الاثنين، 2 فبراير 2009

وقفات -2

- المفترض بأن سعد الذابح قد بدأ أو دخل كما يقولون؛ فاجأتنا السماء "برشروشة مطر" كما يقولون؛ هذا شتاء مجدب؛ يقول جدي أن آخر سنة مرت وكانت مثل هذه كانت في عام 1925!! وروايات أخرى تذكر أن سنة 1998 كانت شبيهة بهذه السنة؛ تتراوح الآراء بين "ليش بدو ربنا يشتي علينا؟ من ملاحتنا يعني؟" –بمعنى أن المطر منقطع لأن الناس ما عادت طيبة مثل قبل؛ وأما الآراء التي تجنح إلى عقلية علمية تقول بأن ظاهرة الاحتباس الحراري هي السبب؛ في مثل هذا الوقت من العام الفائت –كنا نتعافى من آثار العاصفة الثلجية التي ضربت المنطقة؛ يبدو الآن أن العواصف الثلجية قد باتت تغير طريقها لتلقي بحملها في مكان آخر: "الخليج العربي على سبيل المثال الخبر هنـا"


ثلوج في رأس الخيمة بالامارات العربية

- وبما أن الشيء بالشيء يذكر؛ يصادف يوم غد الثالث من فبراير ذكرى أول يوم عمل لي في شركتي السابقة؛ لو لم أستقل لكان يوم غد "سنويتي الأولى" إيييه !!!

- منذ فترة بدأت باستقبال مكالمات على هاتفي النقال من أرقام غريبة؛ يتضح فيما بعد أنها من مهندسات في النقابة (نقابة المهندسين الأردنية) تذكيرا بمواعيد دفع الاشتراك السنوي؛ ليس من أجل سواد عينين الغرامة طبعا ولكن لأجل خاطر انتخابات مجلس النقابة؛ إحدى المتصلات كانت تتبع "القائمة الخضراء" والأخرى تتبع "القائمة البيضاء"؛ بصراحة لن أدفع الاشتراك ولا يعنيني المجلس ولا الانتخابات؛ يعني بالمختصر بسبب طبائع "الطفر" لست على استعداد للتضحية بمبلغ الاشتراك؛ إلى جانب أني لست بمستفيدة من خدمات النقابة الفذة؛ قررت أن أتبع مبدأ صديقاتي في هذا الشأن "خلي ابن الحلال يدفع" !!!أيضا في آخر مرة لا أذكر من انتخبت وذلك لأن عمي طلب مني أن أنتخب إحدى القوائم؛ وقمت بذلك إكراما له – على فكرة منذ أن بدأت أنتخب لم أنتخب شخصا اقتنعت به أبدا؛ دائما كانت قناعات ذكور العائلة فحسب – اعتراف مريع أليس كذلك؟؟

- لأول مرة في تاريخ البشرية؛ تمر إجازة ولا نختلف فيها أنا ووالدي؛ سافر الرجل دون أي خلاف؛ أشكر الملل الفظيع الذي كنت أحس به والذي كان يمنعني من الرد على أي شيء أو التعليق على أي موضوع؛ وأشكر رسالة الماجستير لأنها "عمت ضوي" بحيث لم أعد أر أسواها !!!

- لست من النوع الذي يحلم – أحلام رأيت فيما يرى النائم أقصد – ولكني مع ذلك أحتاج لمن يفسر لي الحلم المتكرر الذي أحلم به دائما : " أنا دائما أقود سيارة؛ في طريق طويل أذكره من طفولتي؛ هذا الطريق يربط بين مدينتين كبيرتين؛ -يمكنك أن تسميه أوتوسترادا إن شئت – الفرق هو أني لا أسيطر على السيارة مؤخرا؛ إلى جانب أن لون السيارة ونوعها يختلف من حين؛ أحيانا هي رياضية وأحيانا هي عادية؛ أحيانا هي حمراء وأحيانا بيضاء وفي أحيان أخرى فضية؛ ولكن اللون الأبيض هو الغالب ؛ يقولون بأن السيارة ترمز إلى حياة الإنسان وتغييرها الدائم؛ لا أعرف ما هو سر السيارة ولربما كانت فقط كما يقول المثل : "اللي ببال أم حسين بتحلم فيه بالليل"!!

