الثلاثاء، 24 مارس 2009

السّنـوية


اكتشفت منذ قليل أن هذه المدونة قد مضى على إنشائها عام واحد و خمسة أيّام!!!

للآن أذكر كيف أنشأتها ولمـاذا؛ لم أكن أتوقع أن تصل لهذا المستوى أو أن تستمر أساسا؛ وذلك لأني إنسانة ملولة جدا بطبعي؛ ولكنها استمرت على الرّغم أني مؤخرا كثيرا ما فكّرت بإغلاقها!!! لأني بدأت أحس أنها فقدت الغرض من إنشائها

وتأثرا بـ Whisper في كيف ترى قيـادتي؛ نطرح اليوم استفتاء على هذه المدونة؛ بعنوان "كيف ترى تدويني؟"؛ مع ملاحظـة أن الأخذ بالإجابات خاضع لدكتاتورية صاحبة المدونة؛ "يعني أول على آخر هاي مدونتي وأنا حرّة فيها؛ أنا هيك الديمقراطيَة عندي!!!"

الأسئـلة المطروحة هي:

- ما رأيك بتصميم المدونة؛ وهل تؤيد تغيير القوالب من فترة لأخرى؟

- أي خلفية تفضل: غامقة؛ فاتحة؛ مبهجة؟

- حجم الخط؟ كبير صغير؛ عريض؟

- هل تفضل اللغة العربية الفصحى في التدوين؟ أم الانجليزية؛ أم العاميّة الأردنيّة الدراجة؟

- ما رأيك في لغة الكتابة في المدونة: مملة؟ مفزلكه كتير؟ قوية؟ صعبة الفهم؟ سهلة وسلسة؟

- ما رأيك في طول التدوينات : مع ملاحظة أن صاحبة المدونة تعتقد أن التدوينات طويلة جدا إلى حد الملل!!

- ما هو رأيك بالمواضيع المطروحة؟ شخصية جدا؟ تفتقد إلى الذاتية؟ متعصبة نوعا ما؟ متحيزة؟ متوازنة؟ واقعية؟

- ما هو الشعور الذي تنقله إليك التدوينة: الكآبة؟ الحزن؟ الفرح؟ النّكـد؟

- ما هو رأيك –بصراحـة- بصاحبة المدونة؟ كئيبة من غير داعي؟ فصحنجيّه؟ نكدية؟ بتزيدها؟ كويسة ماشي حالها؟ أي صفة منيحة ضيفها من عندك رجـاء لأن إبليس مدّاح نفسه

- ما هي الموضوعات التي ترغب أن تراها أكثر على صفحات المدونة أو تعتقد أنها بحاجة إلى التركيز أكثر عليها؟

- ما رأيك في مراجعات الأفلام والمسلسلات والأغاني ؟

- أنت حر في إضافـة أي اقتراحات تعتقد أنها ضروريـة

ملاحظـة مهمّة:يحق لك أن تغش الإجابات عن الاستفتـاء؛ لكن رجـاء "حرّف شوي" كي لا تنكشف!!!

في النهـاية: شكرا لكل من منح هذه المدونـة جزءا من وقته مدونين وغير مدونين؛ وشكرا جزيلا لكل أصدقاء وصديقات التدوين في هذا العالم الافتراضي؛ "إدعولي أكمّل السنة الثانية على خير وسلامـة"

ملاحظـة غير ذات علاقـة: "ما حدّش بيعرف درب السعادة وين!!!"

هناك 35 تعليقًا:

غير معرف يقول...

واو اول وحده حصلت ع السبق الصحفي :)
اولا كل عام وانت بخير ومدونتك مستمره دايما
ثانيا من وجهة نظري التدوينات شيقه ورائعه والافكار المطروحه متنوعه وحلوة
اما درب السعاده يا حبيبتي فهو درب موصود ومحطوط عليه مليون طبخه سحريه علشان ما حدا يعرف اله طريق واذا بتلاقي لا تنسيني هه ترى احنا من نفس الجامعه هه يرموكيات هلا هلا
جاي على بالي اضحك :)

blackcairorose يقول...

