الأربعاء، 7 يناير، 2009

ذكريات العام القادم

ما أشبه اليوم بالبارحة!!!

لا يختلف المشهد في غزة شتاء2008 كثير عن المشهد في جنوب لبنان صيف 2006؛ ربما فقط لو أجرينا تغييرا بسيطا في الأماكن و الأشخاص ؛ وضغطنا الزر الكاتم للصوت mute على جهاز "الريموت كونترول" لحصلنا على ذات المشهد تقريبا!!!

الصمت العربي الرسمي هو نفسه؛ ردود الفعل الشعبيّة الغاضبة هي نفسها؛ التفنن في إلقاء اللوم على حماس و المقاومة ما هو إلا إعادة لذات المشهد في لبنان 2006؛ حيث كيلت الاتهامات لحزب الله اللبناني "بإشعال" فتيل الحرب و "استفزاز" إسرائيل؛ صار التراشق العربيّ الإعلاميّ مخزيا بحق!!!!

بت شبه مقتنعة أن العالم لا يتعاطف معنا لأننا لا نجيد تسويق أنفسنا إعلاميا؛ باختصار : الفلسطيني يموت في عشوائية و عبثية لا تتلاءم مع صورة الشاشات المفلترة و الملونة في إتقان؛ لو أن الفلسطيني فقط يموت "بأناقة" أكثر؛ "بشياكة" أكثر كما يموت الإسرائيليّ في الدولة العبريّة؛ تجلس أمام الشاشة لتشاهد جنائز "محترمة" لمدنيين و عسكريين؛ تحفها نساء باكيات لم يغفلن عن "تصفيف شعورهن" في أناقة لافتة؛ يتباكى أو لربما يبكي أصدقاء الفقيد أمام العدسات في حرقة ورفاهيّة تثير تعاطفي و إعجابي في آن معا؛ رفاهية لا تتوافر للجانب الفلسطيني الذي يتساقط "زمراً" لا "وحداناً" تجعلني أتساءل في حيرة: أين يدفن كل هؤلاء؟

أكاد أجزم أنه لو مات الفلسطيني "بالصورة " اللائقة إعلامياً؛ لحشد تعاطفاً أكثر من الإعلام الغربيّ و الأوروبيّ؛ أو لربّما العربي حتى؛ نريده "موتا"ً على الطريقة "الهوليودية"؛ موتاً يخاطب الصورة "المنمقة" للموت التي زرعت فينا إعلاميّاً على مدى سنوات طوال؛ ثم يأتي الشعب الفلسطيني الآن ليعاتبنا على أننا لا نتعاطف!!!

لو "سوّق" الفلسطينيون أنفسهم كما تفعل "ليفني" ؛ حين تتحدث عن "العالم الحر" الذي تحميه إسرائيل وتدافع باستماتة عن حق إسرائيل في "الحياة بسلام"؛ كما و تلوم قناة الجزيرة الفضائية؛ لأنها لا تتمتع بالحيادية اللازمة و تكتفي بنقل الصورة من وجهة نظر فلسطينية على حد قولها؛ لو اقتنع الفلسطينيون بأن المساجد مستودعات أسلحة كما يقول وزير الأمن الإسرائيلي؛ وبأن إسرائيل لا تستهدف المدنيين بل العسكريين فقط؛ وبأن و أن وأن... لو فعلوا كل ذلك لاستراحوا و أراحوا

ذكريات العام القادم؛ لن تختلف كثيرا عن ذكريات العام الحالي ولا عن ذكريات الأعوام السابقة رجوعا بالزمن إلى الوراء حتى زمن النكبة؛ قي كل عام سيحلو للإسرائيليين أن "يحللّو" رواتب طيّاريهم و يحركوا آلتهم العسكرية قليلا حتى لا يعلوها "الصدأ"؛ في كل عام سيمارسون لعب "الأتاري" على حد قول محمّد عمر؛ وفي كل عام يا عزيزي المشاهد العربي القابع أمام جهاز التلفاز في شغف؛ ستستمتع بالجزء الألف لذات "المهزلة" للمرّة المليون؛ وأنت ترسم أحداث الفيلم العربي-الإسرائيلي الرديء؛ تكتب السيناريو و تغير الشخصيات في رفاهية سيحسدك عليها الكثيرون فهنيئا لك!!!