- غريب أن تلتقي شخصين في نفس حيز المكان؛ أحدهما تراه لأول مرة في حياتك؛ لا يكلمك أبدا ولكنه يملأ يومك بهجة؛ والآخر –ومع أنك تعرفه منذ ما يقارب الثلاثة سنوات - يكلمك فيملأ يومك غما!!!

- أتمنى أن يتوقف أخواني الشباب "عن تدوير" ريموت الساتلايت فيما بينهم حتى يتسنى لي أن أتابع شيئا واحدا على الأكثر وليس الأقل!!

هناك 28 تعليقًا:

Whisper يقول...

اليوم كنا انا وصاحباتي بالشغل بسيره التلجه الماضيه وكيف كانت بهالايام...ربنا كريم وان شاء الله بتشتي شتوه منيحه

ممكن انا ما بعرفك الا من خلال المدونات بس ما بعرف ليش بحسك كتير قريبه الي وبحسك زي اختي...اختي الصغيره عفكره :)
ما بحب احسك متدايقه ابدا...لا تفكري كتير وكل شي بمشي

بالنسبه للشغل فعادي بكره بتخلصي الماستر و بتصيري تنقي و تستحلي بالشغل...طبعا على اساس ما عنا بطاله ابدا والعالم كلها ملاقيه شغل :) لا تردي علي راح تلاقي لا تخافي

و بالنسبه للحلم فانا برجّح مقوله اللي ببال ام حسين بتحلم فيه بالليل :) وشكله مغامره المجمع لسا مأثره عليكي


ما بكونو شباب ازا ما ضلهم ماسكين هالريموت وبقلبو فيه....هاد موضوع بده دراسه بصراحه عقده الشباب
بالاستحواذ عالريموت :$

cheer up ya benet :)

غير معرف يقول...

مياستي
شكلهم إخوانك مأثرين عليكي بالقلب على المواضيع
مشالله البوست معبى من كله:)
بالنسبة للحسبة ما فيها بندورة اليوم
:D
just 2 make u smile :)
موضوع الشتا هو صاير همي الوحيد هالايام... بعدين شفتي مشالله عنك إهتميتي فيه أكتر مني , ويا رب تشتي علينا .. انسي بلا احترار حراري ولا بعرف شو .. كله من عند ربنا , وبقدرته!!

- الانتخابات .. انا نفسي أفهم ليش وعلى ايش هالالوان .. كمان نقابة الاطباء نفس المنوال... فعلا ما تنتخبي حدا ... كله مصالح شخصية أولا

-اممم الحلم!! ... يا ستي العزيزة ... متل ما حكيتي بالبوست وكمان متل ما حكت همسة .. انو اللي ببال أم حسين بتحلم فيه باليل :)
مع إاني ما بعرف شو ببالها هالمسكينة

- الله يوفقك يا رب بالرسالة وترتاحي وتطلعي أحلى خلطة مهندسة يرموكية-تكناوية:D

غير معرف يقول...

متل العاده بوست حلو ومليان :)
الشتوه في منه من الناس ومن الاحتباس الحراري
اما الحلم فهدا بعلم رب العالمين
اما الشباب فهدا داء ما منه دواء
ولا تنهمي ولا ع بالك ميسو

77Math. يقول...

وعما قريب ستتحول مصر وبلاد الشام إلى طقس قارّي جدًا شديد الحرارة صيفا حار شتاء بلا قطرة مطر واحدة ..

ويتحول الخليج إلى الـ طقس الـ كان في مصر والشام ..

وتحدث المعجزة الإلهية بأن يتحول الطقس في أوروبا وأمريكا إلى طقس حار جدًا يسبب كارثة إنسانية لأن بشرة سكان تيك المناطق لا تتحمل الحرارة ..

وتغدو إسرائيل بلا درع ..

لازم نشوف حل عشان نحمي إسرائيل من الموضوع دا !!


تحياتي لكِ عزيزتي.. واعذري ثرثرتي

غير معرف يقول...

الوضع مزري اليوم ..
ومطر ما في (هاد اكتر شي مكركب نفسيتي)،
وبالنسبة للأنتخابات انا ما بنصحك تصوتي لحدا الا اذل مقتنعة فيه وما بصير تبيعي صوتك اكراما لأي انسان (شوية مبادئ عندي)،
وبالنسبة للحلم مشكلتك كبيرة !

maroo يقول...

الله يرحمنا برحمته و ينزل علينا المطر .. والله مو مشان البشر بس مشان الشجر و الحيوانات ....