مياسي

صدقيني لو قلتلك اني مبهتمش قوي بشكل المدونة قد ما بهتم اولا واخيرا بموضوع التدوينات ودرجة جذبها لاهتمامي

في حالة انجذابي لمدونة ما وموضوعاتها لا تعد شكل او لون او طول التدوينات لديها معنى لدي

موضوعاتك جميلة ومتنوعة وشخصيتك جذابة وبها عدم تقليدية وهو أيضا أمر أراه ميزة وايجابية

كل عام وانتي بخير، وكل عام ونحن نستمتع بما تكتبيه

Whisper يقول...

انا ممكن مش من زمان بتابع مدونتك, للاسف طبعا, بس ما راح علي اشي لاني تقريبا قرأت كل المواضيع اللي فيها :)

بما انك دكتاتوريه وانا بحب الديمقراطيه فقررت بمزاجي ارد على اسئلتك :)
- انا بحب تغيير القوالب, مع اني من زمان ما غيرته عندي بس بصراحه كتير بحبه ومش عارفه ازا راح الاقي اشي احلى, بس البنوته اللي موجوده عندك بتغطي عالكلام :$
-بحب الخلفيات المبهجه.
-المهم الخط يكون واضح و مقروء
-المهم تكون اللغه سهله الك انك تعبري عن اللي ببالك و مفهومه للجميع.
- بتجنن, بحب اسلوبك كتير سلس وسهل و بوصل بسرعه
-الاشياء اللي بتستمتع بقرأتها بتتمنى ما تخلص بسرعه :)
-متوازنه و موضوعيه.
- مزيج من هالمشاعر, بس ابدا مش ممله
-اممم...رأيي بميّاسي... هو واضح ان بتمري بمراحل متقلبه, مبسوطه مرات و متدايقه مرات بس هيك الانسان الطبيعي بس يكون عنده دراسه و ماستر ;)
يعني ماشي حالها...هههههه بمزح طبعا
مياسي انسانه بحب اتعرف عليها بالحياه الواقعيه :)
- المدونه شامله.
- الافلام ما بقرأها بصراحه لاني ما بحب تخرب القصه, ولكن بجيب الافلام فورا

الله يعطيكي العافيه و كل عام والمدونه وصاحبه المدونه بالف خير و دايما اتحفينا بمواضيعك اللي بتاخدنا لعالم اخر.
بالنسبه لدرب السعاده, موجود بس احنا مرات بنتوه عن الباب الصح اللي بفتح عليه....

اسماء عوني يقول...

امتحااااااااااااااااااان تاني
لا لا صعب بصراحه بصي انا كان عندي امتحان في الشغل النهرده
هابقي اجل اجل الامتحان بعدين
المهم انا في البوست بتاع بيت وبيوت قصدي ان اهلي عندكوا ان اهلي عايشين في الاردن يعني
عمامي وعماتي وخيلاني وخالاتي ما بعرف ليش يا مياسي والله اشمعنا الاردن اموت واعرف
اه
كل سنه وانتي طيبه ومدونتك الجميله دي منوره كده علي طول

... amr يقول...

كل سنة تدوينية و انتي طيبة :)

باين ان شهر مارس فعلا هو شهر ميلاد معظم المدونات :))

عقبال 1000000 سنة من التدوين و الابداع ... (( هو انا لازم أجاوب ؟ )) سماح المرة دي من فضلك .. ممكن

يس المكان هنا ظريف و تصميمة بسيط و شيك

maroo يقول...

myassi .. i think everything is nice , i love yr blog and i do visit it everyday :) the posts are wonderful , and i enjoy reading and commenting on them .. keep it up mayyoos .. we love you

77Math. يقول...

مش كنتِ عملتِ تصويت أسهل ؟

يعني أنا لسة ححل دا كله ؟ لأ بجد حرام، مش كفاية الامتحانات اللي علينا؟

غير معرف يقول...

