الأحد، 15 أغسطس، 2010

حبة منتوس

انكسر طرف طاحونتي بسبب حبة منتوس
كان ذلك يوم الثلاثاء الماضي قبل رمضان بيوم واحد

في انتظار سيارة أجرة "تتحنن علي" في الشميساني الساعة السادسة مساء حيث يعرف جميع قاطني عمان مدى صعوبة الحصول على سيارة أجرة فيها، كنت واقفة أراقب الشارع على 4 محاور وأعني بذلك التقاطع الذي يجمع الأربع شوارع سوية.
في غمرة استمتاعي بالمنتوس بطعم الفراولة، سمعت صوت كسر بسيط في أسناني ومن ثم بدأ الإحساس بشرخ ما بين أسناني العلوية.

حينما استخرجت القطعة الصغيرة من بين أسناني وأنا جالسة على الكرسي في محطة الباص، نظرت إليها لأكتشف الحقيقة المرة بعد ظني "الأهبل" أن لا شيء هناك، ألقيت بها بعيدا في غيظ شديد ذلك "انو مش وقتو بالمرة" فرمضان على الأبواب ويلزمني الآن زيارة على الأقل وذلك لأن تاريخي مع الأسنان مشرف جدا.

أمضيت الأيام الماضية وأنا أبحث عن جهة مناسبة أمضغ عليها، فالجهة الأخرى "محشية ومحفورة" من كم سنة وأعاني من أعراض الحساسية –اللي محيرة دكتورة أسناني- ذلك أنها تواظب على القول أنه طول تاريخها الطبي الذي يتجاوز الثلاثين عاما لا تعرف إلا عائلتين تعاني من حساسية مفرطة في الأسنان وعائلتنا إحداهما.

حين ذهبت اليوم إلى الطبيبة من "صباحية ربنا" وجلست على الكرسي وأنا أشرح لها الوضع قالت لي: "في الغالب ما دام انكسر يعني في نخر"، وبعد برهة بسيطة وهي تعالج السن بأداتها قالت:"أوه هاد مسوس"، وبعدها مباشرة أردفت: "الوضع أسوأ مما تخيلت!!، كتير عميق"!!

اتضح أن التسويس بين الطاحونتين من الداخل، ولولا "حبة المنتوس" لما كنت قد اكتشفت وجوده من الأساس، ذلك أنه غير مكشوف ولذا من الصعب أن يحدث ألما. قالت أيضا "انو منيح اللي لحقنا النخر قبل ما يوصل العصب"، إضافة إلى أنه يوجد بدايات نخر جديدة بين حوائط باقي الطواحين العليا!!.

وبالرغم من أني لعنت حبة المنتوس كثيرا وقليلا، ولكني اكتشفت اليوم أن ما قد نظنه "سوءا" في ظاهره قد يكون "أمرا حسنا" في باطنه، لو لم ينكسر طرف السن لما عرفت بوجود النخر من الأصل.

ولكني مكتئبة الآن جدا، ذلك بسبب "بلشة" أسنان جديدة، وألم جديد إلى جانب حساسية أسناني المتوارثة، "في حدا بيسوس الناب عندو؟!" أنا حتى نابي سوّس وحشيتو زمان!!

في الباص كان محمد حماقي يغني: أنا متعقد على فكرة، في غمرة اكتئابي كنت أفكر: أنا بجد متعقدة من هالبلشة الجديدة!!

هناك 28 تعليقًا:

Rand يقول...

Enti Allah ysam7ek, daroori ya3ni Mentos 3ala sa3et hal masa? Koli chocolate, eshrabi 3aseer, ya setti 3elkeh, bas mentos?
3ala kol 7al mnee7 elli ma sar ma3ek zay wad3i w edtarraiti la sa7eb 3asab w 7afer w 7ashi w talbees :S nightmare!

nissan يقول...

صباح الخير ...كل سنه وانت سالمه مياسي ...ومع انه مش وقت بلشة الاسنان في رمضان ....لكن رب ضارة نافعه ...مش هيك بيقولوا:)))

رمضان كريم ميوستي

Whisper يقول...

