الثلاثاء، 1 يوليو 2008

نورا بنوره


ابن خالتي زوزو الصغير و اسمه نور الدين ؛ صرت واعديتها ألف مره إني رح أحط صورة ابنها عالنت؛ مع إنو خالتي ما عمرها شافت النت و لا بتعرفو بتسمع فيه سمع بس....

المهم هي كتير بتحب ابنها و مكيّفه عليه؛ من كم يوم كان أخوي الصغير بيبحبش (بيدّور) في الصور على موبايلي وإذ بيلاقي هاي الصوره:

ههههههه نور و هو عامل العقيد أبو شهاب في مسلسل باب الحاره الشهير؛ هاي الصوره يمكن لما كان عمر نور 3 أو 4 أشهر؛ ملبسينه شماغ أحمر و عاملينه عقيد...


كملت تدوير بالصور و لقيت كم صوره نهفه؛ عجبوني و حكيت خليني أحطهم عالنت هما كمان



نور لابس طرطور أصفر في حفلة عيد ميلاد أخته




اوووه يا نورشغل الداواوين و الزعران بلّش من هسه!!! صاير لي معلّم و الله و أرجيله كمان ع راس معسل فخفخينا ؛ الله يعينك يا خالتي عاللي جاي!!!!
وعشان كرامة نور" تبعترت"؛ هادول صورتين لنور من زمن البراءه؛ هههههه

هاي الصوره لنور و هو لسا بيبي؛ كان يا عيني عليه بعدو بريء بس يالله شو كان عيّاط!!!! كنت عن جد أموت منّو لهالسبب
أما ليش العنوان؛ نورا بنّوره؛ السبب انو خالتي طول نهارها تغنيلو:
نورا ضو البيت .... زيها ما لقيت
والبنوره لغير الناطقين بالأردنيه؛ هو "الضو اللي كانو يستخدموه زمان و يولعوه بكاز"؛ و لما يحكو عن حد أنو بنوره ؛ يعني كتير أبيض لدرجة أنو زي الضوّ منوّر
على كلٍّ؛ كل ما أشوف نور الدين؛ بسأل حالي كمان 20 سنه وين رح أكون أنا؛ و وين رح يكون نور؛ الله أعلم
عيشي يا خالتي و انبسطي؛ ابنك صار عالنت أخيرا :)

هناك 30 تعليقًا:

غير معرف يقول...

هههههههههه
ايوه هيك اخلصي عالسريع
بس ما شالله عليه الله يحميه ويخليه لامو
كتكوت
ما بعرف ليش عندي شي قوي بدفعني لأقرص خدو :)
بس صورة الارجيله هههههههه حلوة من الاخر
حلو ما شاء الله عليه :)

Unknown يقول...

anas

لوول شو يعني هاي اخلصي عالسريع؟؟ ما فهمتها؟؟

لا تخاف ع أخوانو مستلمينو قرص :)

عشان الارجيله؛ كان في وحده مع دخان كمان؛ بس حكيت بيكفي لهون بلاش سمعة الولد تخرب بعدو بأول عمرو؛ لوول

تسلم تسلم الله يخليك:)

Amjad Wadi يقول...

ماشاء الله الله يحفظه ويخليه لأهله

بس ابعدوا بكيتات الدخان عنه .. شكله ديونجي من يومه

:-)

Unknown يقول...

amjad

تسلم تسلم

و لا يهمك بعدنا الدخان؛ انا دايمن بحكي لخالتي ابنك شكلو مشروع أزعر :)

غير معرف يقول...

سكر ..

احلاهم بالارجيلة والمعسل والمزاج العالى

ربنا يخليه لحد مايبقى عقيد بحق وحقيق .. قولى له عمك شريف صار عقيد .. لاتضيع وقتك كثيرا وابحث عن شئ آخر من الآن ..

غير معرف يقول...

هههههههههه
ما شاء الله عليه...
اول ما شفته بحلقت فيه وصليت على النبي وصرت اضحك...
كلبووووووووووز..

الله يحفظه ويخليه..
على فكرة..لازم نعمله مدونة علشان بس يكبر يبلش يتحفنا...