ماشاء الله معقول مياسي صرلك سنه؟
وبصراحه بحياتي او بالأصح طالما وانا بلفلف على المدونات وبتفرج ما شفت مدونه نجحت بهالسرعه وارتفعت شعبيتهاهيك..
يعني هالابداع حرااااام والله حرام يروح هيك (هاد بحال ناويه تزعلينا منك وتسكريها)
:)
طيب نبلش بالاستفتاء
_من ناحيتي بحب التجديد وتغير القالب من فتره لفتره بس بعض الاحيان العمليه بتصعب على الزوار وبتلخبطو شوي ..يعني حلو لما تغيري القالب كل فتره
-انا بفضل تكون مدونتك غامقه لأنها بتتناسب اكتر مع مواضيعك وبتعطيها طعم غير
-صغير وعريض احلى..
-طبعا احنا عرب وأغلب اللي بكتبو بالأنجليزي بكونو ما بعرفو يعبروا صح وطبعا معروف انها اسهل وأوضح للتعبير لكن انا بفضل اللهجه العاميه .مو شرط الاردنيه يعني ممكن تعملي خلط بين اللغتين
:)
-رأيي بكتباتك صراحه قويه جدا وبتضرب عالوتر الحساس
-التدوينات الطويله مو ممله لكن لو تيجي علي انا عادة بقرأ كل الموضوع من أوله لأخره شو ما كان طوله بس التدوينات الطويله بتشتتني وبتخليني ما بعرف اعلق يعني بفضل التدوينات القصيره خصوصا الك انت على شخصيتك وكتاباتك؟
-مواضيعك بحسها متعصبه وواقعيه بنفس الوقت(يمااااااااا شو راح يسير فيي)
p:
-الشعور يعني انتي حصريتيه بخيارات صراحه ما بلاقي ولا وحده منهم بس مرات بحس اني مقتنع وببعض الاحيان بتعصبني
p:
-مم صفاتك بحسك ماشيه على مبدأ (ما دمت على الحق فليحترق العالم) يعني متمسكه بقناعاتك وبعض الاحيان كئيبه
-بحب اشوف يوميات ومواقف هبله وشغلات هيك فيها نكشات مخ ..مع اني بعتقد انك ما بتحبي المزح والضحك<<< رأي مش اكثر ونسبه كبيره يكون غلط :)
-ممم مو من هواة الافلام والمسلسلات لككني دايما بقرأ المواضيع اللي بتحكي عنهم

ااااااخ هاد هاد الاستفتاء عملي افتاق بأطراف اصابعي وكوعي انحرق من الصوبه وانا مش حاس
p:
و شكرا الك انتي كمان وفعلا انتي من المدونات اللي كنت بشكل يومي ازورها وان ما زرتها بكون النت فاصل
:)
وبالنسبه لدرب السعاده بعرفش بس اذا لقيتيه اغلبك تحطي عندي خبر
:)

ست الحسن يقول...

كل سنة وانت ومدونتك بخير
وان شاء الله تفضلى منورانا بكتاباتك كدة على طول

مبحبش الأسئلة والحاجات الكتيير دي
بس انا بحب آجي هنا دايماً

...........
ملحوظة صغيرة

أنا بعت الديوان يا افندم
ويارب يعجبك

..

صاحب المضيفة يقول...

انا مش اعرف المدونة من كتير لكن هي بالفعل ذات فكرة وطريقة تعبير راقية


اما عن الملاحظة اللي على جنب


طريق السعادة

فهي في ذكر الله طبعا وكل حاجه متعلقة به

تحياتي ودعواتي

قلب امراه يقول...

عزيزتي مياسي
اول حاجه كل سنه وانتي بخير ويا رب تفضلي على طوول ممتعانه ببوستاتك ومواضيعك الجميله اما عن الاستفتاء الي عاملتيه فاحب ااقولك ان اهم حاجه عرفتني على المدونه اسلوبك الرائع والجميل بالكتابه ونوعية المواضيع المنوعه الي بتختاريها وكتير بيعجبني التجديد في شكل مدونتك ولو انه هاي ممكن تكون ميزه وممكن تكون مش ميزه بمعنى اني بتوه عن مدونتك احيانا بس الاستايل الجديد جميل
المواضيع كلها حلوه ومناقشة الافلام كمان بتعجبني وبتعملي اضافه اللغه خليكي عليها لانها بصراحه بتميزك عن غيرك لغتك حلوه وقريبه من القلب
الخط والاشكال واضحه وجميله
نيجي لشخصيتك اجمل شي في هالمدونه ومش مجامله ابدا هي شخصيتك المرحه والجميله والي فيها طابع كوميدي احيانا بتوصل القلب مباشره
واخيرا بالنسبه الي شخصيا وانا جديده على عالم المدونات كله اني قدرت اتعرف عليكي واتحدث معك ولو لوقت قليل لكنه يعد بالنسبه لي اضافه للشخصيات المهمه بحياتي
اتمنى تفضلي بنفس الحماس وتكتبي وتمتعينا دائما
يا رب يخليكي ويسعد ايامك
دمتي بحب

Unknown يقول...