سلامااات ...سلامااات
الله يعينك على وجع الاسنان و بلشة الاسنان ...يلااا بسيطه المهم اكتشفتي قبل ما يوصل العصب

كل عام وانتي بالف خير
رمضان كريم :)

Rula A. يقول...

ألف سلامة عليكي والله..
انتي حتقوليلي منا عارفه بياخة وجع السنان..
بس شفتي كيف سبحان الله!! رب ضارة نافعة.. طلعت مفيده حبة هالمنتوس :)
احنا عنا بالعيلة أسنانا راكبه على بعض.. الفك ضيق ففي زحمه كتير.. فعشان كتير لازين على بعض فإحتمالية حصول تسوس أعلى من عند غالبية الناس..
سلامتك :)

محمد حسن العمري يقول...

سلامات .كل الحق عالمنتوس!!
شو ما قالولك في النهاية : الخلع هو الحل..!
طلعت روحي من الشوب بكفركيفيا وفليت على عمان ، يا هل ترى عندكو مسكره زي تلانا؟؟؟؟

fazlakat يقول...

الحمد الله على السلامه و جد نيالك على حبة المنتوس الي كشفتلك شو مخبيالك طاحونتك على بكير و ما صار معك متل ما صار معي و بدون حبة منتوس ما لقيت الا حشوة طاحونتي واقعة و معها نص طاحونتي ... لليوم متاقل اروح اعملها.

jafra يقول...

سلامات مياسي مع انو مش وقتوا برمضان :)
بس هالمنتوس مفيد و نحنا مو مقدرينوا

المهم انو العصب بخير

sab7al5air يقول...

طبعا اولا قلت البنت فتحت عمل جديد تطحن دقيق ولا ايه ولمن دخلت وفهمت الحكايه قعدت اضحك اتذكرتك لما في الملتقي وكل يغني علي ليلاه والمفروض اننا بنكلم عربي علي العموم الف سلامه عليك وابقي يعني ضعينا في الخطط المستقبليه وختي شريط ترجمه
رمضان كريم والبحبه كلو كريم تحياتي يا عسل

آخر أيام الخريف يقول...

هاهاهاهاهاهاها ..كأنك تقرأين أفكارى أنا أيضاً حشوت عدة أضراس قريباً هاهاههاهاهاهاهاها

دمتِ بكل الود مياسى و ألف ألف سلامة عليكِ

فتاه من الصعيد يقول...

الف سلامه عليكي :)

ان شالله مانتوس انتي لا :))

تحياتي

مياسي يقول...

Rand
o enty lesh za3laneh? ana mentos kter ba7ebo :(
wow!! i hope enu ma awsal la hoon, 7ashi ah talbees no !!


nissan

مسا الخير
وانتي سالمه يا ربي
فعلا مش وقتو بس متل ما حكيتي تماما:)
الله أكرم

مياسي يقول...

whisper

الله يسلمك
شفتي منيح اللي وقفت هون
اتزكرتك صح اسمك بتحبي دكتور الاسنان موت:)

وانتي بخير


Rula

الله يسلمك، شفتي جابت نتيجه حبة المنتوس بالاخر
ع فكره لما كنت عند الدكتوره حكت لي نفس الكلام!! قال انو سناني كتير راصين ع بعض ومنشان هيك بيسوسو اسرع!! ما استوعبتها الا لما روحت!!

مياسي يقول...

محمد حسن العمري

شايف بالله؟
الله يسامحك، يعني بدك ياني اركب طقم من هسه؟ بدري علي

لا مش شوب ابدا!! اذا كفر كيفيا عاليه وهيك حالها كيف بدو يكون الجو عنا؟
اكيد بعمان عندك مكيف :)

fazlakat

الله يسلمك:)
بستسع فكره وضعك ما بينسكت عليه لانو بعرف اذا بتهمل التسوس بيجوز يوصل الفك لا سمح الله ويعمل مشاكل مالها اول من اخر
فلحق حالك عالسريع:)

مياسي يقول...

jafra

الله يسلمك، فعلا طلع مفيد جدا بس انو مو وقتو نهائي للاسف:(
يلا كلو خير باذن الله

sab7al5air

فكرتيها مصلحة حبوب افهم من هيك؟
زمان ايام الروقان كنت احط ترجمه بس بعدين بطلت:(
احلى ايام ايام المنتدى واحلى ناس:) فكرتيني بالذي مضى

تكرمي المره الجايه بترجملك:) اكم علا عنا

مياسي يقول...

