الثلاثاء، 15 يونيو 2010

كيف تتغلب على تشفير قناة الجزيرة الرياضيّة؟



يلزمك فقط: "بكلة" شعر سوداء وجهاز راديو
افصل سلك الساتلايت المتصل بشاشة التلفاز ومن ثم ركب البكلة مكانها

ستحصل على إحدى القنوات العبرية على تلفزيونك "خاص بإقليم الشمال ولا أعلم إن كان نفس الأمر منطبقا على باقي الأقاليم"، يفضّل أن تكون القناة هي القناة الثانية وهي قناة أرضية بالمناسبة (يعني البكلة هي بمثابة هوائي لمن لا يملك واحدا أو استغنى عنه منذ زمن)

حسنا وماذا عن التعليق؟
بسيطة: أدر الراديو على إحدى المحطات التي تبث التعليق على المباراة مباشرة  و "شالوم لاخيم"


بمناسبة تشفير الجزيرة والتشويش الذي حدث، تابعت قليلا مذيع الجزيرة الرياضية وهو يصف من قاموا بعملية التشويش "بالمخربين" ويحث المشاهدين على أن لا يتهاونوا فهذه نقودهم

طبعا "حششت" على واقع أن كلمة "مخرّب" تبدو مستعارة من التصريحات الإسرائيلية لوصف المقاوم الفلسطيني، والأمر الآخر أن هذا المال الذي يذكره المذيع لم يعد مال المشاهد بعد الآن بل صار في جيب القناة!!

المهم في الموضوع أن تحصل على مشاهدة طيبة عزيزي "المشحّر"  ونيّالك على "عيشة الترقيع"

ملاحظة: شالوم لاخيم: تعني السلام عليكم باللغة العبرية

هناك 17 تعليقًا:

sheeshany يقول...

ديري بالك يا ميّاسي يلفقولك تهمة من نوع ما! :))))
الجزيرة مو قليلة ترا :]]

zuhair يقول...

i used to watch the bold and the beautifull that way :P bas mesh bokleh :D .. selek maloosh 2a5er lool

sozan يقول...

عجبتني هاي الطريقه والله انك خطيره:)
بس شكلك رياضيه وبتابعي المباريات بشغف لتفكري بها الطريقه!!

Whisper يقول...

يا سلاااام عجبتني الفكرة...بس اروّح بدي اجربها :)

شكرا يا قمر...هيك لازم نتعاون دايما :)))

hamede يقول...

تستطيع مشاهدة المباريات على موقع

espn.com

Rula A. يقول...

هههههههههههه مع اني مش من متابعين التلفزيون او الكوره بس يسلمو عالمعلومه راح اقولها لكل الأصحاب والحبايب :)

Dr.Mohammed يقول...

اخيرااااااااااا طريقة لفك تشفير الجزيرة
و الله يا عمي احنا لازم نمشي مع الفتاوي المصرية اللي بتحلل سرقة و فك تشفير الجزيرة!! الحاجة ام الاختراع!

لا بمزح ، اصلا انا مشترك مع الجزيرة عشان ما حدا يفهمني غلط اني بشجع على فك التشفير!
:X

بس على فكرة مش كل المباريات راح تبث على اسرائيل صح؟

Jarat يقول...

الحمدالله انا طلقت المفسيديون بالتلاته من زمان وبعدين انا مالي ومال الكوره خليها لصحابها لول

لا يا عمي البكله لسه اهون بعرف وحده بتستخدم ابهام الايد :$ البنت حادفه حالها على الموت كلو في سبيل الكوره

شكرا على المعلومات الخرندعيه راح احكي لصحبتي تجرب الطريقه وازا نفعت بدنا نعملك برائه اختراع للموضوع :))))

Unknown يقول...

هيثم

ولا يهمك:) قولتك بكره بيستلموني إعلانيا؟

zuhair

well i used to use the selek way to watch CSI on Isra2eli channel few years ago

but believe me the bukleh gives v great results!!
welcome zuhair :)

Unknown يقول...

ويسبر

ما عرفنا شو صار بس روحتي؟
اهم شي التعاون :)


hemedi

واللي ما عندو نت سريع وحاب يحضر على شاشه كبيره؟

شكرا عاللينك :)

Unknown يقول...

رولا

خدي راحتك انشريها متل ما بدك:)
بس بدنا نخدم D:

محمد

يعني إذا كنت انتا طبقي ومعك مصاري شو نعمل احنا؟

ما بعرف بس انا حضرت شوية من مباراة المانيا واستراليا عليها :)

Unknown يقول...

سوزان

هههههه انا لا رياضيه ولا شي

البركه بالشباب

الطريقه طريقتهم وهم اللي بيتابعوا مش انا :)

Unknown يقول...

Jarat

هههه ضحكتيني ذكرتيني بأيام زمان انا كنت من جماعة الابهام

بس هلأ الحمدالله عقلت

حقوق الطريقه الخرندعيه محفوظه ترى :)

Rita يقول...

مونديال 2006 عملنا نفس الفلم ...
بس بدل البكلة كان في شوكة من المطبخ D:

و نقعد نحضر ع السطوح و قصص هيهي

الظاهر رح تستمر حياة الترقيع لمدة مرتبة .. الله بيعين , شو في وراه غير انو يعين !

Unknown يقول...

Rita

في حدا قالي اصبع وفي سلك وهلأ شوكه!!
الظاهر انو العايشين عالترقيع كتار!!

أهلا وسهلا فيكي بالمدونه :)

Ahmad Merie يقول...

هاهاي طريقة "زريفة" جدا:)
فش عندك طريقة فك تشفير للمقيمين في الإمارات؟ :S

Unknown يقول...

أحمد

والله الطريقه صلاحيتها بتشمل الاردن وضواحيها
للاسف البث ما بيوصل اعلى من هيك :)