سوزان

الله يسعدك يا ربي؛ انتي دايمن في جبهة الدعم من زمان؛ بعدني بتذكر أول مره شفتك هون:)

ولا يهمك إذا لقيت درب السعاده انتي اول وحده؛ اضحكي على راحتك ولا يهمك:)

روزا

بصراحه انا بحبش المدونات اللي كتير مزركشه؛ وكمان في مدونات القراءه فيها جد متعبه

غير تقليديه؟ ممكن هيك بيحكولي بس بيني وبينك مرات بحسها مشكله!! يعني بتكون الحياه مع هالصفه بتغلّب أحيانا

وانتي بخير كمان:) وانتي سيدة في أسلوبك كمان:)

Unknown يقول...

همسـه

البنت اللي صافه على جنب صار لازم نشيلها مغلبه ناس كتير:)

وأنا كمان بحب أتعرف عليكي؛ بس بيجوز لما تعرفيني تغيّري رأيك:)
طيب منيح وشكرا للأمانه في الاجابات؛ وما تخافي احنا ديمقراطيه عالآخر: وكل شي مقبول منك :)

أسمـاء عوني

والله فعلا انت غريبه ووضع عيلتك ما شفت زيه!!!
اشمعنى عنا صح؟ ليش مش في بلد ثاني؟

يا ستي أهلا وسهلا فيكي ويسلموا عالكلام الحلو:)

Unknown يقول...

amr

وانتا طيّب؛هيك شكله:)

خلاص سماح المره هاي؛ الاجابه مختصره ووافيه

maroo
thnx my dear for ur lovely comment, hek 6amantini, i do enjoy reading urs too, love u too:)

Unknown يقول...

77Math

والله فكرت أعملها وكنت بدي أسألك كيف بدنا نعملها؟ بس بالآخر كسلّت وانشغلت

الإجابة اختياريه عشان هيك الشغله مش امتحان؛ انا لو محلك ما بحله!! بالي مش طويل:)

أنس

جد مشكور على صراحتك؛ بس شو يعني متعصبه؟ يعني معصبه ولا متحيّزه؟

هو نكشات المخ بيكون في بالي نكشات مخ بس ما بفضيش حالي لإلها؛ بس أنا بحب النكته يا أنس كتير؛ يمكن هو بس مش مبين علي؛ بس بالعكس بمزح وبعلق وهيك؛ ويمكن يكون رأيك صح كمان ليش لأ؟

كله ولا كوعك؛دير بالك على كوعك أبو الشباب:) انت كمان لما سكرت مدونتك القديمه كنت فاقديتها؛ كنت متعوده أزورها دايما؛ بس هسه خلاص؛ صرتو كبار وصار عندكم مدونه لحالكم:)

شكرا على هالمدح يا أنس؛ جد خجلتني:)

Unknown يقول...

ست الحسن

إجابه مختصره وعالوجع:)
أنا بستنى بالديوان بفارغ الصبر؛ بس يوصلني ان شالله بخبرك:)

يسلموا يا أحلى غاده

صاحب المضيفه

شكرا لك:) كلامك مشجع جدا:)

السعاده في ذكر الله وفي محاولة رضا الانسان عن حياته وعن نفسه

أهلا بك

Unknown يقول...

ريما

شو هالدعم كله؟ انحرجت أنا كتير:)

والله يا ريما هو التغيير بتحسيه من سمات الحياه؛ هاد الاستفتاء محاولة للمعرفه؛ بتعرفي الواحد بيعرفش يقيم حاله مرات

وأنا بشكر التدوين اللي خلاني أتعرف عليكي أكتر وعلى ناس تانيين كتير كويسين:)

وعلى الأسلوب يا ريما انتي كمان ما شالله عليكي خصوصا مؤخرا

تحياتي

غير معرف يقول...

مرحبا مياسي
اول 3 نقاط: اكيد التغيير جميل و ما دام في تناسق بالتصميم استمري في تجديده
من ناحية اللغة انا بفضل استخدام اللغة اللي بتناسب التدوينة و انها توصل الفكرة المطلوبة
المواضيع المطروحة واقعيةو بتشد الواحد يقرأها كاملة
طريقة عرض الافلام حلوة و من النوع اللي ما بتحرق الفلم
اي اراء ثانية رح اعطيها بعد ما اقرأ كل التدوينات
و ان شاء الله يتربى البلوج بعزكم :)

Unknown يقول...

allouh

:) طيب طمنتني
وما تخاف عالبلوج؛ دايما مكسي وحاطينه بأحسن مدارس لول

غير معرف يقول...