حبيت هاي اللفطة كتير "غريب أن تلتقي شخصين في نفس حيز المكان؛ أحدهما تراه لأول مرة في حياتك؛ لا يكلمك أبدا ولكنه يملأ يومك بهجة؛ والآخر –ومع أنك تعرفه منذ ما يقارب الثلاثة سنوات - يكلمك فيملأ يومك غما!!!"

غير معرف يقول...

بقرا دايما مدونتك بس هاي المرة هي المرة الاولى الي بعلق عليها

بخصوص الشتا ماساه عن جد الله يرحمنا ب رحمته و ان شالله الله يفرجها علينا
صاحبتي ب دبي بتحكيلي الصبح و الفجر بالذات عندهم مطر اشي بخوف و مولعين الصوبات تخيلي؟؟؟

و الماستر الا ما يخلص
لانه الايم بتمشي بسرعة رهيبة

و بخصوص النقابة ما بيجي منهم الا الاشياء الي ما بتفيد يعني بتزكرونا لما بس بدهم شي اما يحكو انه في مثلا عروض للمهندسين او شي لا كله حكي فاضي و ع فكرة الشيخات الي بكونوا هناك ما بحبهم بالمرة ما بدي احكم عليهم و لمن التصنع عندهم اشي مش معقووووووووول المصلحة و التكلف و انها اختي و انها ابسر شو مرة رحت و بعدين حرمت

ف انت ديري بالك تروحي ماشي؟؟؟؟؟؟

الحلم يا ستي السيارة هي عبارة عن مسار حياتك مرة بتكون بيضة و مرة بتكون حمرة يعني بجوز تكون مش ماشية منيح و الله اعلم او انه عريس ان شالله بنشوفك عروس مياسي هاد العريس ممكن بكون منيح و ممكن يكون ما بدك متله بالمواصفات

و الله اعلم طبعا و الله يجيب الي فيه الخير

Adoosh يقول...

يجعلها لا شتّت! إحنا أصلاً مش وجه شتا ونعمة.. لشو ولاّ لمين بدّها تشتّي دخلك؟

أنا أكره السنافر... قصدي المطر..

اسماء عوني يقول...

احنا عندنا في القاهره تقريبا بتمطر عشر دقايق وترجع تاني مافيش مطره ومفيش ساقعه اصلا
ممكن في اسكندريه من وقت للتاني يبقي فيه مطره عشان مدينه ساحليه
اما بالنسبه للاحلام
ناا مافيش حلم بحلمه ليه علاقه بالواقع مش عارفه ليه
تحياتي

غير معرف يقول...

صباحك شومر يا مياس الجميلة - وهذه الجميلة - رد على من وصف اهل اربد -وكل اهل اربد قرويين بالضرورة- انهم لا يحسنوا الغزل،،!
اخترت الشومر الذي يجاورك من الجنوب الشرقي ورائحته ذكية،،!
اذا بتلاحظي يا مياسي الختيارات لمن يشوفن واحدة اجنبية على التلفزيون مزيونة بقولن: الله لا يعوضها ما ازينها ، ربنا بعطي الجمال لهل الكفار،،!
وكمان ربنا بشتي كثير على ( الكفار!!) و بعيدا عن هالجدلية المطر والزين والرزق فعلا ليس مرتبط بفلان مليح او غير مليح على رايك،،!
مرة ثانية صباح الورد وذكرتني ابعث فلوس لنقابة الصيادلة برضو عشان الانتخابات !!

Che يقول...

صباح الخير مياسى العزيزة
انا كمان مستنى الدنيا تمطر او تشتى زى ما بيقولوا فى اسكندريه بس كل يوم باب السما مقفول و مفيش قطرة واحدة بتنزل منه ليه معرفش
يا ترى الكأبه اللى انا حاسسها فى البوست دى سببها الشتا ولا ليها سبب تانى ... مهما كان السبب كله بيطلع فى الغسيل زى ما بنقول فى مصر
سلام يا قمر

Unknown يقول...

Whisper

هايني بستناها تشتي!!

أختك الصغيره!!! يعني شو انتي اكبر مني؟؟ بس تعرفي شو انا دايمن بحسك اصغر مني معقول هيك؟

ياختي انا مش متدايقه ولا شي صحيح الجافا رح تطير برج من نافوخي بس عادي يعني الحياه حلوة!!

