيب؛ خلاص ما تجيبيوه من الأول بلكي يالله مو حاببني أو عنده رأي تاني؟

"و انت عرضت وجهة نظرك من موضوع المواقف المضحكة و أنا مكتفي و مقتنع به" شو قصدك بهاي؟

بالنسبه لموضوع الرفض؛ الرفض على البنت صعب فعلا؛ بس الأصعب بيكون في حالة يكون عند البنت نفسها قبول والشب ما يرجع؛ أنا برأيي الناس بموضوع الزواج التقليدي لازم يكون عندهم عالأقل ذرة زوق؛ لأنو في عالم هاد الإشي عندهم معدوم بالمره؛ وزي ما حكيت: بدهم يشيلو الوحده بنفس القعده من غير ما يكون لك رأي؛ هو حد لاقي عريس هالأيام؟

النهفه انهم بيذبحوا حالهم تا يجيبوا العروس بعدين بيصيروا بدهم يعجبّو عليها؛ وعلى سيرة البنت الحلوه-قريبتي حلوه كتير ومحجبه بس اتجوزت يوم عرسها حماتها بدها ياها تفك عن راسها البرنس قدام كل الناس علشان العالم يشوفوا شو جابوا!! بس وين طنشتهم وضلت حاطيته!! وهاد غيض من فيض يا أمجد

بالنسبه للدعايه المجانيه أنا رفعت السعر؛ بدي عموله النص صرت:)

ان شالله ما أكون طولت عليك يا أمجد:)

Unknown يقول...

رزان
يسلم لي الكلام الموزون
ورح أستعيرلك من خالتي جمله مهمه جدا بتحكيلي الزواج لازم يدرسوه بالمدراس لأنه مش سهل ولا هين
حتلاقيني أكدت على النقاط اللي حكيتيها في ردي على أمجد؛ البوست الجاي يا رزان لما ربنا يريد وأفضى:) بعدين شو هاد الواحد بيغيب يومين بيلاقي المدونه قلبت ديوانيه؟ بمزح طبعا على حسابكو:)

Unknown يقول...

صاحب المضيفه

بس أخوي يا سيدي الفاضل أصغر مني مش كبير:) بس هو اسم الله عليه شاطر بالحكي

احنا مش من النوع اللي بنحب نحرج الناس بس الناس بعمايلهم بيضطروك لهيك مواقف:)

مرحبا بك:)

شريف

اللهجات في الأردن فعلا مفهومه اجمالا من الكل ما عدا مصطلحات قليله

التوضيح بين الأقواس أصلا مخصص لزوار المدونه من خارج الأردن

كلامك صحيح 100%؛ بس وينه هاد اللي بيشوف نجاح الزوجه من نجاحه الشخصي ويعتبرها مكمّل مش ملكيه؟ للأسف هم قلائل جدا يا عمّي العزيز

الله يسمع منك إلهي؛ إذا صار إلك الحلوان أول واحد:)

Unknown يقول...

أنس
ومين حكالك إني ما بساير؟ أنا بساير ونص وتلات ارباع مره بكيفي وعشره لأ:) هو صحيح كلامك هاي المواضيع بدها مسايره والحياه اجمالا بدها مسايره

له له يا أنس ؟ ليش ما بتسترجي تكون ضد؟ قول رأيك ولا يهمك؛ انت في بلوج ديمقراطي:)

ميسم يقول...

جد نهفه بس أيشع شي انه الواحده بتحس حالها بكسة بندوره للمعاينه
أنه لهسه ماجربت الشعوربالبيت بس جربته وأنه مروحه بالسرفيس أسئلة الشوفيريه الكبار الي بدورو على عريس للمحروس ابنهم على ابني مهندس وجاي ياهناس جاي جد الله يعين

Unknown يقول...

ميسم
أنا جربت الشعور عالحالتين بس بالنسبه للباصات كنت ما أخلص من النسوان اللي بيدوروا مرات

إذا فضيت بكتب عن وحده منهم شي مرّه

Amjad Wadi يقول...