A year already ? they say time fly by quickly when you are having fun !! Now to answer your questions:

backgrounds:I like dark ones, but that is me..and it is unfair to ask all bloggers to have dark backgrounds just because I do..I accept whatever you chose and take it as a mirror to your personality and who you are and that is the beauty of this. When you had the red background , I loved it because it showed some courage and a strong personality. With this one (the one with the girl), it is fun too because it showed a playful side to you..

Fonts: anything is good as long as it is readable.

Language: Again, it is up to you and how you feel comfortable in expressing yourself or a certain subject.

Subjects:Your style is incredible, subjects are appealing and not boring at all because you know how to present your point whether it is serious subject or a simple youtube clip or a movie review you make it interesting..Your blog is well balanced between all of those.

About You: I feel that you are a strong minded girl, opinionated at times, but very eloquent on how you bring out your points without stepping on anybody's foot or feelings..You are Not happy and not sad, just content with the way your life is now, but looking for a change or wishing things were different..

I hope you don't make any changes just because me or somebody else's said so..This is YOUR blog, YOUR image and thoughts and I come here to see you and your personality, I come here to see a simple human being like me, with ups and downs in life..So, I like you the way YOU ARE..
Keep it up w inshallah 3a2bal el meet sinneh :)

غير معرف يقول...

FORGIVE ME FOR THE LONG COMMENT

تامر علي يقول...

بالنسبة لتصميم المدونة يفضل أنها تكون أقرب لشخصيتك ولا تسألي أحد عنها لأن كل شخص له ذوقك خاص ولن يمكنك إرضاء الجميع :) . التغيير جميل من حين لآخر ويكسر الملل . شخصياً أفضّل الخط الكبير . والتدوين من وجهة نظري يجب أن يكون بلغة تغلب عليها العربية وتتخللها لغة خاصة بالكاتب ليعبر عن داخله بحرية وبدون الإغراق في المحلية لحد الطلسمة:) . بالنسبة لكتاباتك فأنا أتفق معك أحياناً وأختلف أخرى فمثلاً رؤيتك لموضوع الحجاب ورؤية المجتمع له أرى أنه نظرة (شخصية) لأمر ديني الأصل فيه الوجوب وليس موضوع نقاش مثلاً واتفق معك في نظراتك لمعاني الوطنية وتأملاتك حول الناس وردود أفعالهم وأختلف في ممارسة (العصبية) المفرطة:)
. المدونة لاتنقل أحاسيس بقدر ما تنقل رؤية صاحبها ومعلومات تعتمل في عقله . لايمكن الحكم على شخصية انسان من كتاباته لكن من استقراء المدونة يمكن القول بأن التوازن العقلي والتوتر (العصبي) يسيطر على أفكارك وربما يشعرك بالكآبة بين الحين والآخر. أكثر شيء يعجبني وأحب أن أراه هو البعد عن الإفتعال والتلقائية وهو متوفر بنسبة كبيرة هنا كما أحب أن أتعرف على جوانب حياتية من بيئة المدون وأحصل معلومات بشكل شيق

دمت بخير :)

77Math. يقول...

ولا يهمك :)

المهم تكوني بخير، وللبلوج بلوجر يحميه !

Che يقول...

عجبنى عنوان السنويه ... بمناسبه حاله الملل اللى انا بعدى بيها افتكرت ان السنويه عندنا مرتبطه بالموت و كده
بعد كده لما قريت البوست اكتشفت مدى فساد تفكيرى .... المهم انه انا مش هارد على اى سؤال لانه المدونه دى زى بيتك و اكيد هيكون قله ذوق منى انى اقول لو بيتك عاجبنى ولا لا .. المهم انه يكون عاجبك انتى

Unknown يقول...

Noura

u made me really happy with ur comment- which btw u do not have to b sorry for being long, i really enjoyed it:)

well for dark bg actually i hate them, especially black ones, my eyes start to hurt after a while!!

as u said, ana "3anedeh" or like anas said, if i am convinced that i am right,i do not care about anything else, but also i consider other opinions, and like to lstn to other point views whatever.