حلوه هاي بلدنا معبيه شغل؛ عندك شك يعني انو بلدنا معبيه؟ وانا مش هكلانه الهم يا همسه لأني مؤمنه انو الرزق من رب العالمين بس بتذكر زي ما تحكي:)

همسه: عن أي مجمع بتحكي؟

اسكتي مش اليوم كان أخوي نايم واستحوذت عالريموت شي ثلث ساعه وبعدين صحي ولطشه؟؟!! أخ بس أخ!!

هايني بتشيرب:)حاضر يا اختي الكبيره:)


eNAS

أنا مش بقلب أنا بقلّب فيه فرق:)
كمان فيش بندوره. كملت!!

الشتا هاينا ناطرين واشتراك مش دافعين وانتخابات مش منتخبين يروحو يولو!!

والله أم حسين في حالها الحزينه؛انداري!!!

Unknown يقول...

سوزان

وينك ياختي مختفيه؟ يحلّي أيامك يا سوزان مقدّم والبوست كله عـ حسابك:) (زناخه بعرف:)
يعني برأيك الشتوه عالنص من هون وهناك:) يلا منيح!!
والله يا سوزان مش مهمومه بس مش عارفه شو بدي أحكي الله يمضي هال3 أشهر عـ خير يا ربي


77Math

اسمعي أنا كنت متبعه معاكي في كل كلمه ومقتنعه باللي تحكيه لعند ما وصلتي عند اسرائيل

شو دخلهم بالموضوع؟؟؟ كمان بدك تهكليني همهم؟؟ هو انا ناقصه؟

وتعالي احكي براحتك من غير اعتذارات ماهو السبيس ببلاش:) بمزح طبعا بيتك ومطرحك:)

Unknown يقول...

خـالد
ما فهمت وضع مين المزري؟ وضعي ولا وضعك؟؟

فعلا معك حق تأخير الشتا مأثر على نفسية الكل

و عـ سيرة المبادئ أنا بتبع المبادئ "العشائرية" وأكيد انتا عارفها منيح!!

فعلا شكلها مشكلتي كبيره!!

maroo
آمين الله يسمع منك يا ربي!!

وبالنسبة للملاحظة الثانية انتي الوحيده اللي علقتي عليها وبهنيكي؛ لأنها فعلا مهمه:)
أهلا مارو:)

Unknown يقول...

متابعه

انتي متأكده انا ما بنعرف بعض؟ لأنو آرائك مطابقة تماما لآراء ناس بعرفهم خصوصا جزئية الحلم!!!

إطلع من بين الخبيزة عارفينك!!

وبالنسبة للنقابة أنا ولا بوصلها أساسا ولا بأمن فيهم من الأساس؛ وحلوه وصف الشيخات هاي:) بس ما حكيتيلي انتي تبع أي نقابه؟ اربد ولا عمان؟

أهلا متابعه بتعليقك الأول وبتمنى ما يكون الأخير؛ وحلو هيك يكون في ناس بيتابعوك سيكريت يعني:)

Adoosh

طيب شوي شوي عـ حالك؟ دايمن هيك معصّب والله بتذكرني بحالي لما خلاص تضرب معي!!

والله هي أكيد مش رح تشتي لأشكالنا بس اتخيل شو رح يصير بالصيف؟ غير الناس توكل هوا!!

وبالنسبه للسنافر-قصدي المطر- أنا كمان بحبوش وبفضل تشتي بالليل وانا نايمه بس يعني للضرورة أحكام

صحيح وينك مختفي؟ اتجوزت ولا لسا؟

Unknown يقول...

أسمـاء
طيب منيح اذا في "رشروشه" كل عشر دقايق؛ والله هاد أغرب شتا مر علي هون!!

وبالنسبه للأحلام أنا مش من حزب الأحلام أساسا؛ بس زي ما تحكي هاد من نوع الأحلام المتكرره

منورة يا أسماء:)

العمري
ومن قال ذلك؟ الشومر رائحته جميله-مع أني شخصيا لا أحبه- أما أهل اربد فيحسنون كل شيء:)

ذكرتني بجدتي لما نكون بنحضر وتحكيلنا "الله خيّرهم-للكفار- يعني حكالهم: الزين ولا الدين؟ فاختارو الزين طبعا أكيد بتعرفها هاي:)"

وبالنسبة للاشتراك هو انتا بتنتخب وانتا بره وبتدفع كمان؟ يا عمي تحويلات مغتربين:) يلا كسبت فيك حسنه:)

Unknown يقول...