آخر أيام الخريف

وانتي كمان؟!! شو القصه كلها بتعاني طلعت!

الله يسلمك وسلامتك انتي كمان:)


فتاة من الصعيد

الله يسلمك يا حلوه:) كلو ولا المنتوس اهم جزء هاد :)

Palestinian Princess يقول...

سلامتك ألف سلامة

شو بكرهم هاي المشاكل اللي لا على البال و لا على الخاطر

جد الله يعينك

eNAS يقول...

ما على قلبك شر ميسو :)
بس فعلا وجع الاسنان وبلشتهم اسوأ شي
لانه على مدة طويله
لكن هلا يلي بجرب برد ونزلة الصيف فعلا تجربة شنيعة ومريرة

اشتقت ل نصائحك اللي ميسو
ان شاء الله شوفك عن قريب

مياسي يقول...

PP

الله يسلمك
شايفه هاي المشاكل تاعت البال والخاطر؟
هاي قصة حياتي تقريبا:)

eNAS

الله يسلمك، ما انا كمان رشحت قبل فتره برضو ما كانت تجربة كتير حلوه:(
يا ستي ما انتي زي القمر بنشوفك بالسنه مره كيف بدك تشوفيني مش عارفه!!

ضلي بيني لو سمحتي:)

علوش يقول...

عليكي العافية، صارت معي، لكن الطبيب قرر يعمل فحوصات اضافية، وطلع عدا التسوس معي سحل أسنان، من الكزّ المستمر عليهم بالليل.

تأكدي من الموضوع.
http://alloushblog.wordpress.com/2008/03/07/teeth/

مياسي يقول...

علوش

الله يعافيك
قرأت الموضوع ما كنت متخيله انو لهالدرجه كبير

مرت علي فتره كنت أكز ع سناني بس كانت مرحله مؤقته، فعليا انا دايما بحلم انو الناب عندي مخلوع وبصحى وهو بيوجعني!
اظن السبب نفسي كمان:)

سلامتك ومنيح اللي ارتحت على الجهاز

Serena يقول...

ههههههههههههههههه

أعجبتني كتاباتك وتعليقاتك بينما كنت ابحث عن خلاص لكتاب Eat, Pray, Love

كتاب رأيته مرة في متجر الكتب لكنني أستسخفت قراءته وفي يوم من الأيام طرأ على بالي هذا الكتاب وبت ابحث عن خلاصه له لتحمسني أكثر لشرائه

فشكرا لك :D

مياسي يقول...

Serena
خدمه
اهلا وسهلا احنا بالخدمه
مبسوطه انك لقيتي اللي بدك ياه والكتاب حلو الى حد كبير وانا في الخلاصه وضحت رايي فيه بس هو عالعموم ممتع

اهلا وسهلا فيكي وبتمنى ما تكون اخر زياره الك هون:)

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

Haitham هيثم Al-Sheeshany الشيشاني يقول...

يعني كنت بدي أكتب تعليق شرير بس الإخوان و الأخوات ما خلو شي :P

سلامات و الله

يللا هيك بنعرف إنك حتديري بالك عليهم من يوم و طالع (صح!) و برضو درس أسناني لولادك و بناتك
;)

مياسي يقول...

أم الخلود

آسفة سأتفقد الحملة في أقرب فرصة ان شاء الله شكرا على الدعوه:)

هيثم
شكلو ما عندك مشاكل مع اسنانك وعشان هيك التعليق شرير مش هيك؟ :)

تا يجي الصبي بنصلي عالنبي ان شالله:)

Haitham هيثم Al-Sheeshany الشيشاني يقول...

أسناني وضعها جيد
90% لأنو السكر بعيد عنهم ، لوول

و تا ييجي الصبي بنصلي على النبي - معك حق

غير معرف يقول...

I just signed up to your blogs rss feed. Will you post more on this subject?

مياسي يقول...

unknown

can u plz explain more what are u meaning by more of this subject?