مرحبا
كيفك .. شكلي ما اعرفت أعبر بالتعليق ...
أنا بالتأكيد ما بقصد الموقف اللي صار معك انه اصطياد للمواقف المضحكة .. بس أنا ذكرت مثال على كيف بعض البنات بتكون وجهة نظرهم من أول .. من قبل ما ييجوا الأهل .. وبالتأكيد مش انت المقصوده

جربي اعملي استفتاء لشوا أكثر المزايا اللي البنات بتفضلها للشب اللي ببتستنى يكون خطيبها .. و شوفي .. و قارني مع الواقع ... على فكرة لعلمك نسبة لا بأس بها من البنات .. يمكن توصل للنص بفضلوا الشب اللي اله "خبرات" سابقة مع بنات :) .. و والشباب ليسوا بأفضل حالا طبعا كما هو معروف و غني عن النقاش ...

Unknown يقول...

صباح الخير يا أمجد


أوكيه: أنا هيك فهمت وضحت الصوره خلاص:)

حكيك مزبوط يا أمجد؛ في نسبه كويسه فعلا من الطرفين؛ هو يمكن الشب اللي إلو خبره مع البنات بيريح مرّات بالمعاملة؛ يعني بيكون عارف كيف يتعامل مع البنات مزبوط بدل ما تضل الوحده "تنكش فيه" زي ما بيحكوا

حتتفاجأ لو حكيت لك إنو كلامك عن الشباب برضو في منو وبعرف بنات صارت معهم نفس الشغلة؛ وتبرير الشب إنو البنت المجرّبة "أريح"؛ برضو بتريح الواحد من أنو يعلمها شغلات كتير-يعني التعامل مع الرجل إجمـالا- بس إنت شو رأيك بهيك موضوع؟

طبعا بما أنه في فصل شكلي بس بين البنات والشباب -و بحكي شكلي لأنه من تحت لتحت بتعرف كيف نوع العلاقات- فأفكار الطرفين عن بعض بيكون بدها كتير توضيح؛ وهاد شي الواحد أو الواحدة بيلمسوه مزبوط لما يطلعوا على مجتمع مختلط ومفتوح-زي الجامعه مثلا

تحياتـي

غير معرف يقول...

ميسو مرحبا
كيفك شو اخباراتك
مشتاقلك اكيد مش شوي ... لا كوميات كوميات :)

اسفة كثير لعدم مروري ولقراتي للحلقة الاولى
بدك الصرحة ما كملتها
صايرة زي اللي حدا لاحقني بعصاي وين ما اروح كلشي بس بدي اخلص وما في وقت ولو كان باليوم 28 ساعة مشان اعمل كلشي والله ما بقصر
من اخر مرة شفتك فيها او من هداك اليوم بالذات صارت انقلاابات
جد مشتاقك ل نصائحك وقعدتك
المرة الجاي ما بدي اجيب مقروطة
لا بدي اعمل شي زاكي , او يمكن انتي اللي تجيبيلنا الحلو :)

بدك الصراحة ما كملت الموضوع وحبيت اعلق لانه ما ضل معي مجال هلا

وبدي منك تعذريني على غيابي وتأخري
ان شاء الله بشوفك بيومك الكبير
وليش لحتى ما يكون زفافك يعني :)

انا اول وحدة رح اكون هناك
باليومين طبعا
مناقشة الرسالة واليوم التاني ;)

دمتي بخير وهنا ميسو

الي رجعة ان شاء الله :)

Unknown يقول...

إيناس

عادي أنا فاهمه شعور الملحوق تماما لأني فيو حاليا:)

بستناكي يوم المناقشه واليوم التاني خليه تا يجي وقته:)

على كل؛ ديري بالك على حالك؛ وحتى لو ما علقتي ما في مشكله؛ مش بيناتنا يعني:)

رح أعمل حالي ما قرأت الجزء تاع الإشي الحلو ولا إلي علاقـة:)

ضلّي طلطلي:)

Amjad Wadi يقول...