I liked that part when u described me to be "diplomatic", really nice and the playful side? well my dear as u might know i am "Gemini" which makes me with many moods and faces lol:)

well Noura, i mentioned in the post, that i am gonna only change if i would too, so do not b afraid, what i believe it represents me as "ME", that what would i follow:D

Now i must be sorry for the long reply, one year passes and maybe next year would be better with u around

thanx again my dear Noura:)

Unknown يقول...

تـامر علي

شكرا على اجاباتك الصريحه جدا:)

بالنسبة لموضوع الحجاب أنا لم أختلف على الحجاب فأنا محجبة ولكن اختلفت على موضوع الجلباب وذلك موضوع آخر؛ لو قرأت البوست جيدا لفهمت أن الفكرة هي في مفهوم اللباس الذي يراد به غرض آخر؛ وأن الحشمة قد تكون كافية مع الحجاب نفسه
أنا يا تامر لم أناقش كون الحجاب فرضا من الأساس وأظن بأن ذلك كان واضحا؛ الواقع أنه ليس لي علم بمدى انتشار الجلباب في مصر ولكن في الأردن وسوريا الشكل المتعارف عليه للجلباب معروف لنا جميعا

بالنسبة للعصبية أتفق معك؛ ولكن هذه طباعي التي أحاول ترويضها أحيانا فأنجح أحيانا وأخفق أحيانا كجميع البشر؛ وإن كنت أتمنى أن أنجح لأرتاح؛ ولكن ما العمل؟ فالطبع تحت الروح كما يقولون!!

أتمنى أن تكون المدونة قد أمدتك بفكرة ما عن طبيعة حياتنا هنا؛ وأن تكون تعلمت عنا شيئا جديدا

مرحب بك يا تامر دائما؛ وفي أي وقت

Unknown يقول...

77Math

:) يسلمو

حلوة كتير جملة البلوجر الحامي:-) حبيتها:)

عمـرو

كنت عارفه انو كتير ناس حيفكروها هيك-السنويه قصدي؛ لو يا عمرو كنت مش مستعده لفكرة انو حد مش عاجبيته مدونتي ما كنت عملت استفتاء اصلا؛ بس شكلك انتا المكتئب ومش جاي عبالك تجاوب:)
أهلا بيك بعد غياب يا عمرو؛ ما تطولش رجاء على البلوج

Amjad Wadi يقول...

Salam
every time i want to answer this questionnaire i get stuck with the keyboard, my laptop has only english letters, so i need to wait until in the office :( where i rarely have time

i will try to do it

Unknown يقول...

Amjad

thnx for ur concern:) u can do like Noura and answer using English,no problem in that, coz i know if i am gonna wait for u till u get into ur office maybe u will never do it!!!
I really want to hear ur opinion about this, plz do not b late:)

غير معرف يقول...

هي مياسي :)

١نعم، أنا بأيد تغير شكل المدونه كل فتره :)

٢أنا بحب الخلفيات الفاتحة هاد رأيي!! " بيقولو الألوان بتعكس شخصيت صاحبها"

٣- الخط وسط وعريض " المهم يكون مفهوم"

٤ليكي أنا مني بكتب كتير فى ممم فيني قول حسب المزاج أو الموضوع ؛)

٥- سهله وسلسه في أكتر الأحيان :)

٦برأيي المواضيع بتطول كل ما كان فيها تفاصيل أكتر :) أنا ما بهتم لأن طالما أنا بقرأ ومبسوطة مو مشكله عندي :)

٦مواضيع واقعيه :) و بتستاهل القراءة

٧- هلأ حسب الموضوع، في بعض أوقات حزن، وأكتر الأوقات فرح :)

٨- (صاحبة المدونه) أنا ما بعرفها إلى هون فا من طريقة كتابتها ومواضيعها و ألوان مدونتها، والصوره إلي فوق هي :) أنا بقول إنو هيه حنونه و حساسه، جريئة، ،مهضومه، مزوقه، و دمى خفيف " بل مصري شربات " ؛)

٩موضوعات لازم التركيز عليها مم !!! ما بعرف :) أنا أكتر شي بحبو بكل المدونات المواضيع يلي بتحكي عن كل يوم عن الواقع ، كرمال هيك أنا بحبكون وبحب مدوناتكون :)

١٠- حلو التغيير كمان :) نسيتي أهما شي " أفلام كرتون " :)

١١- إقتراحات إيه مو غلط، بس في ناس بيزودهى ولو !!!!