Che

انتو بتحكو "بتشتي"؟ معلومه جديده والله!!

وينك مختفي؟ وهون كمان الشتا "قحط" ولا شي الحمدلله!!

هو البوست كئيب جد؟ غريبه مع اني ما حسيتش هيك بس بصير ليش لأ؟

ما تغيبش يا عمرو:)

وينكى يقول...

ههههههههه
عجبتنى وقفاتك يا بنت
شكلى هابقى زبونه دائمة عندك
فى مصر برضه بنقول احنا ماتصرفلناش شتا السنادى
انا بالبس شتوى يوم وعشرة صيفي
وانا باكره الحر جدا وباعشق المطر
بالنسبة للانتخابات انا رحت انتخب مره واحده فى حياتى عشان ادعم مقال صحفى كنت باعمله
وكان يوم مأساوى بحق
هابقى انزل البوست تانى وابعتلك اللينك عشان تقريه
بالنسبة للناس اللى تملا حياتك بهجة اوغم
عادى.. بتحصل
المهم انتى من جواكى تكونى متقبله لايه بالضبط
صعب ان حد يضايقك لو كنتى مبسوطة
لو فاهمه قصدى
دراسة نفسية اثبتت ان الرجال بيحبوا يمسكواالريموت كنترول عشان يحسوا بالسيطرة والتحكم.. يمكن دا راجع لان الانثى زحفت بانجازاتها على مساحة كانت يوما ملكا للرجل.. وابتدى ياحرام يحس بانكماش دوره
ياستى خليهم يفشوا غلهم فى الريموت
او شيلى بطارياته وحولى الساتالايت مانيوال :)
انا مش شايفه بالتليفزيون غير الملل بصراحه وافضل الكمبيوتر عليه الف مره

blackcairorose يقول...

انا ايضا لدي حلم يتكرر

فى الماضي كان أنني أطير فى السماء

، ولكن منذ عامين تقريبا اصبح حلم خاص بالماء والفيضان دوريا أحلم به كل اسبوعين تقريبا ودائما هناك فيضان وماء جارف وانا اخشاه او اتجنبه بطرق مختلفة

التفسير السهل ان هناك خطر محدق ولكن فى حقيقة الامر لا يوجد شىء فى حياتي من هذا القبيل او كنوع من التهديد الدائم، لذا لا اعرف بالضبط معنى وتكرار الحلم يا مياسي

وعلى فكرة انا ايضا اقلب القنوات باستمرار مما يزعج من معي
وفيه على فكرة اغنية فرنسية كانت مشهورة من كام سنه بتتكلم على الموضوع ده

اطيب تحياتي

غير معرف يقول...

ميّاسي...
نفسي اعرف من وين بتجيبي كل خفة الدم التي تكتبين فيها، كل مرة اقرأ لك مدونة اشعر بمتعة حقيقية بجد، فعلا تكتبين بخفة دم حقيقة كتابة تشد وتجعل من قدرتك على سرد التفاصيل متعة هذا مع العلم انك مهندسة يعني مش شغلتك مثل حالتي صف الحكي وطق الحنك.
دمتي
محمد عمر

قلب امراه يقول...

عزيزتي مياسي
كلام حلو واجى بميعاده عن الشتا والمطر فعلا احنا ننتظر برحمة ربنا اكيد بس هو اكيد في تغير مناخي واضح بالمنطقه
كلامك كتير حلو وفيه خفة دم بجد وفعلا في ناس اول مره تقابليهم يتركوا اثر بحياتك وناس تعرفيهم من سنين ولا بتتاثري فيهم ابدا
وعلى رايك لما بيتكلموا يزيدونا نكد وغم ولو ما تكلمش اريح
موضوع الريموت كتير عاجبني وضحكني فعلا
بس شو هالتسلط على البرامج للشباب واضح انهم اكثر عددا بس انا رايي برضه انك تصممي على انه من حقك تقلبي المحطات زيهم تمام وتاخدي حقك والحل الوسط هو اخفاءه والشاطر يقوم بقى ويغير من الريسيفر نفسه ولا واحد حيعملها اكيد

اسماء عوني يقول...