رسائل شخصية:

تسيبي ليفني: شكرا لك لأنك أثبت وتثبتين لنا كل يوم أن" امرأة يهودية" واحدة تساوي ألاف "الذكور" العرب؛ فلتهنأ الجمعيات النسوية و جمعيات "الجندر" بذلك!!

اللاعبون الكبار في المنطقة: هناك لاعب جديد قد دخل إلى المنطقة فتنبهوا جيداً!!!

عن العلمانيّة : كنت أظن أن تركيا العلمانية غير معنية بالشأن العربي؛" الظاهر انهم فهمونا شي وطلع شي ثاني"!!

حماس: تسلملي أنا "المعاطف" المكوية و الذقن الحليقة دايما !!

العرب: الحمدلله؛ أخيرا استوعبنا "إنو ما في فايده"؛ وصارت جهودنا مقتصرة على الدعاء فقط!!!

رسائل تلفزيونية من غزة:

واحد: "أنا بطلت أستغيث بالعرب؛ أنا بستغيث بالأجانب"!!!

ثاني: "وبحكي لكل الحكام العرب اللي قاعدين ع كراسيهم؛ أحكيلك بالعربي : قاعدين ع "ط*****"؛ هاد اللي عم بصير فينا"!!!


رسائل انترنتيّه:

صديقتي الغزاوية: تعيش في الإمارات مع زوجها ولها أخ وأخت الآن في غزّة

"حسبنا الله ونعم الوكيل؛ إسرائيل عارفه حالها ما حدش رح يحاسبها؛ بيعملو اللي بدهم ياه و بيحكو للعالم إحنا مش سائلين!!!"

"إخواني في غزة؛ 4 أيام الكهربا مقطوعه عنهم وما بيعرفو أنو أجزاء كاملة من اليلد تدمرت؛ مقطوعين عن العالم الخارجي"

صديقتي من أصل فلسطيني مقيمة في الأردن

F*** word for the entire world!!!

و كل عام و أنتم بخير بمناسبة السنة الجديدة!!!

* كل "الستارز" لأغراض الرقابة الذاتية

هناك 18 تعليقًا:

Whisper يقول...
أزال المؤلف هذا التعليق.
Whisper يقول...

مهو لازم العرب بهاد الموضوع بالزات يبينو انهم رجال و عند كلمتهم
احنا ما بنتدخل لا بال 48 ولا بال 67 ولا بال.......ولا بال 2006 ولا بال 2008
ولا بالعراق ولا بفلسطين ولا ب.....

رجال ليش الحكي....

سوزان يقول...

مرحبا ميسو
والله يا ميسو كلها لعبه سياسيه والناس اللي بتروح فيها قاعده ما في حدا سائل
ليش لبنان على القليله لبنانيين لقوا مين يخبيهم في سوريا بس اللي في غزه الله يعينهم الحال في غزه صورة منقوله عن جنين وصبرا وشاتيلا وهاد هو حال الفلسطينيين من لما نخلقوا اليوم بده يتغير احكي الله
ودخلك مين بدوا يتحرك حتى هدول اللي قاعدين بالمظاهرات كلهم ورق وعند الجد رح يطيروا لانه وبشكل بسيط جدا قلوبنا مش على بعض احنا العرب روحي على مدونه المحترم وائل عباس واقرئي التعليقات السخيفه عن الاحداث اللي بتصير ورح تعرفي انه احنا حالنا ما رح يتغير وسلامتك يا عزيزتي

eNAS يقول...

:( مياسي ما الي نصيب اكتب تعليق
هاي رابع مرة ..وبكل مرة بعلق الجهاز وبعمل ريستارت لحاله
اكيد هلا رح تزبط :X:X
بحكيلك رأيي بعدين :)

EmY يقول...