باب التعليق ما زال مفتوح :)؟

والله بصراحة هيه كلمة خبرات مطاكة كثير و بتحتمل أشياء كثير .. وانت أخذت المعنى الأكثر قبولا أخلاقيا و اجتماعيا .. و أنا معك تماما .. لأنه البنت لازم تكون تعرف تتعامل مع الناس كلها و اذا نحطت بموقف تعرف تتصرف

السؤال قرأته بمنتدى وكانت اجابات معظم البنات - اللي جاوبوا - انهم بفضلوا الشب اللي اله علاقات نسائية سابقة و صار محترم !!! هيك بالحرف .. يعني عمل السبعة و ذمتها و على دورها تاب و صار محترم :) ... انا تفجأت كثير ببعض الاجابات .. خصوصا انه فيه بنات ما جاوبوا يمكن لأنه ما عندهم الجرأة .. و لاحظي انه الأجابه الأخرى لا تحتاج جرأه :)

here

Unknown يقول...

أمجد

الباب مفتوح على طول

قرأت اللينك اللي بعت لي ياه؛ الصراحه شيء مثير للاهتمام؛ بس أحكيلك شغله: برأيي الشب اللي الو علاقات نسائية كتير جدا- وفي منهم علاقاتهم بتكون كتير عميقه وفاهم انتا علي طبعا- صعب جدا يتحرر منها بعدين؛ بمعني مش معقول اللي ضليت تعمل فيه شي 10 سنين مثلا ما يأثر على تكوينك وشخصيتك؛ إلى جانب أن هيك رجل ارضاؤه صعب جدا ؛ المقارنه بتكون دايما شغّاله والبنت بتركض علشان ترضي:)

غير طبعا شكه المتولد من علاقات سابقه؛ بالنسبه للبنات؛ مم ما بعرف بيجوز البنت لما تتجوز بتركز أكتر نوعا ما؛ بس برضه بيعتمد على شخصيتها لأنه برضه بعرف بنات المقارنه عتدهم شغاله:)

بالنسبه للشب الخام والسخام؛ المعنى شوي متطرف- بس عادي بتعرف إحنا عنا كيف المصطلحات يعني من النقيض للنقيض- ممكن يكون الشب ما اله علاقات نسائيه عميقه جدا بس على وعي بطبيعة المرأة والعكس تماما؛ أما هاي اللي بدها سخام؛ مش عارفه بس بتمنى ما توقع على راسها!!!
برجع وبحكيلك أمجد؛ إحنا في مجتمع ما بيتعرف الطرفين فيه على بعض صح؛ وعشان هيك بيكون في مشاكل كتيره

بس اللينك فيه إجابات فعلا صادمه!!! شو هي الإجابه اللي ما بدها جرأة صح؟

Amjad Wadi يقول...

الاجابه الي ما بدها جرأه انه البنت تحكي انها بتفضل الشب الخام :)

الشب ممكن يفهم البنت و شو بدها و كيف بتحس و كيف يتعامل معاها بكل المواقف بالخبرة بالحياة و بالتعلم و بالتعامل المباشر .. بس مش كل اشي بحتاج لخبرة عمليه مشان تفهة صح.. فيه أمور غريزية و الحيوانات بتعملها أحسن من البشر و مش بالضرورة الشب يكون عاملها مشان يعرف يعملها أفضل. أما اذا كان القصد بالخبرة القدرة على التعبير عن المشاعر و نقل الأحاسيس .. فاذا كان الشب عنده خبرة عملية بالموضوع ما بكون صادق بالتأكيد ... لأنه مش معقول هالأحاسيس بتطلع لكل بنت صادفها بحياته .. أنا ما بنكر انه الشباب بشكل عام بمجتمعنا ما بعرفوا يتعاملوا مع البنت سواء كصديقه أو زميلة أو خطيبة أو حتى كزوجة .. وغالبا بنظروا لبنت كصيده بمرحله أو وسيله لأشباع الرغبات .. أو كمصدر دخل اضافي عند البحث عن زوجه .. أو كشغيلة وأداة خلفة وقت الزواج. و بالمقابل البنات ما بقصروا .. بدورا عالشب الخاروف أو الصيدة أو الي بصرف عليهم

Unknown يقول...

