الأحد، 30 نوفمبر، 2008

وداعـا عمّان




غادرت عمان البارحة.. فقد تركت عملي فيها.. قررت أن أتخلص نهائيا من ذلك الشبح الصغير الذي يدعى رسالة الماجستير فقد أتعبني؛ صار يطاردني حتى في أحلامي؛ و يقطع استمتاعي بأي نشاط أقوم به؛ فإن خرجت إلى زيارة أو مناسبة اجتماعية مثلا؛ تحرّك ذلك الصغير في ركن بعيد من عقلي ليزجر الضمير الذي حاولت إخضاعه فصمت لبعض الوقت ثم ما عادت المحاولات تجدي نفعا؛ وهكذا كان!!!

عمان كانت دائما عاصمة لم يتسن لي التعرف عليها؛ و لأكن صادقة أكثر لم أكن أحبها كثيرا إن لم يكن أبدا و لكن..

يدهش الإنسان أحيانا لتصرفات قد يقوم بها؛ و يستغرب لمشاعر جديدة قد تفسح لنفسها مكانا سواء أكان ذلك بإرادته أو غصبا عنه؛ و الواقع أنني و بعد 10 أشهر من المعيشة المتواصلة في هذه المدينة قد وقعت في غرامها!!!

أجل أحببتها بكل شيء فيها ..بشوارعها و سياراتها و عماراتها؛ حتى بتناقضاتها التي كانت تظهر تدريجيا و أحيانا بشكل حاد حينما أنتقل من من الشميساني (مكان عملي) في عمان الغربية ( و المحسوبة على الأماكن الراقية)؛ إلى عمان الشرقية حيث تبدأ صورة مختلفة تماما بالانتشار شيئا فشيئا لتحتل الصورة كاملة.. برغم كل ذلك أحببتها!!!!

علمتني هذه التجربة في عمّان أشياء جديدة؛ و خسرت لربما أشياء أخرى؛ لا يسمح وضعي الحالي بالتوقف كثير أمام معايير الربح و الخسارة؛ ولست في مزاج يتيح لي رفاهية التأمل؛ ولكن وبعيدا عن أي وضوح في الرؤية؛وفي ضبابية واضحة يستطيع كل منا أن يجلوها في داخله... أستطيع و بضبابية أيضا أن أقدر ما لي و ما عليّ..

عمان مدينة لا تملك إلا أن تحبها بعد فترة؛ ذلك إن أجدت استمتاعك بما تقدمه لك جيدا...

وداعا عمان؛ وداعا للطريق اليومية من صويلح و حتى دوار الداخلية؛وداعا للحب العذري و الصريح أيضا..حين ينفرد المحبون في حميمة واضحة تراها على مقاعد شارع الثقافة في الشميساني أو المقاعد الممتدة من بوابة الزراعة للجامعة الأردنية و حتى مسجد الجامعة؛ يدهشني كم "البحبوحة" أو "الأريحيّة" التي يعبّر بها المحبون عن أنفسهم في عمان؛ و لا أدّعي بأن "إربد" مدينتي "أنظف" كما يقولون؛ ولكن في "إربد" تلمس جانبا محافظا لا تراه في عمان؛ حيث الكل مسؤول عن نفسه هنا...

لا أرغب في أن أطيل ولكن؛ وداعا عمان؛ لا أعلم إن كنت سأعود إليك ثانية؛ فوداعا عزيزتي.


هناك 13 تعليقًا:

Noura يقول...

الدنياوالحياة كلها سفر وتجارب ..فيكي ترجعي لعمان بس تشتاقيلها،المسافة بسيطة كتير..بيني و بين بيروت بحور ومحيطات و مطارات......حبيبتي، الله معك وبالتوفيق انشالله وين ما كنتي، المهم ما تقطعينا من أخبارك وطمنينا عنك دايما..

سوزان يقول...

عمان احلى مدينه عشت فيها بكل تناقضاتها لطالما أثارت تساؤلات في قلبي لماذا هذا التناقض بين حاراتها الا انني مازلت احبها فمازال لها المكان الاكبر في قلبي على الرغم من ابتعادي مازالت المدينه الاحلى
تعرفي حركت مشاعر الاشواق لها المدينه اللي مازالت الاجمل على الرغم من زياراتي لمدن قد تكون متخضره أكثر لكن تلك المدينه التي شهدت ولادة ووفاة اجمل ايام عمري لذلك احبها
لما تشتاقي كل راس مالها باص مو متلي بدي طياره الله يهنيك ويخفف عليكي

Sola يقول...

mesooooo:
ana get 3ashna mesh te2oly that i changed and i am rude now:)
well when i went 2 jordo i only stayed at amman so i dont know any other place there
and its kinda nice i love it but its expensive actually very expensive
i wish u success in ur master and that u r done from it sooon inshaa allah
yalla mestaneyaky tezoury masr om el donia ba2a
law zorteha hat7esey b el tanaqodat elly feha 7ata aktar mn elly fe amman
fel 7ay el wa7ed tela2y 10000 mostawa 2egtema3y saqafy
yalla allaf fel 3oon
salamoz

Mala2e6 يقول...

مياسي
شو يعني؟ ما رح تكملي ماجستير؟
عجبني كتير وصفك لعمان
اتمنى ازور اربد تعرفي لهلا ما شفتها
كتير حبيت موضوعك
حسيت فيه شوية حزن و شوية غضب
ما بعرف ليش

ارجعي يا مياسي عمان بانتظارك

مياسي يقول...