أنا ما إلي دخل إزا التعليق كبير أنا حبيت الموضوع كتير :)
انشالله الله يوفقك بكل شي :)

دخلك في علامات على هل اسئله D:

Unknown يقول...

جمانه

إلك عشره على عشره ومعهم بونص كمان:)
اول مره بشوف حد مستمتع بحل الاجابات!

على فكره وجهي صار أحمر!!! هيك كتير يا عيني:)

نعمل من أجلكم احنا؛ وعقبال سنويتك:)

Amjad Wadi يقول...

- ما رأيك بتصميم المدونة؛ وهل تؤيد تغيير القوالب من فترة لأخرى؟

بالنسبه الي المهم الشكل يكون مريح والكتابه مقروءه .. و هالاشي متوفر دايما ...

- أي خلفية تفضل: غامقة؛ فاتحة؛ مبهجة؟

بفضل الخلفيه الفاتحه

- حجم الخط؟ كبير صغير؛ عريض؟
خط متوسط .. و متناسق .. يعني مش نصه أحمر و نصه بولد .. و الباقي مايل :) .. اذا فيه كلام ما اله معنى ما بعتقد انه لازم ينكتب ...


بالنسبة الك .. التصميم الحالي فيه اشي مزعج .. و هو التداخل بين الخلفيه و النص .. يعني الواحد بصير يطل من جنب الشاشه و يرفع و ينزل بالنص

- هل تفضل اللغة العربية الفصحى في التدوين؟ أم الانجليزية؛ أم العاميّة الأردنيّة الدراجة؟

بصراحه أنا نص المواضيع الي بمر عليها بالانجليزية ما بقراها الا تصفح .. يمكن سطرين و ما بكمل .. بس فيه ناس كتابتهم بالانجليزية كثير حلوة مع انها بسيطة و مباشرة .. مثل نورا على سبيل المثال .. انا بحس انه التدوين باللغة الانجليزية فيه تكلف زائد خصوصا اذا كان الموضوع محلي أو اجتماعي بحت ... و موجه النا .. بالمقابل انا بقرأ غالبية المواضيع اللي باللغة العربية .. سواء كانت بالعامية أو الفصحى .. مع اني بفضل بالفصحى

- ما رأيك في لغة الكتابة في المدونة: مملة؟ مفزلكه كتير؟ قوية؟ صعبة الفهم؟ سهلة وسلسة؟

اللغه مقروءه و سهله و ما فيها فلسفه .. بالعكس طبيعة عرض الموضوع مشوقه و بتحتوي وجهة نظر الكاتب نفسه دائما

- ما رأيك في طول التدوينات : مع ملاحظة أن صاحبة المدونة تعتقد أن التدوينات طويلة جدا إلى حد الملل!!

هيه مرات طويله كثير بس مش لدرجة الملل .. حتى الاستبيان طويل :).. ممكن تصيري تعملي الموضوع جزئين اذا شفتي انه الموضوع طويل كثير .. مجرد اقتراح


- ما هو رأيك بالمواضيع المطروحة؟ شخصية جدا؟ تفتقد إلى الذاتية؟ متعصبة نوعا ما؟ متحيزة؟ متوازنة؟ واقعية؟

المواضيع دائما فيها تجربة ووجهة نظر شخصيه .. شئ ايجابي طبعا .. بس بصراحة مرات متحيزة لوجهة نظرك

- ما هو الشعور الذي تنقله إليك التدوينة: الكآبة؟ الحزن؟ الفرح؟ النّكـد؟

والله مثل مسرحيات دريد لحام .. الواحد ما بعرف يضحك والا يبكي


- ما هو رأيك –بصراحـة- بصاحبة المدونة؟ كئيبة من غير داعي؟ فصحنجيّه؟ نكدية؟ بتزيدها؟ كويسة ماشي حالها؟ أي صفة منيحة ضيفها من عندك رجـاء لأن إبليس مدّاح نفسه

المدونه بتعكس شخصية واقعية واجتماعية و فيها كثير جاذبيه


- ما هي الموضوعات التي ترغب أن تراها أكثر على صفحات المدونة أو تعتقد أنها بحاجة إلى التركيز أكثر عليها؟