Unknown يقول...

sheirf

شكرا؛ طبعا المزاج أحسن شي؛ ما في أحلى منو

خلينا نبلش نفكر للولد ما دام شغل العقداء بطل يجيب همه لوول:)

Unknown يقول...

Mohammad Irshid

هو كلبوووووز فعلا بس تشيلو خمس دقايق بتتعب اسم الله عليه

اعملو مدونه هسه و بس يبلش زعرنه اعطيه الusername و ال password؟؟

يعني هيك فكرك؟؟ و الله فكره!!!

غير معرف يقول...

mashallah 3leih shou tayyoub w 2ammour.. I love the first picture..Allah yekhali ya rub :) I hope he knows that he has us all smiling :)

Abed. Hamdan يقول...

ماشاءالله ..اللهم صلي على سيدنا محمد

حلو صور الارجيلة..بجننوا :)

sweetlikearose يقول...

يييييييييييييييي اسم الله عليه .. جد بجنن واخر صورة متت فيها ما شاء الله عليه الله يخليلكم اياه ويكبر ويصير بني ادم مهم تشوفو على التلفزيون كمان يارب ...

blackcairorose يقول...

كميلة حالص ما شاء الله عليه

عقبال ما تحطى صورة كتكوتك او كتوتك فى المدونة يا مياسى، وده طبعا لو كان عندك وقت ساعتها للنت لول

Unknown يقول...

noura

teslami ya rb,nshoflek inshalah

ma tkhafi 3leh,s7 hwi sgheer bs beykon 3aref emta elnas bed7ko 3leh o etma bela3boh:) mush 7aketlek az3ar??

he knows i am sure he is;-)

Unknown يقول...

Abed. Hamdan

مش هيك؟ و انا هيك شايفه كمان:)

Unknown يقول...

bara2

تسلمي يا رب الله يخليكي

نور بيشكرك عهالأماني الحلوه:)
ولد صغير قاعد بيضحك::

Unknown يقول...

BCR

كميله اه ياختي

كتاكيت مين؟؟ كتاكيتي؟؟ انسي و لا نت و لا غيرو هادول اكيد هم رح يفوتو النت و يحطو صورتي و انا بشد ف شعري

عقبال ما نشوف كتاكيتك انتي يا رب:)

روابط يقول...

بصراحة صور الأستاذ نور الدين ابن خالتك زوزو نوروا النت والبلوج والدنيا كلها

دى اول زيارة لى هنا وحاسس انى مش لاقى كلام مناسب اقوله غير ده

تحياتى

Waed S. يقول...

awal sorah is the best
3aGeed Abu sh.hab
ana banadee a5oy zozo ma3 eno esmo 3abood ! ya 7aram shu b3jeb 3ala asame el z3'ar

=)

غير معرف يقول...

انو بقول اخلصي وحطي الصور وبلاش وجع راس
انا نفس الشي بسير معي لما واحد يحكيلي نزلي هالشغله يا بحكيلو الموقع ضرب يا بنزلها وبخلص

غير معرف يقول...

ما شاء الله الله يخليه لاهله ويحميه
بس شو صورة الارجيله هاي من اولها بلشنا ارجل لما نكبر شو بدنا نعمل ههههههههههههه
امور الله يحميه ويكبر بعز اهله

Unknown يقول...

حازم سويلم

أهلين بيك أستاذ حازم؛ منور بوجودك كمان:)

Unknown يقول...

lost within

ana hek kaman ra2ey

Lool, sa7bty bebda esmha b 7arf R o ahlha bedal3oha LoLo, 3adi o la elo khas sa7

wlecome into my blog??

Unknown يقول...

anas

أهاااا فهمت عليك

Unknown يقول...

سوزان

أهلا وين هالغيبه؟؟ فقدناكي!!!

تسلمي يا رب يخليك أولادك يا ربي؛ شايفه عهالجيل يا سوزان؟؟ الله يستر منهم

Diana يقول...

ya 7ayati, how cute. Mashallah 3aleeh :)

SimSim يقول...

he is soooo cutteee

Unknown يقول...

diana

thnx, 3ugbal ma nshoof ur cute baby;-)

Unknown يقول...

SimSim

indeed he is:)

Camellia Hussein يقول...

جميل ماشاء الله
ربنا يبارك فيه

Unknown يقول...

كاميليا
شكرا ليكي أهلا وسهلا:)