♠ Noura
صحيح كلها تجارب؛ وفعلا المسافه بسيطه كتير بس الدافع ما عاد مثل أول
يسلمو عيني و ما تخافي؛ ما رح أقطعكم إن شالله ع أساس هسه صرت فاضية اكتر من أول:)

♠سوزان

شو هاد؟؟ كل هالحب لعمّان؟ بس أنا معك هي مدينة بتنحب فعلا و أنا شخصيا بحب إربد جدا مع إنها مش بمستوى عمّان بس بتضل بالنسبة إلي نمبر ون

بس أشتاق بركب حجازي يا جت و هوب بتلاقيني صرت في عمّان:)بدكيش تيجي إنتي؟

مياسي يقول...

♠ sola

ana mush 2ult enek rude ana 7aket enu u have changed bs, u became more taugh:) any way, if amman was expensive in 1990s now it is so so so expensive!!!

being to Egypt is a dream for me i hope one day i will make it come true:)

thanks for the nice wishes and i hope ur issues would b solved soon, take care o ma tegt3ina men akhbarek:)


♠ ملاقط

أهلا و سهلا والله شرفتي:)

لا شو ما رح أكمل ماستر؛ أنا تركت عمان عشان أكمل ما هو ماستري في إربد

له له لحد هسه ما زرتي إربد؟؟ طيب أنا عازمتك عليها تعالي و إلك عندي أحلى مشوار

ع فكره ملاقط؛ إلك عشره على عشره إنتي فهمتي شعوري بالزبط؛ هاد هو الهدف من البوست أنا فعلا زعلانه و مقهوره!! بس يعني الواحد شو بدو يعمل

إذا إلي نصيب إن شالله برجع ع عمان الله أعلم:)

maxbeta3zaman يقول...

إذا كانت العودة منأجل استكمال الدراسة ..فالهجرة مشروعة ...لكنك مثل الكثيرين ..تنشأ بينك وبين المكان علاقة موده وعشرة وتعود على الأشياء ..أنا مثلك أصادق الأشياء أحب سيارتى القديمة جدا ..وأحن للبيت القديم والحى القديم الذى ولدت فيه ..واجد قدماى تقودنى لتلك الأماكن الحميمة إلى نفسى ...هو عشق المكان والزمان على حاله ....ومعهما الذكريات

eNAS يقول...

بصراحة مياسي ما كنت انوقع تركك لعمان يزعلك لهالدرجه .. مالها اربد .. والله بتجنن:D
هيك ها خليكي قريبة منا
اهم شي اني رح اصير اشوفك اكتر من اول :)
شفتي انا مصلحجية
يا ستي نيالك ..عشتي بمكان غير اللي تعودتي فيه فترة كويسه .شفتي ناس اختبرتي عالم وتجارب
نفسي بيوم اطلع واشوف:(
والله يوفقك يا رب بالماستر وترجعي تدرسي عنا :) مشان اضل اشوفك
وعسى ان تكرهو شيئا وهو خير لكم
بنضري قرار متل هيك كتير منيح وبريحك لقدام كتيير كتيير ان شاء الله

سوزان يقول...

بصراحه يا ميسو انا بحب اربد وعمان لانه في اربد كانت بداية استقلاليتي وعمان كانت المدينه اللي احتضنتني بعد الكويت يعني فيكي تحكي الها مكان خاص عندي
ان شاء الله أقدر أزور الاردن لاني جد مشتاقه
زمان عن باصات حجازي :)
مبروك على وجودك في موقع عمان نت تستاهلي كل خير لا ترحمينا من كتاباتك الرائعه

مياسي يقول...

♠ Max

أجل من أجل عيون الدراسه والدراسه فقط؛أتمنى أن تمر مرحلة الحنين هذه بسرعه
أهلا بك

♠eNAS

ولو!! هاي بتخططي لبعيد يا بنت أنا ما خططت لهالدرجه هاي:)
لسا من شوي بحكيلك عن انو لسا الوضع صعب شوي:)

اهلين انوس

♠ سوزان

بتوقع أي مكان بس يترك فينا ذكرى حلوه صعب ننساه؛ كم كان الاجار من اربد لعمان ع أيامك صح؟ هلأ دينار و خمس سبعين قرش

يسلمو سوزان عالكلام الحلو؛ جد خجلتيني:)

ASKAdenia يقول...

عجبتني طريقة كتابتك للموضوع
بس ما فهمت, وين بدك تسافري؟؟
شو كانت دراستك بالماجستير؟ وشو كانت رسالتك؟؟
الله يوفقك بمشوار حياتك المهنية والدراسية...

تحياتي

سوزان يقول...

ليش حاسه حالي ختياره بهالسؤال ذكرتيني بجدي لما كان يحكي سعر الخروف 10 دنانير هههههههههه
يا ستي العزيزه كان على ايامنا اللهم صلي ع النبي يعني حسب ذاكرتي هه بلاش تنصدمي هلا نص دينار وحجازي كنا نركب ب80 قرش بس ياعمي الفرق واضح بين الباصين

مياسي يقول...

♠ Askadenia

ولا بدي أسافر مكان؛ بس بدي أرجع ع اربد خلص؛ عشان أكمل شغل ع رسالة الماجستير

دراستي يا سيدي هندسة كمبيوتر و رسالتي تقريبا بنفس المجال

Text-To-Speech Systems for Arabic

إذا فهمت شي طبعا:) يسلمو عامر أهلا فيك

♠ سوزان

هلأ الباص العادي بدينار و خمسه و خمسين قرش و حجازي بدينار و خمسه و
سبعين قرش بعد آخر تنزيلات طبعا:)

الخروف البلدي سمعت انه أسعاره السنه طايره عالآخر

أهلا سوزان:) شكرا عالرد