أمجد

صح إجابة الشاب الخام صادمة؛ بس برأيك شو ممكن يكون تعريف الشاب الخام؟ لأنه أنا إلي تجربة مع الشاب الخام- كخطبة تقليدية طبعا- وبفكر أكتب عنها بس طبعا تا أفضى!!!

هلأ أكيد لا الشاب بيدور على بنت تفهمه والعكس كمان-في حالة البنات وارد- والسبب؟

السبب هو خيبة الأمل؛ لأنه معظم المتزوجات اللي بعرفهم بيحكوا انو هي هي-العلاقة مع الزوج أو إنو التفاهم معاه- فخلي يكون معاه فلوس أحسن!! كمان هاد راجع لفكرة معظم البنات عن الزواج: طشّات لبس ذهب وخلافو

بالنسبة للشباب؛ أهي واحده والسلام؛ وبرضه محصل بعضو؛ تقريبا نفس الفكره؛ علشان هيك مستحسن تكون حلوه أو موظفه عشان ما يروحش عليه إشي هو كمان:)

مش عارفه يا أمجد؛ بس بطيخة هالزواج صايره تخوفني يوم عن يوم أكتر!!! خاصة كل يوم بتطلعلي قصه جديدة:)

غير معرف يقول...

meso enty feen wa7ashteny awy
ya rab tekony tamam
bye ya amar

Amjad Wadi يقول...

لوووووووول
طيب اذا الشب أو البنت هيك بنظروا للزواج من أولها ...

"لأنه معظم المتزوجات اللي بعرفهم بيحكوا انو هي هي-العلاقة مع الزوج أو إنو التفاهم معاه- فخلي يكون معاه فلوس أحسن"

"بالنسبة للشباب؛ أهي واحده والسلام؛ وبرضه محصل بعضو؛ تقريبا نفس الفكره؛ علشان هيك مستحسن تكون حلوه أو موظفه عشان ما يروحش عليه إشي هو كمان:)"

فكيف راح تكون النتيجه :)

الشب الخام و السخام .. كان المقصود فيهم الـ أكستريم يعني شب عامل السبعة و ذمتها أو شب محترم كثير و ما بعرف اشي عن العلاقات مع البنات .. و المشكله انه الردود كانت بناءا على انه الشب واحد من الاثنين .. مع انه بالواقع فيه كثير شباب يبدو انهم محترمين بس بكونوا سخام .. أو شباب يبدو انهم سخام بس بكونوا محترمين .. و كمان نقطة ثانية تجاهلها السؤال .. انه ممكن الشب يكون ما اله علاقات نسائية - من نوع سخام - بس بعرف أكثر من 10 شباب سخام بكيف يتعامل مع البنت أو الخطيبة أو الزوجه

شكله الموضوع ما راح يخلص ... يالله هاتي الحلقة الثانية و لتكن بعنوان "عريس خام" ما تنسي تشرحي معنى خام لأنه زب ما بتعرفي خام معناها عكس مليح .. بينما هون معناها .. اشي ثاني

Unknown يقول...

sola

ana hooon bs so so so busy my dear, amoory bs bedha tarkeez
thanx for asking:)

Unknown يقول...

أمجد

فعلا الموضوع الو أبعاد كتيره وصعب الواحد يحيط فيها

بالنسبه لحلقة الشاب الخام أو غيرها؛ بصراحه أمجد عندي مناقشه كمان كم أسبوع ان شاءالله
مش رح أحكيلك كيف الوضع أكيد انتا عارف ومقدّر

بدكم تستنوا تا أفضى!!!

بعدين بفضالكم على رواااااق ان شالله

فبدكم تسامحوني يعني:)

Amjad Wadi يقول...

طيب اذا هيك اعتبري مدونتك مغلقة لأجل مسمى و التعليق ممنوع كمان

بصير نحضر المناقشه ؟ بدون ما نسأل اسئلة :)
بعينك الله على هالكم يوم و ان شاء الله بالتوفيق .. أنا متأكد انه راح تعملي كويس لأنه طبيعة شخصيتك و ثقتك بنفسك مناسبة كثير لهيك مواقف .. و هذا اشي ملموس و مش مجرد اطراء .. الله معك

Unknown يقول...