بحب اقرا وجهة نظر البنات في مواضيع بعلاقتهم بالمجتمع والطرف الآخر .. يعني مثل اختيار شريك الحياة .. التخطيطي لحياة مشتركه .. نقاط الاختلاف و الاتفاق: العمل السفر البيت

- ما رأيك في مراجعات الأفلام والمسلسلات والأغاني ؟

كثير حلوة خصوصا مراجعات الافلام
مع اني ما بشاهد افلام كثير بس بحب أقرا نقد و مراجعات الافلام

- أنت حر في إضافـة أي اقتراحات تعتقد أنها ضروريـة ملاحظـة مهمّة:يحق لك أن تغش الإجابات عن الاستفتـاء؛ لكن رجـاء "حرّف شوي" كي لا تنكشف!!! في النهـاية:

بعتذر عن التأخير

nana يقول...

مياسي شو حسيت انه في تهديد مبطن وقريب انه تغلقي مدونتك؟؟

لأ لازم تعملي استفتاء بلأول انه تسكريها او لأ وانا بضمن انه الكل يرفض

المهم انا حبيت اجاوب على الاسئلة وبدون غش والله

- تصميم مدونتك لطيف وبسيط يسهل التعامل معه وبالنسبة لتغيير القوالب فأنا بقول اذا كان الواحد محترف وبيعرف يغير ليش لأ... بس الي زيي يثبت على قالبه ويسكت لأنه حاولت اغير قبل هيك وراحت كل بوستاتي وصابني هلع ورعب بس الحمدلله ضليت ابعبش لرجعته

-بالنسبة للخلفية تكون واضحة اهم شي عشان نقدر نقرأ المكتوب وبفضل الفاتحة


- اكيد يكون حجم الخط كبير لأنه يا دوب شايفين الكمبيوتر بحاله

- اعتقد انه المدون حر في استخدام اللغة يعني اللي براحتهيعني مرات بيكون جاي على باله يكتب بالانجليزي ومرات بالفصحى يعني حسب مزاجه

- اسلوب الكتابة سهلة الفهم وجميلة

- المواضيع الحلوة ما بنمل منها مهما كانت طويلة وعلى فكرة كل واحد بيكتب وبفكر حاله بيخها وطول المدونة بس بتفاجئ انه في ناس بتقرأ ومدونتك بتنقرأ كلها والله

- انا مش قادرة اصنف مدونتك بس انا بشوفها كتير حلوة لدرجة اني من متابعينها


- تعكس كل الحالات اللي بتمري فيها وهيك واقع حياتنا

- لذيذة وقريبة من القلب

- اي شي عن واقعنا وحياتنا يعني تكون المدونة شخصية وعامة بنفس الوقت

- حلوة وبتعطيني فكرة عن الفلم وبتخليني اقرر انه احضره او لأ اما بالنسبة للأغاني مش كتير بتابعها

- اقتراحي انه لا تفكري ابدا انه تتركي التدوين


وكل عام وخمس ايام وانت بخير

Unknown يقول...

أمجد

شكرا جدا جدا جدا:) ويعطيك العافيه:)

بالنسبة للتحيز؛ صعب الواحد يكون معتدل على طول الخط؛ أنا بحاول أكون معتدله على قد ما بقدر؛ بس المشكله انو مخي اساسا بيمشي في جهه واحده وما بشوف شي تاني مرات كتير؛ وهاي مشكله بعاني منها:(

ببالي افكار كتيره؛ بس للأسف أكيد انتا بتعرف المراحل الأخيره للماستر كيف بتكون؛ يعني مش قادره أجمع بالمره أفكاري!!

أنا مثلك؛ التدوين بالانجليزيه صعب علي اتابعه خصوصا مؤخرا؛ بفضل التدوين العربي أكيد لأنه القراءة باللغه الاصليه 100 بالميه اسهل؛ بتفق معك بخصوص نورا؛ فعلا تدوينها مريح

بالنسبه الي انا بدون بالعربي لاني حاسو قرب ينقرض بصراحه!!

أهلين أمجد

Unknown يقول...

نـانا

مش فاهمه كل هالناس بتجاوب عالاستفتاء بحماسه!!

شيء طيب والله:)

والله في توجه أني أبطل أدون مؤخرا بس بعد نصيحتك براجع حالي بالموضوع:)

يسلمو نانا عالكلام الحلو؛ يا صبايا أحرجوتنا هيك :) جد مش عارفه شو أحكي

مراحب يا نـانا