حلو الحذف للرقابه استحميلني شويه في تعليق طويل

المشهد في غزه اليوم زي لبنان و العراق

و المشده ده مش الاول في فلسطين ولا هايكون الاخير طول م اسرائيل عارفه ان ماحدش هايتصدي للي بيحصل يبقي هاتزيد اكتر و من حقها انها ماتحترمش العرب لان هما مش بيحترموا بعض

شوفي الحكام العرب و هما بيردحوا لبعض و كل واحد بيتهم الدوله الشقيقه بالخيانه و ناسين الي بيحصل

فعلا احنا مش بنعرف نروج لقضيانا اعلاميا بالعكس بنسوء شكلنا و نطلع احنا الغلطانين في الاخر

يعني اسرائيل تعمل كل ده و الغرب بيتعاطف معاها لانها قادره توصلهم انها شهيده و مظلومه وسط عر اكلي لحوم البشر

كل سنه و انتي طيبه

Dreamy Villager يقول...

مياسي.. هل يعقل أنك لم تجدي موقف عربي مشرف واحد، لكنك وجدت ما يعجبك في "ليفني"؟!

Adoosh يقول...

معلش بجوز عشان لسة الدنيا صبح زأنا مش صاحي لسة, بس أنا مافهمت شو قصدك بهاي الملاحظة:
"حماس: تسلملي أنا "المعاطف" المكوية و الذقن الحليقة دايما !! "

Amjad Wadiِ يقول...

مياسي
احنا من وقت ما وعينا واحنا بنشوف أفلام هوليوود .. وكيف العربي والمصلب بتبهدل فيها .. وهالشي بنطبق كمان على كل وسائل الاعلام الغربيه .. وهالكلام أدى إلى تكوين الصورة النمبطيه المغلوطة للانسان العربي .. واللي للاسف بساعد على ترسيخها الممارسات اللي بعملها بعض العرب والمسلمين .. وبالنهايه بتكون الصوره وحده بكل وسائل الاعلام بغض النظر عن المحاولات الضعيفه لتغيرها .. يعني من الآخر احنا غير مصدقين في وسائل الاعلام فكيف بدك العالم تقتنع بالصورة اللي بنا نوصلها ... لما تصير عندنا المقدره إننا نوصلها

العبيط يقول...

رجال من هون لعند اخونا شافيز

مياسي يقول...

Whisper♠

الخلاصه: احنا ما بنتدخل ابدا وخلي الخلق للخلق

♠ سوزان
فعلا لعبه سياسيه عشان الامم المتحده تستلم غزه و تريح الكل منها

لله يعين الشعب الفلسطيني؛ كتبه "مسخمه"؛ ما رحت ع مدونة المحترم وائل لسا بس شفت شوية تعليقات عند ناس ثانيين وكانو ما شالله عليهم مش مقصرين بالمره

الله يسلمك:)

مياسي يقول...

♠ enas

زبطت يعني بالآخر؛ طيب منيح كثير

رأيك عرفناه ست ايناس ولا يهمك

♠ Emy

يعني مش معقول هيك؛ دايمن بتيجي ع "حتة" الرقابه و بتحكي انها عاجبيتك!!!

المهم؛ فعلا احنا مش عارفين نروج لحالنا لا جوا و لا برا؛ رايحه علينا ع كل الجهات؛ وامبارح زي اليوم وبكره والله يستر من اللي جاي

شرفتينا ست ايمي:)

مياسي يقول...

♠ Dreamy

طيب تسمح توريني وين الموقف المشرف هاد ومن مين طلع؟

♠ Adoosh

لا ع سلامتك؛ انا متأكده انك فهمت صح وصح الصح كمان؛ لأنك انتبهت لها:)

مياسي يقول...

♠ Amjad

كلامك 100% صح ولا غبار عليه؛ "لما نقدر نوصلها"

♠ العبيط

طبعا طبعا!!! ولحد مش عارفه وين كمان!

Sameh يقول...

كلام مظبوط

مياسي يقول...

Sameh

شكرا

Che يقول...

اول تعليق ليا عندك و على بوست قديم بس كلامه صح لامس و اليوم و الغد

مياسي يقول...

Che

أهلا بك؛ وحتى لو كان البوست قديم؛ اليوم وبكره وبعدو

للأسف هاد هو الواقع المر اللي بنحاول نغيره فينا لعل وعسى

Che يقول...

عندك حق ولو انى اظن انه مفيش شئ هيتغير