أمجد

أهلا وسهلا فيك اذا بدك تحضر
؛ بأسئلة وبلا أسئلة:)

ان شالله بس يثبت الموعد بنزل هون اعلان للي حابين يحضروا:) بس ادعيلي لاني ملخومه عالاخر ولسه في شغلات ما خلصوا

يسلموا عالدعم النفسي يا أمجد؛ بس انا ما بحب المناقشات من ايام البكالوريوس:( ما بزبط فيهم للأسف!!! يلا بعين ربنـاعلى هاليوم

Unknown يقول...

أمجد

هسه اتذكرت جملة وحاسه اني لازم أكتبها هون

مره بحكي أنا والوالد عن الزواج؛ بيحكي لي: أول شي بيكون الزلمه أهم من العيشه؛ بعدين بتصفّي العيشه أهم من الزلمه!! ما بعرف شو رأيك انتا؟

Amjad Wadi يقول...

هاهاها
أكيد الوالد أدرى :)

بالتأكيد فيه كثير أشياء و كثير مش شموي ما بكون الشب ولا البنت شايفها قبل الزواج
و بتكون أهم من الأمور السطحية دايما الكل بركز عليها .. بس للأسف معظمنا لازم يجرب بنفسه و ما بتعلم من تجارب الآخرين لأنه بنعتقد انه معاييرنا هيه الأفضل مع انه شايفين جوانب سطحية من الموضوع

Unknown يقول...

يعني ما هو الانسـان تقريبا ما بيتعلّم إلا من كيسه

كمان من حق كل إنسان يجرّب ويغلط وإلا ما بيكون بشر:)

Amjad Wadi يقول...

أكيد يجرب و يتعلم .. و يجرب كمان مرة .. بس فيه أشياء التجربة اذا ما نجحت بتكلف كثير ... و بالذات الزواج و البذات بالنسبة للبنت .. للأسف

Unknown يقول...

أمجد

معاك حق 100 بالميّه؛ الله يسترها:)

AbuYousef يقول...

السلام عليكم

أرجو أن تقبلي تعليقي ...

بصراحة أبدعتي في ذكر التفاصيل,

بس العيلة نهفة عنجد ...

Unknown يقول...

Abu Yousef

مرحبا بك وبتعليقك :)

العيله فعلا نهفات بس صدقني هم أناس بسيطين مع هيك

شكرا على الإطراء

Unknown يقول...

Hello,
First of all, this was a nice story and I hope that you find the right person for you. But, I just want to comment on your objection on this style, although it is not perfect, but it is the only way for some people, especially who is not in the country. To give an example, I will take my situation, I just finished my PhD (in Engineering :)), and I am in the states, and the maximum vacation time that I can get is 2-3 weeks. So if my family did not make some initial arrangements, it will take me forever to get engaged, let alone marriage.
To finish here, I got engaged last December to a lovely girl, but with some initial preparations from my Mom. By the way, I was coming for my 3 weeks vacation 2 weeks after my Mom visited the girls family, so played out well with me.
One last advice, do not just reject like this, take it case by case. You might find the perfect match for you, inshallah.

Good luck

Unknown يقول...

Mohammad

thanx for passing by and sharing ur experience here, i really appreciate it

what i meant to say that is not all the time the mothers choices are perfect for their sons, maybe in ur case it worked out some how and i know it does in many cases too, but for me what keeps happening almost every time that i get the mother agreement but when son comes it is not the same

ur case almost happened to me and maybe i am gonna talk about it later, i agree with u in that when the guy is n the states or something his chances are less and the time is limited, but what can u say when the girl gets the family OK for almost one and half year and then the guy says he is sorry he can't continue?

that is my idea about it, it is just the Guy choice after all, and i am sure ur family had been searching for almost every possible girl, actually it is not easy on girl to b in such a situation!!

after all, it is all in God's hands, wish u all the luck with ur bride and many big thanks for commenting here, Marriage is such a complicated issue !!!

غير معرف يقول...

صحيح صار التعليقات كلها كلام وليس حوار ومدونه

شكرآ على صاحب المدونه لاطروحه الجميله
شات الشلة