لا لا يا مياسي
انا مش قصدي عشر دقايق مطره ده كان تشبيه
يا بنتي الجو عندنا حر بمعني الكلمه زي ما وينكي قالتلك كده
انا لما كنت يف القاهره من كام يوم كنت بلبس صيفي
والرشروشه دي بتحصل في المدن الساحليه
اصل احنا افارقه بقي مدار السرطان عامل شغل عندنا هع هع هههههههههه
بصي انا عشت في الاردن كتير وعارفه يعني الجو نوعا ما
عشت في معان
وفي عمان
واكيد في اربد لوا بني عبيد
وكمان كنت بقعد في قهوة الكمال
انتي ماتعرفيش قد ايه انا الاردن دي جزء مني
انا لما هاجي بصراحه مش عارفه هاقعد فين بس اتمني اني الاقي فرصه اقابلك فيها بجد يا قمرايه
تحياتي

عين فى الجنة يقول...

الشتا كمان فى مصر دافى جدا على غير العادة وما فى حدن بيفسر لنا ليش
مدونتك اصبحت جميلة

Unknown يقول...

♠ وينكـي

بالنسبه للشتا انسي الموضوع اجت ايام حر ولا زي أيام الصيف

هههههههه؛ حلوة زحفت على انجازاته هاي عجبتني:)

اني أكون مبسوطه مالوش دخل بإنو حد ينكد علي؛ يعني بالنسبه إلي مش لهالدرجه الثقه يعني:)

زمان كنت كائن تلفزيوني بامتياز هلأ انا كائن انترنتي بامتياز:)

أهلا يا وينكـي

♠ روزا

والله يا روزا انا بعرف انو المي هي نوعا ما بتعبر عن حياتك؛ يعني اذا في موج وخلافه فانتي بالعربي "بتطبشي"؛ ان شالله ما يكون في تطبيش وتكون أمورك ماشيه:)

بصراحه أنا مش من النوع اللي بيحلم بس لما تعيشي مع ناس بيحلمو وبيفسرو وأحلامهم تتحقق بيصير عندك خبره بالتفسير نفسه اكتر من الحلم

وانا كمان بعرفش اثبت على قناه؛ الا قنوات الاغاني الوحيده اللي ممكن اضل عليهم:) يمكن لأنهم ما بيغلبوا

طيب ممكن أعرف اسم الأغنيه لو سمحتي؟

وأطيب التحيات لك أيضا

Unknown يقول...

سيّد محمّد

أولا شكرا لك مع أني لا أظن بأني كل بخفة الدم التي تتحدث عنها
أعتقد أن السبب بعد تفكير عميق يعود للأسباب التاليه:
-الضغط الفظيع صاير يطلع عندي مواهب
-برجي الجوزاء
-أنا بنت:) يعني من طبعي طق الحنك أكيد
-يمكن تستغرب لو حكيت لك إنو أنا ميولي أدبيه بالأساس وهاي الهندسه كانت عباره عن غلطه أو "أكل عيش" مش عارفه بالزبط!!

سعدت بتعليقك جدا .. جدا .. جدا

Unknown يقول...

reem
الله يرحمنا برحمته؛ ومرات جد ما بتعرفي تحددي شو اللي بيخلي انسان مقبول عندك من عدمه

أما الريموت اللي استأثر بحصة الأسد من التعليقات؛ فانسي الموضوع انا بس اللي مش فاضيه؛ لو إني فاضيه بورجيكي فيهم:) ومعك حق ولا حد كان رح يقوم؛ كانو رح يستنوني أمر عشان أغير أنا المحطه!!

أسمـاء
أها أنا هيك فهمت:)
وبعدين شو يا أسماء؟ لافه الأردن من الشمال للجنوب ما شالله:) على فكره لواء بني عبيد جنب اربد مباشره؛ شكلك كنت بالحصن يمكن؟

قهوة الكمـال اللي عالإشاره؟ مش معقول ولا عمري اتخيلت انو في بنات بيقعدو هناك!! هاي قهوة شعبيه كتير!!!

يا ستي المهم تنبسطي هون سواء شفناك أو لأ يا أسماء؛ وان شالله بشوفك:)

راجـي
والله أنا كمان نفسي حد يفسر لي موضوع الشتا؛ شو يعني أصبحت هاي؟ مالها المدونه؟ ووين هالغيبه؟

Unknown يقول...

الرابطة وبناء الأمة
م/ الحسيني لزومي

شكـرا

Unknown يقول...

انا بس جايه اسلم عليكي و اقولك كل سنه و انتي طيبه يا قمر

هابي فالنتين